1 Samueli 2:8 - Wunta Mempori

⁸ Dopokoroso ira mia molema inso a ntebobarasaiado, ka Dotande ira mia mongkokolaro inso a marasaiado, ka Dompontoro ira saru luwuno ulea mokole, ka mpohawe ira pentoroa anu pinelangkai. Nde Ondae i Ue pu'uno wawontolino, i wawono Donaao wawo wita.

1 Samueli 2:8 ပူးပေါင်းရင်းမြစ်များ

Tegagia 41:14

Metenaomo i Pirao moboio i Yusupu, ka i'amba ronga linuarako inso a aa torungku. Umarino mekeru ka umeuo sangkano, onae lumako me'aro ndi Pirao.

Tegagia 41:40

Omuemo anu gagi puu mpo'ini pabawa a langkanaeku, ka luwuno paliliku ta inatora a parentamu. Butu kadera poparentaa andio polaluaku inso ndi omue.”

2 Samueli 7:8

Onaemo pu'uno, asalakono ka upauo kanandio ndi tetenaa-Ku i Daudi, Kanandiomo pau-Do Ueno luwuakoano: Ongkuemo anu umalako inso a ntonga mpada, tempono da upompakambi asa bawaa bembe bimba, gagi petewawado bawaa-Ku Isaraeli.

1 Mokole 16:2

”Omue Kutandekomo inso a pampawu ka Kupotoroko gagi mokoledo bawaa-Ku to Isaraeli, sine omue tuwu kana i Yerobea, ka gagi pu'uno bawaa-Ku Isaraeli mpoweweu ira hala. Ranta ka dompokotesingkao tekuda-Ku hangano halado.

2 Mokole 9:6

Mentade i Yehu kai pewinso a laro raha. Nabi mongura atuu tumawao lana a wawo uluno ka ipotaeaono, ”Kanandiomo pau-Do i Ue, Ue Alado to Isaraeli: Ku'urapikomo gagi mokole a bawaa-Do i Ue, a nto Isaraeli.

Ayubi 1:21

Ipotae, ”Kupeluarako kolambe-lambe inso a mpe'anakaano ineku, kolambe-lambe mbo'u kupekule i larono. Ondae i Ue anu mompowee, Ondae i Ue anu umalao, inunde-undeomo nee-Do i Ue!”

Ayubi 2:8

Ka i'amba i Ayubi umalao asa nsiba pehano tami gagi pekaru-karuno a ngkoroino ka ipentoro a ntonga awu.

Po'unde-unde 102:25

Kupotae, ”Oo Ue Alaku, si alao penaaku a entongano tinuwuku! Luwuno ta'u-Miu kongko mpiha mapa'api-api inule!”

Po'unde-unde 104:5

Omiu motakoo tolino a wawo empehino, onaemo ka nahi ta telelu ranta nahina tampulaano.

Po'unde-unde 107:41

sine mia mongkokolaro Dotandeo inso a marasai, ka Doweweuo sukudo kana hadiono bawaano bimba.

Po'unde-unde 24:2

Hangano Ondaemo anu numaao a wawo ntahi malua ka anu montadeo a wawo luwuno korono.

Po'unde-unde 75:3

”Tewala Kupakosio tempono, Ongkue isa'a ta bitaraakono menteea.

Po'unde-unde 75:4

Tolino ka luwuno palilino mpondidi-ndidi; sine Ongkuemo anu mokoroso ira karuno.” Sela

Po'unde-unde 75:7

Hangano komba inso i sabaano oleo ke inso i sumooano oleo ka komba inso i pada one haweno pokomantandeno pontudu atuu,

Puu Pontutulu 4:14

Hangano, mia mongura atuu meluarako inso a ntorungku ka igagi mokole, maupo ipine'anaako mongkokolaro itempono poparentaano mia anu mota'u atuu.

Yesaya 22:23

Aku metandapakono kana pandora a rere watu anu moroso ranta onae ta gagi kadera pompelangkaia a mpe'etuno.

Danieli 2:48

Ka i'amba mokole melangkaio i Danieli ka moweeakono hadio pompowee langkai, saru mokogagio anu pabawaio luwuno wita Babeli ka luwuno mia pande mosongka i Babeli.

Danieli 4:17

Parenta andio domempaleleo puu mpodagai ka mongkona andio montonda pomputusido mia mempori, ka domento'orio mia mentuwu, nine Anu Tedoa Mantande pabawa a poparentaano mia ka meweengakono ndi sema anu inehe-Do, maupo mia anu tetotoako Dopokotandeo tiano pentoroa atuu.

Danieli 6:3

i wawodo pinotoro mbo'u otolu anu langkai potorono, ka i Danieli onaemo asa mia inso i olodo otolu mia atuu. Ndi ondaemo luwuno petewawa daera peweengakono inangga moiko anu asalakono domeweweuo ka si pinokorugi mokole.

IBARANI 1:3

Ondaemo wantano maramba-Do Ue Ala ka gambara tade-Do Ue Ala ka luwuakoano pinokorosoako pau-Do anu bukeako pabawa. Ka mansa-Do umari moweweu pompokomemporia inso a hala, mentoro Ira i koana-Do Anu Tedoa Langkai, a mpo'ianga anu mantande,

YAKOBU 2:5

Imerongeomo, hei pepaekompo luwu-luwu anu pinehohawaku! Kombake Ondae Ue Ala biniki ira mia anu pinemongkokolarono wawontolino andio ka domegagi kaea a pompe'ala-ala ka dompe'umbuo Poparentaa anu Dodandiako iramo ba isema anu mehohawa Ira?

MENGKAAA 1:6

ka anu weweu kitamo megagi aasa poparentaa, megagi luwuno sando mpesomba-Do Ue Ala, Ama-Do, – ndi Ondaemo marambaa ka pabawa ranta nahina tampulaano. Ami.

MENGKAAA 22:5

Ka wongi nahi ta hina mbo'u i ra'ai, ka nahi dompongkere wantano hulu ka wantano mata'oleo, hangano Ondae Ue Ala Ira mokomewine ira, ka ira pomparenta kana mokole ranta nahina tampulaano.

MENGKAAA 3:21

Ba isema monangi, onae Aku montoroo meronga saru Ongkue a wawo ngkadera poparentaa-Ku, kana Ongkue mbo'u monangi Akumo ka mentoro meronga saru Ondae Ama-Ku a wawo ngkadera poparentaa-Do.

MENGKAAA 5:10

Ka Iweweu iramo gagi aasa poparentaa, ka megagi sando mpesomba tia-Do Ue Alato, ka ira mpeparenta kana mokole i tolino.”

1 Samueli 15:17

Motae i Semueli, ”Maupo ukodei potaeno aroamu, komba omue ke petewawado to Isaraeli? Omue umariomo Do'urapiko i Ue gagi mokoledo to Isaraeli.