1 Samueli 2:28 - Wunta Mempori

²⁸ Kubinikiomo inso a luwudo tongku Isaraeli gagi sando mpesomba anu mompesombaako pesomba ndi Ongkue a wawo meda pontunua pesomba, montunu dupa, ka melembaako lemba epo i aro-Ku. Kuweeako iramo inulemu luwuakoano pesombado to Isaraeli anu tinunu a api.

1 Samueli 2:28 ပူးပေါင်းရင်းမြစ်များ

2 Samueli 12:7

Ka i'amba motae i Nata ndi Daudi, ”Omuemo mia atuu! Kanandiomo pau-Do i Ue, Ue Alado to Isaraeli: Ongkuemo anu umurapiko gagi mokoledo to Isaraeli ka Ongkuemo anu motolako inso a ngkaeno i Saulu.

2 Samueli 6:14

I Daudi melense-lense i aro-Do i Ue tompaano rosono; ipokonao lemba epo inso a nsawu lena.

Peluarakoa 28:1

”Wawao i Haruni akamu ka luwuno anano ndi omue inso i olodo to Isaraeli ka dompopekakaako gagi sando mpesomba ndi Ongkue, i Haruni saru i Nadabi, i Abihu, i Eleasa ka i Tamari, luwuno anano i Haruni.

Peluarakoa 28:4

Ndiomo sangka anu asalakono ira meweweuo: tutuwi rada, lemba epo, lemba meloe i bungkuno, lemba meloe i larono anu sinula, peboo ulu ka sulepe. Asalakono kanandiomo domeweweuo sangka mempori tiano i Haruni, akamu ka tiado luwuno anano, ka dompopekakaako gagi sando mpesomba ndi Ongkue.

Peluarakoa 30:7

I wawono meda pontunua pesomba atuu, i Haruni asalakono montunu dupa mo'ahi woono. Sompo mo'oru tempono ipokomorinao luwuno hulu, asalakono kai tunuo.

Peluarakoa 30:8

Kanatuu koa mbo'u i Haruni mompokomelanga hulu i tempono ngkiniwia, asalakono kai tunuo gagi dupa anu kongko mpiha i aro-Do i Ue, ranta hawe ia inulemiu.

Imama 2:10

Pesomba kaanga toreano gagi tiano i Haruni ka luwuno anano, asa ntia tedoa mempori inso a mpesomba ndi Ondae i Ue anu tinunuako api.

Imama 2:3

Pesomba kaanga toreano gagi tiano i Haruni saru luwuno anano, aasa ntia tedoa mempori inso a mpesomba tinunuako api ndi Ondae i Ue.

Imama 6:16

Toreano asalakono ikaano i Haruni saru luwuno anano, kinaa kana roti nahi peragi i asa po'ianga anu mempori. Asalakono domengkaano i kintalano Kema Tepotowoa.

Imama 7:32

Pa'a koanano asalakono impeweengakono a sando mpesomba gagi pesomba pinesusua inso a luwuno pesomba tekaduduiamiu.

Imama 7:36

Onaemo asalakono dompeweengakono montonda parenta-Do i Ue inso a nto Isaraeli ndi ondae a oleo Do'urapi ira; onaemo pompakosi ndi ondae anu ira meweweuo mpiha asa mpinu'u.

Podoaa 16:5

Ka i'amba motaeakono i Kora ka luwuno bawaa anu tumondao, ”Tisomo mo'oru Ondae i Ue Ira pauo isema mia-Do ka isema anu mempori, ka Ira umeheakono mia atuu umpeda ndi Ondae. Mia anu bininiki-Do Ira umeheakono umpeda ndi Ondae.

Podoaa 18:19

Luwuno pesomba pinesusua inso a mpesomba mempori anu pinesombaakodo to Isaraeli ndi Ondae i Ue, Kuweeakomu ka a luwuno anamu tama ka beine anu pe'asa rahamu gagi asa pompakosi anu nahina tampulaano onaemo asa pedandia ohia i aro-Do i Ue ndi omue ka inulemu ranta nahina tampulaano.”

1 Samueli 14:3

I Ahia anano i Ahitubi, pepaekompono i Ikabo, anano i Pinehasi, anano i Eli, sando mpesomba-Do i Ue i Silo, mowawa epo. Nahi domento'orio palili nine i Yonata lumakoomo.

1 Samueli 2:18

I Semueli gagi puu mpompekakaako i aro-Do i Ue. Onae da mongura mompakeomo lemba epo inso a sangka lena.