1 Samueli 23:9 - Wunta Mempori

⁹ Mansano tumo'orio i Daudi tinoono i Saulu anu mosa'o ndi onae, ipotaeakono sando mpesomba i Abiata, ”Wawao epo atuu i ndi'ai.”

1 Samueli 23:9 ပူးပေါင်းရင်းမြစ်များ

1 Mokole 2:26

Ndi ondae sando mpesomba Abiata, mepau ira mokole, ”Lakomo i Anatoti, a wita pine'uemu, hangano omue tekona hinuku mate. Sine, a oleo andio nahi aku mepateko, hangano omue montandekomo burua pedandia-Do Ue Ala i arodo amaku i Daudi, ka hangano sarumo omue marasai a laro luwuno marasaia anu pinembasaido amaku.”

Yeremia 33:3

Peboolimo ndi Ongkue, asalakono Aku sumangkiko ka pauakomu mongkona wineweu anu langkai anu nahi pinokonto'ori, mongkona wineweu anu nahi uto'orio.

Hosea 3:4

Hangano to Isaraeli ta tehine domentuwu nahina mokole, nahina petewawa, nahina pesomba, nahina tugu lahumoa, nahina epo ka terapimi.

Podoaa 27:21

Asalakono ka ipentade i arono sando mpesomba Eleasa, ka ipesikenoakono i Eleasa pomputusi molalo Urimi i aro-Do i Ue. A mpetenano i Yosua saru luwudo to Isaraeli, luwuno bawaa atuu, ira mpelungka ka a mpetenano ira mpekule.”

WINEWEUDO TINENA 14:6

Mansado tumo'orio tinena atuu, meliahako iramo a luwuno kota i Likaonia, onaemo i Lisitera ka i Derebe ka i wita petengi-tengino.

WINEWEUDO TINENA 9:24

Sine tinoo mosa'o atuu ito'orio i Saulu. Meene wongi domedagaio to Yahudi luwuno pewowa langkaino kota, ka dompokompepateo.

1 Samueli 10:22

Onaemo pu'uno ka dompo'ema mbo'u pontiso ndi Ondae i Ue, ”Nde mia atuu hawe koa ke i ndi'ai?” Sumangki Ira i Ue, ”Kitao, onae mewuni i olono sangka anu hadio.”

1 Samueli 14:18

Motae i Saulu ndi Ahia, ”Wawao Burua Pedandia-Do Ue Ala i ndi'ai.” Tempo atuu Burua Pedandia-Do Ue Ala mo'ia i olodo to Isaraeli.

1 Samueli 22:20

Sine asa anano i Ahimele, anano i Ahitubi, anu tola, meneeako i Abiata. Onae molai metonda ndi Daudi.

1 Samueli 23:10

Ka i'amba mekakai i Daudi, ”Oo Ue, Ue Alado to Isaraeli, kurongeomo i Saulu montoo ta aiwa rumopuo kota Kehila andio hangano ongkue.

1 Samueli 23:6

Tempono ipolai i Abiata anano i Ahimele lumako ndi Daudi i Kehila, iwawao epo a ngkaeno.

1 Samueli 23:8

Onaemo ka iwawa ira i Saulu luwuno palili ka domelako mpetea i Kehila mengkaduo i Daudi saru luwuno miano.

1 Samueli 30:7

Ka i'amba i Daudi parentao sando mpesomba Abiata anano i Ahimele, ipotae, ”Wawaomo epo ndi ongkue.” Iwawaomo i Abiata epo ndi Daudi.