1 Samueli 20:1 - Wunta Mempori

¹ I Daudi molai inso i Nayoti, i Rama. Onae hawe ndi Yonata ka ipotae, ”Hapake wineweuku? Hapa salaku ka hapa halaku ndi ondae amamu ka ipontoo ta mepate aku?”

1 Samueli 20:1 ပူးပေါင်းရင်းမြစ်များ

Po'unde-unde 54:3

Oo Ue Ala, Ikadudui aku hangano nee-Miu, Ipowee akumo moleoa hangano moroso-Miu!

2 KORINTI 1:12

Ndiomo anu kipo'undeako, onaemo nine i laro aroamami mesakosii ndi omami, nine tuwumami i wawontolino andio, tamoako a mpenggoeamami saru omiu, ipabawaio moleoa ka memporia inso ndi Ondae Ue Ala komba hangano ponto'ori ntolino, sine hangano rosono pompehohawa-Do Ue Ala.

2 PETURU 2:9

ka mengkaa, nine Ondae i Ue tumo'orio kumadudui ira mia mpesomba ntu'u inso a mpo'ara-arahako ka tumo'orio numaa ira mia mpoweweu mosa'o ka domebinobarasai a oleo pobitaraa,

1 YOHANE 3:21

Pepaekompo luwu-luwu anu kinekewoiku, tewala aroato nahi tuluri kita, ka memosia kita umpedaako Ira Ue Ala a pompe'ala-ala,

1 Samueli 12:3

I ndi'ai mentade aku. Tewala hinao salaku ndi omiu imempauomo i aro-Do i Ue ka i arono mia anu bininiki-Do. Ba hinao sapimiu inalaku, ke kalideno isema inalaku, ke isema pinokonsiiku, ke isema pino'emaiku, ke a ngkaeno isema kupontarima pompowee nahi moleo? Aku mokuleakomiu.”

1 Samueli 19:1

I Saulu motaeakono i Yonata, anano ka luwuno atano, nine i Daudi asalakono ta pinepate. Sine i Yonata, anano i Saulu, tedoa i'ineheakono i Daudi.

1 Samueli 19:18

I Daudi molai, ka itola. Onae aiwa ndi Semueli i Rama, ka ipauakono luwu wineweuno i Saulu ndi onae. Ka i'amba lumako iramo i Daudi saru i Semueli mo'ia i Nayoti.

1 Samueli 20:2

Sumangki i Yonata, ipotae, ”Kuto'orio ntu'u, nahi kopinepate. Kau to'oriokoa, luwuno anu ira weweuo amaku, kodei ke langkai asalakono dopauo ndi ongkue se'elu. Tembio ka ira wunio ndi ongkue? Nahi pewinso akalaku.”

1 Samueli 20:32

Sine sumangki i Yonata ipotaeakono amano, ”Tembio ka ta pinepate? Hapamo anu wineweuno?”

1 Samueli 24:11

Oleo andio ikitaakonomo matamiu nine oleo andio Ondae i Ue meweenga komiu a ngkaeku i laro ngkunepo atuu. ’Hinao mia tumena aku mepate komiu, sine kupehohawa komiu, hangano kupewowoloo, nahi aku motiio kaeku umewai ira ueku, hangano ondaemo mia anu inurapi-Do i Ue.’

1 Samueli 24:12

Ikitao, Amaku, ndiomo untuno lemba meloemiu a ngkaeku sine nahi kupepate komiu! Gagi temolinomo pinewowolomiu ka ikitaomo nine kaeku nahina wineweuno anu mosa'o umewai komiu. Nahi kupoweweu hala ndi omiu, maupo iwela lumulu aku mingki mepate aku.

1 Samueli 24:17

Mansano umari i Daudi mohaweo pau atuu ndi Saulu, motaeomo i Saulu, ”Omueke anaku Daudi anu mepau atuu?” Ka i'amba i Saulu mengese meroku,

1 Samueli 24:9

Ka i'amba i Daudi meluarako mbo'u inso a laro kunepo atuu, ka i'amba mebooli ndi Saulu inso i bungkuno, ”Oo ue mokole!” I Saulu mewolili i bungkuno, ka i'amba mesomba i Daudi ra'ino tii a wita.

1 Samueli 26:18

Motae mbo'u i Daudi, ”Tembio ueku ka i luluo tetenaamiu andio? Hapamo anu wineweuku? Hapamo wineweuno kaeku anu mosa'o?