1 Samueli 23:26 - Wunta Mempori

²⁶ I Saulu mesala i apano pongku wita anu i asambalino raane, ka i Daudi saru luwuno miano, mpesala i apano anu i asambalino ramai pongku wita atuu. I Daudi mompari-pari meliahako inso ndi Saulu, kontongaano i Saulu ka luwuno miano mpompete'umala ira mengkaduo i Daudi ka luwuno miano ira merako ira.

1 Samueli 23:26 ပူးပေါင်းရင်းမြစ်များ

2 Samueli 15:14

Ka i'amba motae i Daudi a luwuno pegawaino anu kongko saru onae i Yerusale, ”Aiwa tompolai ba nahi kita mentola inso ndi Abisalo. Impontuturakomo melako, kasi ronga tumonda lembui kita ka isolangi kita ka inangiakono ponai kota andio!”

2 Tawarika 20:12

Oo Ue Alamami, nde nahi Komiu humuku ira ke? Hangano nahina rosomami umaropio sorodadu anu asa bawaa langkai andio, anu aiwa sumapoi kami. Nahi kimento'orio hapa anu asalakono kami meweweuo, sine mata-Miu tetutu ndi omami.”

Po'unde-unde 17:11

Ondae mentondario pelempaku, kanandio-andio domelimbu aku, matado pino'aro ira mpepasiakune a wita.

Po'unde-unde 17:9

inso a mia mosa'o gauno anu bobarasai aku, ka inso anu kumadu aku ta umoninio penaaku.

Po'unde-unde 22:12

Si olai inso ndi ongkue, hangano masusaa umpedaomo ka nahina montulungi.

Po'unde-unde 22:16

rosoku mokari kana siba ntami, eloku metako a langiraku; ka a laro pampawu Inaa aku.

Po'unde-unde 31:22

Inunde-unde Iramo i Ue anu mopokitaomo pompehohawa-Do nahi bali anu kinohali-haliako ndi ongkue a laro ngkota anu mebente.

2 KORINTI 1:8

Hangano inehemami, luwumiu pepaekompo, ka imento'orio marasaia anu pinembasaimami i wita Asia Kodei. Tembia anu kipinopotembiako tedoa langkai ka tedoa mobea, ranta nami hina pompe'osaia da kami tuwu.

MENGKAAA 20:9

Ka mpewuatako iramo i asa wawontolino, ka do'amba mengkaduo pekemaado sorodadudo mia mempori ka kota anu pinehohawa atuu. Sine inso i langi metiiomo api mokomo'ai ira,

Puu Mpobitara 16:2

Domempinauako to Gasa, ”I Simeso haweomo i ndi'ai.” Ka do'amba mengkaduo ka dompomporaakono asa wongi a pewowano kota. Asa wongi atuu nahi dompoweweu hapa-hapa, hangano pinewowolodo, ”Umpeda meenepo to mpepateo.”

1 Samueli 19:12

Ka i'amba i Mikali motiio i Daudi mesala a pentangoa. Tolaomo i Daudi, hangano molai.

1 Samueli 20:38

Ka i'amba I Yonata mebooli inso i bungkuno tetenaa atuu, ”Te'ala, tuturako si butu pentade.” Ka i'amba tetenaano i Yonata binio ana mpana atuu ka ipekule ndi ueno.

1 Samueli 23:25

I Saulu saru luwuno miano melako me'ungkeo i Daudi. Mansano pinauako i Daudi, lumakoomo a pongkuno watu ka da kongkono mo'ia i Pada One Maoni. Irongeo i Saulu, lumakoomo lumuluo i Daudi i Pada One Maoni.

1 Samueli 23:27

Sine hawe asa mia tinena pauakono i Saulu, ipotae, ”Ipontuturakomo mekule, to Pelisiti mensapoiomo witato.”