1 Samueli 22:17 - Wunta Mempori

¹⁷ Itena iramo mokole miano anu mpentade i horino, ”Imelakomo mpepate ira luwu sando mpesomba-Do i Ue atuu, hangano ondae mpokowalio i Daudi. Maupo domento'orio nine onae molai, nahi domempauo ndi ongkue.” Sine mia atuudo nahi domebehe mpotiio kaedo a nsando mpesomba-Do i Ue atuu.

1 Samueli 22:17 ပူးပေါင်းရင်းမြစ်များ

2 Samueli 15:1

Ba opia tempo lembuino i Abisalo mompatinda aasa kareta mpeteano saru ngara, ka lima pulu mia anu mpelulu i arono.

1 Mokole 1:5

I Adonia, anano i Hagi mompelangka-langkai ka ipotae, ”Ongkue anu ta gagi mokole.” Ipatindao hadio kareta ka sorodadu anu mpengara saru lima pulu mia anu mpelulu i arono.

1 Mokole 14:27

Gagi euno, i mokole Rehabea moweweu luwuno kanta mala anu ipe'ala-alaakono a luwuno petewawado puu mpodagai pewowa langkanaedo mokole.

1 Mokole 18:4

I tempono i Isebeli mepate ira nabi-Do i Ue, i Obaja umala ira asa etu mia nabi ka iwuni ira i larono ngkunepo, asa mpo'ianga lima pulu mia, ka ipompatindaako ira kaanga ka inuado.

2 Mokole 10:25

Nahi tehine mansano umari mompesombaako pesomba tinunu, i Yehu motaeako ira luwuno puu mpodagai ka luwuno petewawa sorodadu, ”Impewinsomo, impepate iramo, maupo te'asa mia si hina tola!” Mpewinso iramo mepateako ira mata mponai luwuno mia atuu. Luwuno puu podagai ka luwuno petewawa sorodadu atuu mentadio luwuno wata ngkoroido, ka do'amba melako a bolongko i larono raha Ba'ala.

Peluarakoa 1:17

Sine sando mpe'ana atuu doito ira ndi Ondae Ue Ala ka nahi doweweuo kana anu ipauako ira mokoledo to Masiri ndi ondae, onaemo ka dopo'inee ira nana'ote atuudo mentuwu.

WINEWEUDO TINENA 4:19

Sine dosangki ira i Peturu ka i Yohane, ”Moiko imempakosio omiumiu isuake anu mentee i aro-Do Ue Ala: metenunu ndi omiu ke metenunu ndi Ondae Ue Ala.

1 Samueli 14:45

Sine palili mpotaeakono i Saulu, ”Nde i Yonata anu mowawa poponangi langkai i Isaraeli asalakono ta mate? Osi'i! A nee-Do i Ue anu tuwu, maupo te'asa tangke wuuno inso a uluno nahi ta tedonta a wita! Nde luwuno wineweuno oleo andio hangano pontulungi-Do i Ue Ala.” Kanandiomo i Yonata dompotolao palili, ka nahi gagi pinepate.

1 Samueli 2:31

Nami ta tehine mbo'u tamo ronga hawe tempono, Aku mokomolemako saru inulemu, ranta nami ta hina maupo te'asa mia a inulemu anu melai tinuwuno.

1 Samueli 20:33

Sine, i Saulu kumansaio i Yonata ta mepateo. Ka ito'oriomo i Yonata nine bobotoliomo aroano amano ta mepateo i Daudi.

1 Samueli 22:13

Mesikeno i Saulu ndi onae, ”Tembio ka utepo'asaakono anano i Isai umewai aku, upoweeakono roti ka ponai saru upo'emaakono pontiso ndi Ondae Ue Ala ka imoroso umewai aku, kanandio onaemo gagi iwaliku?”

1 Samueli 22:16

Sine ipotae mokole, ”Omue saru luwuno pe'asa rahamu asalakono mate.”

1 Samueli 25:17

Onaemo ka ipewowoloomo ka ito'oriomo hapa anu komiu weweuo, hangano masolaa asalakono ta hawe ndi ondae ueto ka luwuno pe'asa rahado. Onae asa mia lambaha ranta ka nahi behe inoluako mepau.”

1 Samueli 8:11

ipotae, ”Andio pabawano mokole anu ta moparenta ndi omiu. Onae ta umala ira anamiu anu tama gagi sorodadu a ngkareta mpe'iwali, sorodadu mpengara, ke anu mpelulu i arono karetano.