1 Samueli 22:2 - Wunta Mempori

² Ka dontepoasaakonomo mbo'u mia anu memasukara, luwuno mia anu mpolaiako mia mpesinga, ka luwuno mia anu mahaki aroa. Anu tepumpu i tu'ai, bara'ura pato etu mia ka onae gagi petewawado.

1 Samueli 22:2 ပူးပေါင်းရင်းမြစ်များ

2 Samueli 17:8

Motae mbo'u i Husai, ”Ito'orio nine amamu ka luwuno miano onaemo puu mpe'iwali, ka melambaha ira kana berua tetadi anano i tonga mpada. Ka mbo'u amamu asa mia sorodadu ntu'u. Nahi ta mo'inee ira sorodaduno mpoturi.

2 Samueli 5:2

I ndi'ipua itempono i Saulu meparenta ndi omami, omiumo anu metewawa a luwuno peleludo sorodadu to Isaraeli. Ondae i Ue mepau iramo ndi omue: Omiumo anu ta pakambi ira bawaa-Ku Isaraeli, ka omiumo anu ta gagi petewawado Isaraeli.”

2 Mokole 20:5

”Pekulemo ka pauakono i Hisikia, mokoledo bawaa-Ku: Kanandiomo pau-Do i Ue, Ue Alano i Daudi, ama mpu'umu: Kurongeomo pekakaimu ka Kukitaomo uwoi matamu. Menteeano Aku koa mokotompako. A oleo ko'otolu omue kolumako a raha-Do i Ue.

2 Mokole 4:1

Asa mia inso i olono beinedo bawaado nabi mebooli ndi Elisa, ”Atamiu, tamaku, mateomo ka ito'orio nine atamiu atuu doitoako Ira i Ue. Sine, puu mposinga pasua haweomo ta umalao orua ira anaku gagi atano.”

Powadi 31:6

Inua mokora weeakonomo mia anu ta mate, ka anggoro a mia anu masusa aroa.

I MATIU 11:12

Mompu'u ipontutulu i Yohane Puu Mpobaho ranta kanandio-andio, Poparentaa Suruga inewai ka anu umewaio mo'arahako pabawaio.

I MATIU 11:28

Ime'aiwamo ndi Ongkue, luwuno anu memokendo ka ntelusa ka mpopemobea, Aku mowee komiu penaa-naaa.

IBARANI 2:10

Hangano lano menunu saru teweweu-Do Ue Ala – ndi Ondae ka hangano Ondae luwuakoano pinokogagi –, onaemo Ondae Ue Ala anu mowawa hadio mia a marambaa, ka mokosompo Ira i Yesu, anu wawa ira a ntekaduduia, mesala a ntebobarasaia.

Puu Mpobitara 11:3

I Yepeta molai binta ira pepaekompono atuu ka ipo'ia i wita Tobo. I ra'ai mia ntesosaelo mpe'asaakono ka domelako mpompomuru saru onae.

Puu Mpobitara 18:25

Mpotae iramo inuleno i Dani ndi onae, ”Siimo mbo'u kimerongeo paumu, ta mansa hina mia sumapoiko hangano mahaki aroa, ka imeropu asa raha.”

1 Samueli 1:10

A laro masusano aroano, i Hana mekakai ndi Ondae i Ue i tondaakono mengese sensedu.

1 Samueli 22:3

Inso i ra'ai i Daudi lumako i Misipa i wita Moabi ka ipotaeakono mokole Moabi, ”Tarima iramo amaku ka ineku mo'ia ndi omiu, ranta ka kuto'orio hapa po'ehe-Do i Ue Ala ndi ongkue.”

1 Samueli 23:13

Mepatindaomo i Daudi saru luwuno miano, bara'ura nomo etu mia hadiono, ka domelako mebintao Kehila ba isuamo koa dompokomelako. Tempono ipinaukao i Saulu nine i Daudi metolahakoomo inso i Kehila, nahi gagi lumako metea.

1 Samueli 25:13

Ipotaeako ira i Daudi miano, ”Sisingge mia metampio ponaino.” Onaemo ka dompetampio ponaido, kanatuu koa mbo'u i Daudi ipetampio ponaino. Bara'ura pato etu mia anu tumondao i Daudi, anu orua etu mia mpo'ia mpodagai sangkado.

1 Samueli 30:6

Tedungkuomo i Daudi hangano dompotae palili ira mewunoakono watu. Luwuno palilino masusa aroado, hangano anano tama ka beine. Sine i Daudi mohawe roso inso ndi Ondae i Ue, Ue Alano.

1 Samueli 9:16

”Tisomo tempo kanandio, Aku mo'oliwi asa mia tama ndi omue inso i wita Benami. Mia atuu urapiomo ka igagi mokoledo bawaa-Ku Isaraeli. Onae ta kumadudui ira bawaa-Ku inso a ngkaedo to Pelisiti. Nde Kukitaomo marasaido bawaa-Ku atuu hangano peboolido haweomo ndi Ongkue.”