1 Samueli 2:9 - Wunta Mempori

⁹ Dokongkomio pelempado mia pinehohawa-Do, sine mia mosa'o gauno ira memate a wongi-wongiano, nde komba hangano roso onaeno, mia gagi pabawa.

1 Samueli 2:9 ပူးပေါင်းရင်းမြစ်များ

Ayubi 18:18

Onae sinaari inso a mewineano a laro wongi-wongia, ka onae pinokotampula inso i wawontolino.

Ayubi 40:13

Luwuno wukuno kana pipa mala, rangka wukuno kana watano labu.

Ayubi 5:16

Kanandiomo hinao pomperorohiado mia kodei, ka molengkua mbo'u mekomu.

Ayubi 5:24

Omue kotumo'orio nine kemamu nahina anu sumosanggolio, omue paresao pada pompakambiamu ka nahi ta hina tetadimu maupo hapa.

Po'unde-unde 1:6

hangano Ondae i Ue tumo'orio pesalaano mia mentee, sine pesalaano mia mosa'o gauno te'aro a matea.

Po'unde-unde 105:37

Dotaate ira bawaa-Do mpeluarako mpowawa salaka ka wulaa, ka i olono sukudo nahina anu tetidu.

Po'unde-unde 121:3

Nahi Ira mo'ineeo karumu telelu, Anu Dumagaiko nahi Ira tekoturi rodo.

Po'unde-unde 121:5

Ondaemo i Ue Anu Dumagaiko, Ondaemo i Ue pe'egoamu te'alaako a ngkae koanamu.

Po'unde-unde 121:8

Ondae i Ue Ira dumagaio peluarakomu ka pewinsomu, mompu'u kanandio-andio hawe nahina tampulaano.

Po'unde-unde 145:20

Ondae i Ue dumagaio luwuno mia anu pinehohawa-Do, sine luwuno mia mosa'o gauno Dopepate ira.

Po'unde-unde 31:17

Iweweuomo rupa-Miu mewanta a ntetenaa-Miu, Ikadudui akumo hangano pompehohawa-Miu anu nahi bali!

Po'unde-unde 37:28

hangano Ondae i Ue kumekewoio songka, ka nahi Dobintao mia anu pinehohawa-Do. Mia moweweu mosa'o ta pinepate ranta nahina tampulaano, ka inuleno mia mosa'o gauno ta pinokotampula.

Po'unde-unde 94:18

Mansaku mewowoloo, ”Karuku nami moroso,” pompehohawa-Miu, oo Ue, mokoroso aku.

Po'unde-unde 97:10

Hei mia anu mehohawa Ira i Ue, o'aliaakonomo anu mosa'o! Ondae, anu mekariao penaano mia anu pinehohawa-Do, ta motola ira inso a ngkaeno mia mosa'o gauno.

Powadi 16:9

Aroano mia mompewowolo pesalaano, sine Ondaemo i Ue anu mokomanasao te'aroano pelempano.

Powadi 2:8

modagai sala moleoa, ka mekakaakono pesalaado mia anu mpetenunu ndi Ondae.

Powadi 3:26

Hangano Ondaemo i Ue anu ta gagi pehondaamu, ka Ira lumiahakono karumu inso a oho.

Puu Pontutulu 5:17

Kitaomo, anu kupemoikoo ka koona ntu'u a mia onaemo mongkaa mo'inu ka mesana-sanaa a laro luwuno rinokuhi anu wineweu pine'isei i totono mata'oleo asa ntinuwu, anu Doweeakono Ue Ala, hangano onaemo tiano.

Puu Pontutulu 9:11

Ka mbo'u kukitao i totono mata'oleo nine ponangia a mpetandia komba tiano anu magasi, ka peteaa komba tiano anu moroso, ka roti mbo'u komba tiano anu monto'ori, pompoli komba tiano anu pande mompewowolo, ka pompelangkai komba tiano anu pande mo'ungke akala, hangano tempo ka teweweuno dompembasaio luwu.

