1 Samueli 2:30 - Wunta Mempori

³⁰ Onaemo pu'uno, kanandio pau-Do i Ue, Ue Alado to Isaraeli, lano Kupauomo: Pe'asa rahamu ka inulemu, ira mpopekakaako gagi sando mpesomba i aro-Ku ranta nahina tampulaano. Sine kanandio-andio, kanandiomo pau-Do i Ue: Nahi Aku mokogagio kanatuu, hangano isema anu melangkai Aku Kupelangkaio, sine isema anu me'uru-uru Aku, nahi ta pinerio.

1 Samueli 2:30 ပူးပေါင်းရင်းမြစ်များ

1 Mokole 11:11

Ka i'amba mepau Iramo i Ue ndi Salomo, ”Hangano pelelumu kanatuumo, ka nahi upekariao pedandia ka luwuno pompakosi-Ku anu umariomo Kuparentaakomu, menteeano Aku Kumansao poparentaa atuu inso ndi omue ka meweengakono a atamu.

1 Mokole 2:27

Umarino atuu i mokole Salomo mokompenaa-naao i Abiata inso a mpo'anggaano gagi sando mpesomba-Do i Ue. Kanandiomo i'ihiio i Salomo pau-Do i Ue anu Dopauomo i Silo mongkona somborino i Eli.

1 Tawarika 17:18

Hapa mbo'u anu ipokotiangio i Daudi ndi Omiu mongkona marambano tetenaa-Miu andio? Omiu tumo'orio tetenaa-Miu andio.

2 Tawarika 15:2

Onae lumako tepohaweakono i Asa, ka ipotae ndi onae, ”Ronge akumo, omue Asa saru luwuno Yehuda ka Benami! Ondae i Ue saru omiu tewala omiu saru Ondae. Tewala ime'ungke Ira, Dopemoikoo intepohaweako Ira, sine tewala imebinta Ira, Ira binta komiu.

2 Tawarika 26:18

ondae mpentade i arono mokole Usia ka dompotae ndi onae, ”Hei, Usia, komba anggaamu montunu pesomba dupa ndi Ondae i Ue. Luwuno sando mpesomba inuleno i Haruni koa anu umari iramo mpinokomempori anu tiado mpotunu pesomba mana mo'ahi! Peluarakomo inso a mpo'ianga mempori andio, hangano melelukomo nahi petenunu! Nami ta hina mbo'u pontudu ndi omue inso ndi Ondae Ue Ala.”

Po'unde-unde 18:20

Ondae wawa aku meluarako a mpo'ianga malua, Ondae kumadudui aku, hangano Dopemoiko aku.

Po'unde-unde 18:26

A mia anu mpetenunu Omiu metenunu, a mia anu nahina tataano Omiu nahina tataano,

Po'unde-unde 50:23

Isema anu mompesombaako pesomba po'unde-unde, onae umunde-unde Aku; mia anu mentee pesalaano, Aku mopokitaakono tekaduduia inso ndi Ondae Ue Ala.”

Po'unde-unde 73:20

Kana mo'ipi i tempono mewangu, oo Ue, tempono Ipentade, rupado Ipekodeio.

Po'unde-unde 91:14

”Hangano aroano metako ndi Ongkue, onaemo pu'uno Aku motolao, Aku rumereio, hangano ito'orio nee-Ku.

Po'unde-unde 91:15

Tewala onae mebooli ndi Ongkue, Aku sumangki, Aku kumongkomio a laro ma'isoa, Aku motolao ka moweeakono pompelangkai.

Peluarakoa 28:43

I Haruni saru luwuno anano asalakono mempakeo tempono dompewinsokio Kema Tepotowoa ke i tempono domerangku a pontunua pesomba mpoweweu pesomba a mpo'ianga mempori, kasi domensusuruo gagi sala, ka domemate. Onaemo atuu pompakosi ranta nahina tampulaano ndi Haruni ka inuleno.”

Peluarakoa 29:9

Peboo ntonga, asalakono pokonaakono i Haruni ka a luwuno anano ka peboo ulu atuu, pokonaako ira, ranta ka domegagi sando mpesomba menunu saru pompakosi nahina tampulaano. Kanatuumo urapi ira i Haruni ka luwuno anano.

Powadi 12:8

Sompo mia inunde-unde menunu saru pinewowolono anu molino, sine mia anu nahi montaso pinewowolono, ta pinokongkodei.

Powadi 4:8

Onae su'uomo, ka omue ta tumandeko; omue ta mokogagiko pinelangkai tewala ukopuio.

Powadi 8:17

Ongkue mehohawao mia anu mehohawa aku, ka mia anu mokua umungke aku ta humawe aku.

