1 Samueli 20:3 - Wunta Mempori

³ Sine i Daudi mokomanasaakono aroano i Yonata, ipotae, ”Ondae amamu doto'orio ntu'u, omue tedoa moiko ndi ongkue, onaemo ka dopewowoloo, ’ka simansa tumo'orio i Yonata mongkona andio, ranta kai masusa aroano.’ Sine a nee-Do i Ue anu tuwu ka tuwumu, asa laampa'amokoa olono ongkue ka matea.”

1 Samueli 20:3 ပူးပေါင်းရင်းမြစ်များ

2 Samueli 15:21

Sine i Itai sumangki ira mokole, ”A nee-Do i Ue anu tuwu ka a ntuwumiu ueku mokole, isua ipo'ia ueku mokole, moiko tuwu maupo mate, i tu'ai mbo'u atamiu andio.”

2 Mokole 2:2

Motaeomo i Elia ndi Elisa, ”Po'iamo i ndi'ai, hangano Ondae i Ue tumena aku lumako i Beteli.” Sine sumangki i Elisa, ”A nee-Do i Ue anu tuwu ka a ntumuwumiu, nahi aku binta komiu.” Ka do'amba lumako i Beteli.

2 Mokole 2:4

Motae i Elia ndi onae, ”Elisa, po'iamo i ndi'ai, hangano Ondae i Ue tumena aku lumako i Yeriko.” Sine sumangki, ”A nee-Do i Ue anu tuwu ka a ntumuwumiu nahi aku bintakomiu.” Ka i'amba hawe iramo i Yeriko.

2 Mokole 2:6

Motae i Elia ndi onae, ”Po'iamo i ndi'ai, hangano Ondae i Ue tumena aku lumako i koro Yarade.” Sumangki, ”A nee-Do i Ue anu tuwu ka a ntumuwumiu, nahi aku binta komiu.” Ka do'amba motilaloakono pelempaado.

Po'unde-unde 116:3

Ohono matea wewesi aku, doitoakono tolinodo mia mate umalu aku, masusa aku ka me'i'isei.

Yeremia 38:16

Ka i'amba mokole Sedekia mewuni-wuni mesumpa ndi Yeremia, kanandio, ”A nee-Do i Ue anu tuwu anu moweeakitamo penaa andio, nahi aku mepateko ka nahi aku meweengakomu a ngkaedo mia anu mpomporaakono penaamu.”

Yeremia 4:2

Tewala a laro mpetenunu, moleoa, ka menteea upesumpa: A nee-Do i Ue anu tuwu!, asalakono luwuno tongku ira merinonso ndi Ondae ka mpo'unde ndi Ondae.”

Winali 28:66

Tumuwumiu nahi manasa; meene ka wongi komiu medoito ka nahina manasano a larono tumuwumiu.

Winali 6:13

Asalakono imedoitoako Ira i Ue, Ue Alamiu. Asalakono ndi Ondaemo impesomba ka asalakono impesumpa a nee-Do.

IBARANI 6:16

Hangano mia mesumpa a neeno mia anu lalu mantande, ka sumpa atuu gagi aasa pompokoroso ndi onae, anu mokotampulao luwuno pengengea.

1 Samueli 1:26

Ipotae i Hana, ”Tabeamiu ueku, ndi omiu ueku anu tuwu, ongkuemo beine anu i ndi'upua mentade mekakai ndi Ondae i Ue i ndi'ai umpeda ndi omiu,

1 Samueli 17:55

Mansano kumitao i Saulu peluarakono i Daudi umaropio to Pelisiti atuu, mesikenoomo ndi Abinere, tadulako sorodaduno, ”Anano isemake ana mongura atuu?” Sumangki i Abinere, ”Tabeamiu mokole, nahi kuto'orio.”

1 Samueli 20:2

Sumangki i Yonata, ipotae, ”Kuto'orio ntu'u, nahi kopinepate. Kau to'oriokoa, luwuno anu ira weweuo amaku, kodei ke langkai asalakono dopauo ndi ongkue se'elu. Tembio ka ira wunio ndi ongkue? Nahi pewinso akalaku.”

1 Samueli 20:4

Motae i Yonata ndi Daudi, ”Maupo hapa anu po'eheno aroamu, aku tumulungiko.”

1 Samueli 25:26

Kanandio-andio ueku, a nee-Do i Ue anu tuwu ka tumuwumiu, hangano Ondae i Ue anu umonto komiu mombalaoko kaemiu a iwalimiu, po'ineeomo luwuno iwalimiu anu montoo ta sumolangi komiu ueku kana i Naba!

1 Samueli 27:1

Motae i Daudi i laro aroano, ”Asa tempo ta mepate aku i Saulu. Laluopo aku lumako i witado to Pelisiti. Gagi nami ta hori mbo'u i Saulu umungke aku a luwuno witado to Isaraeli ka akumo tola inso a ngkaeno.”