Yesaya 27:3

Ongkue, Ue, anu dumagaio; sompo tempo Kusisiwuio. Kasihina anu sumosanggolio, meene wongi Kudagaio;

Yesaya 47:5

Pentoromo perodo-rodo ka pewinsomo a laro wongi-wongi, hei ana beine Kasidimi! Hangano, omue nami kopinau mbo'u Mokole beine a luwuno poparentaa.

Yeremia 8:14

Tembio ka tobutu mpentoro-toro? Mpempumpumo ka aiwamo tomelako a luwuno kota mebente ka memate i ra'ai! Hangano Ondae i Ue, Ue Alato, mo'inee kita memate, moweeakita mpo'inu rasu, hangano mentehala kitamo ndi Ondae i Ue.

Yeremia 9:23

Kanandiomo pau-Do i Ue, ”Mia pande mosongka ka si po'undeakono pandeno mosongka, mia moroso ka si po'undeakono rosono, mia kaea ka si po'undeakono kaeano.

Nahumi 1:8

maupo a laro mowo anu umaluo. Dopingko ira ntu'u po'iangado anu me'ewa, ka iwali-Do Dosaario a laro wongi-wongi.

Sepanya 1:15

Oleo atuu oleo tekudaa, oleo mosusaa ka masukaraa, oleo tekalea ka rodoa, oleo wongimpusu ka menggao-nggao, oleo menseru ka wongi-wongi,

Sakaria 4:6

Onae mepau ndi ongkue, ipotae, ”Ndiomo pau-Do i Ue ndi Serubabeli, kanandio: Komba saru mosia ka komba saru roso, tendeano saru penaa-Ku, pau-Do Ueno luwuakoano.

Podoaa 6:24

Ondae i Ue rumonsokomiu ka kumongkomikomiu;

I MATIU 8:12

sine luwuno anano Poparentaa atuu ira mempinetadiako a laro wongi-wongia anu wongi mpusu, i ra'aimo hinao ponsabangia ka ke'ingisia.”

ROMA 3:19

Sine tomento'orio, nine luwuakoano anu teburi a Wunta Taura tiado anu mentuwu i totono songka Taura, ka ite'onso sompo nganga ka asa wawontolino ntedonta i totono pohuku-Do Ue Ala.

Winali 33:3

Mentee ntu'u Dopehohawa ira bawaa-Do, luwuno mia-Do anu mempori, a laro ngkae-Do i Ue. A ngkaru-Miumo dompentoro, morako aasa inso a mpau-Miu.

1 PETURU 1:5

Onaemo omiu anu tepekaria a laro roso-Do Ue Ala hangano pompe'ala-alamiu kontongaamiu mensikorio tekaduduia anu pinatindaomo ka ipinokomengkaa a mpokotompaano tempo.

2 PETURU 2:17

Guru mpegaupi atuudo onaemo kana mata uwoi anu mo'are, kana gawu anu pinuurino angi mokora; tiado tetindaomo po'ianga a laro wongi-wongia anu tedoa worikidi.

YUDASI 1:1

Inso ndi Yudasi, tetenaa-Do i Yesu Kerisituu ka pepaekompono i Yakobu, hawe ndi ondae anu mempinoboi, anu mempinehohawa ndi Ondae Ue Ala Ama, ka anu mempinekaria tia-Do i Yesu Kerisituu.

YUDASI 1:13

Ondae kana bombano tahi anu mongkokongiri, anu mewureako tetataado ondaedo; ondae kana luwuno anano wula anu tiano tetindaomo po'ianga i wawontolino wongi-wongia ranta nahina tampulaano.

YUDASI 1:3

Luwuno pepaekompo anu kinekewoiku, kontongaaku mompesu'ui meteahako buriakomiu mongkona tekaduduiato luwu, telelu aroaku burio andio ndi omiu ka mompauakomiu, ka imekongko koa mpiha mpeteahako mengkorahakono pompe'ala-ala anu pinohaweomo a luwuno mia mempori.

1 Samueli 25:26

Kanandio-andio ueku, a nee-Do i Ue anu tuwu ka tumuwumiu, hangano Ondae i Ue anu umonto komiu mombalaoko kaemiu a iwalimiu, po'ineeomo luwuno iwalimiu anu montoo ta sumolangi komiu ueku kana i Naba!