Yesaya 29:13

Mepau Iramo i Ue, ”Hangano tongku andio aiwa me'umpedaako ngangano ka melangkaia-Kune wiwino, sine aroano olai inso ndi Ongkue, ka pesombano ndi Ongkue butu koa parentano mia anu hinapalano,

Yeremia 29:32

Onaemo pu'uno, kanandiomo pau-Do i Ue: Menteeano, Aku humukuo i Sepania, to Nehelami atuu, ka inuleno. Nahina maupo te'asa mia inso ndi onae ta mo'ia i tonga-tongano tongku andio ka kumitao anu moiko anu Aku weweuo a bawaa-Ku, kanandiomo pau-Do i Ue, hangano onae mompaleleomo pe'ewa ndi Ondae i Ue.”

Yeremia 49:15

Hangano menteeano, Kuweweuko kodei i olodo luwuno tongku, tinetewehi i olodo mia.

Yehesikieli 34:10

Kanandiomo pau-Do Ue Ala: Ongkue isa'a gagi ewaido puu pompakambi atuu ka wali tumuntu ira bimba-Ku inso a ngkaedo. Aku mokompenaa-naa ira mempakambio luwuno bimba-Ku. Luwuno mbo'u puu pompakambi atuu nahi ira mempakambio mbo'u koroido. Aku sumintaki ira bimba-Ku inso a ngangado, ranta nahi gagi mbo'u kaangado.

Danieli 4:34

Sine, mansano laloomo tempo anu pinakosi, ongkue, i Nebukanesa, mentombu i langi, ka pinewowolo molinoku mepokule ndi ongkue. Ka ku'amba umunde-unde Ira Anu Tedoa mantande, melangkai Ira Anu Tuwu nahina tampulaano atuu hangano pabawa-Do pabawa anu nahina tampulaano ka poparentaa-Do hawe a mapa'api-apino inule.

Maleaki 1:6

Asa nana'ote melangkaio amano ka asa ata melangkaio ueno. Tewala Ongkue andio ama, isuake pompelangkai ndi Ongkue? Tewala Ongkue andio ue, isuake doitomiu ndi Ongkue? pau-Do Ueno luwuakoano ndi ondae, hei luwuno sando mpesomba anu mentatao nee-Ku. Sine mpotae komiu, ”Kana'umpeke kimentatao nee-Miu?”

Maleaki 2:3

Menteeano, Aku humuku ira inulemiu ka monaakono anu mokoburu a rupamiu, mokoburuno pesomba oleo langkaimiu. Komiu mewinawa merongaakono.

Podoaa 11:20

sine sompo asa wula, ranta bau atuu meluarako inso a engemiu ka ranta kai memongkokowuere. Hangano impebungkui Iramo i Ue anu kongko i tonga-tongamiu ka mpengese i aro-Do ka mpotae: Pombio ke ka tompeluarako inso i Masiri?”

Podoaa 35:34

Si mpokomokoburuo wita po'iangamiu, anu i tonga-tongano Kupo'ia, hangano Ongkue, Ue, mo'ia i tonga-tongado to Isaraeli.”

I YOHANE 12:26

Ba isema mekakaa-Kune, asalakono ka itonda Aku ka ba isua Kupo'ia, i tu'ai mbo'u ipo'ia anu mekakaa-Kune. Ba isema mekakaa-Kune Ira melangkaio i Ama.

I YOHANE 5:23

ka dompelangkai Ira luwuno mia i Ana mengkena kana dompelangkai Ira i Ama. Ba isema nahi pelangkai Ira i Ana, onae nahi pelangkai Ira mbo'u i Ama, anu tumena Ira.

I YOHANE 5:44

Kana'umpeke komiu mpokopompe'ala-ala, omiu anu mpontarima pompelangkai inso a mpe'asa miamiu ka nahi me'ungkeo pompelangkai anu hawe inso ndi Ondae Ue Ala anu Asa-Asa-Do?

I YOHANE 8:49

Sumangki Ira i Yesu, ”Komba ipewinsoki Aku onitu nsa'o, sine Kupelangkai Ira Ama-Ku ka omiu nahi mpelangkai Aku.

1 KORINTI 4:5

Onaemo pu'uno, si mpobitara ba napi tempono, onaemo ba napi Dohawe i Ue. Ira mokomewineo, saru mbo'u hapa anu tewuni a laro wongi-wongia, ka Ira mopokitao hapa anu tinoo i laro aroa. Ka sompo-sompo mia ta mohawe po'unde-unde inso ndi Ondae Ue Ala.

1 PETURU 1:7

Tinoono luwuno atuu onaemo ka ipinokomengkaa menteeno pompe'ala-alamiu – anu masuliopo olino sekono wulaa anu ta pingko, anu inarahakoako api menteeno – onaemo ka impohawe po'unde-unde ka marambaa ka pelangkai a oleo Dopepokomengkaa i Yesu Kerisituu.

Puu Mpobitara 9:10

Ka i'amba mpotae ira keu atuudo ia keu ara: Aiwa, gagi mokolemami!