1 Samueli 2:6 - Wunta Mempori

⁶ Ondae i Ue mompepate ka mompotuwu, ka Ondae mompotii a mpo'iangado mia mate ka mowuatako inso i ra'ai.

1 Samueli 2:6 ပူးပေါင်းရင်းမြစ်များ

1 Mokole 17:22

Dorongeo i Ue po'emano i Elia atuu, ka penaano nana'ote atuu mekule a ngkoroino ranta ka iwali tuwu.

2 Mokole 5:7

Mansano umari basao mokoledo to Isaraeli wunta atuu, iberio sangkano kai potae, ”Nde ongkue andio Ue Ala anu mompepate ka mompotuwu ranta kai pe'oliwi mia andio ndi ongkue kaku pokotompao asa mia inso a haki ngkuli mesakino? Kitaomo, ka to'oriomo, onae mo'ungke-ungkeako ndi ongkue.”

Ayubi 5:18

Hangano Ondae anu belaio, sine Ondae koa mbo'u anu waluo; Ondae anu tumunduhio, sine kae-Do koa mbo'u anu mokotompao.

Po'unde-unde 116:3

Ohono matea wewesi aku, doitoakono tolinodo mia mate umalu aku, masusa aku ka me'i'isei.

Po'unde-unde 30:4

Ue, Omiu tumande aku inso a ntolinodo mia mate, Omiu kumaduduio tuwuku ranta nahi kupetii a laro ngkaburu.

Po'unde-unde 68:20

Inunde-unde Iramo i Ue! Oleo me'eu oleo Dotembiakita tinembito; Ondaemo Ue Ala tekaduduiato. Sela

Po'unde-unde 71:20

Maupo Iweweu akumo membasaio hadio masusaa ka masolaa, Komiu koa wali motuwu aku, ka inso a ondaloano ntu'u tolino Komiu koa wali wuatako aku.

Puu Pontutulu 3:3

hinao tempo mompepate ka hinao tempo mompokotompa; hinao tempo mohoa ka hinao tempo mowangu;

Yesaya 26:19

Oo, Ue, mia-Miu anu memate ira mentuwu mbo'u, wata ngkoroido ta mewangu mbo'u. Hei mia anu mengkinaburu iramo a laro wita impewangumo ka imengkokora-koramo! Hangano tontoru-Do i Ue onaemo tontoru mewine, ka tolino ta wali me'anaako onitu,

Yehesikieli 37:12

Onaemo pu'uno, pauomo anu ta gagi ka potaemo ndi ondae: Kanandiomo pau-Do Ue Ala: Mentee ntu'u, Ku'ungkahio luwuno kaburumiu ka wangu komiu inso i larono, hei bawaa-Ku, ka Aku wawa komiu i wita Isaraeli.

Yehesikieli 37:3

Mepau Ira ndi ongkue, ”Hei anano mia, polioke wuku andiodo wali pinotuwu?” Sumangki aku, ”Oo Ue Ala, Omiumo anu tumo'orio.”

I MATIU 12:40

Hangano kana i Yunu mo'ia a laro kompono bou otolu oleo ka otolu wongi, kanatuumo mbo'u i Ana Manusia Ira mo'ia a laro wita otolu oleo ka otolu wongi.

I YOHANE 11:25

Sumangki Ira i Yesu, ”Ongkuemo pewangua ka tuwua; ba isema me'ala-ala Aku, onae ta tuwu maupo mateomo,

Winali 32:39

Imengkitaomo kanandio-andio, nine Ongkue, Ongkuemo Ue. Nahina Ue Ala sangkadio Ongkue. Ongkuemo anu mompepate ka mompotuwu, Ongkuemo anu mobelai ka Ongkuemo anu mokotompa, nahina anu mokompotolao inso a ngkae-Ku.

MENGKAAA 1:18

ka Anu Tuwu. Mate Akumo, sine kitaomo, Tuwu Aku, ranta nahina tampulaano ka Ongkue uminio luwuno kunsino matea ka poparentaano matea.

1 Samueli 20:3

Sine i Daudi mokomanasaakono aroano i Yonata, ipotae, ”Ondae amamu doto'orio ntu'u, omue tedoa moiko ndi ongkue, onaemo ka dopewowoloo, ’ka simansa tumo'orio i Yonata mongkona andio, ranta kai masusa aroano.’ Sine a nee-Do i Ue anu tuwu ka tuwumu, asa laampa'amokoa olono ongkue ka matea.”