1 Samueli 2:25 - Wunta Mempori

²⁵ Tewala mia tehala a mpe'asa miano, Dopolio Ue Ala mokomoiko ira. Tewala asa mia tehala ndi Ondae i Ue, isema anu ta polio gagi po'oloti?” Sine nahi doperorongeakono patuduno amado, hangano po'ehe-Do i Ue mepate ira.

1 Samueli 2:25 ပူးပေါင်းရင်းမြစ်များ

Tegagia 38:10

Sine hapa anu wineweuno atuu mosa'o a pongkita-Do i Ue, onaemo ka Dopepateo mbo'u i Ue.

Tegagia 38:7

Sine i Ere, ana akano i Yehuda atuu lambaha a pongkita-Do i Ue, onaemo ka Dopepateo i Ue.

1 Mokole 8:31

Tewala asa mia tehala a mpe'asa miano, ka itinena mesumpaako totonaa a ngkoroino, ka i'amba aiwa mesumpa i arono meda pontunua pesomba-Miu i raha andio,

1 Mokole 8:32

po'ineeomo Irongeo i suruga, Iweweuo ka Ibitara ira tetenaa-Miu: humukuo anu sala saru mombalo wineweuno a ngkoroino onaeno, ka mokomenteeo mia anu mentee, saru moweeakono ponsulo menunu saru menteeno.

2 Tawarika 10:15

Gagi, mokole nahi perorongeako ira palili, hangano mongkona atuu, onaemo tebalia anu inso ndi Ondae Ue Ala, ka ite'ihii pau-Do i Ue anu pinohawe molalo i Ahia, to Silo, ndi Yerobea anano i Nebati.

2 Tawarika 25:16

Kontongaano mepau nabi, motaeomo i Amasia ndi onae, ”Nde umariomo ke kimpotoroko gagi puu mpopatudu mokole? Siimo pepau! Nde inehemu ke pinepate?” Nabi atuu komino. Umarino atuu ipotae, ”Kanandio-andio kuto'orio nine Doputusiomo Ue Ala Ira sumolangiko, hangano uweweuomo mongkona atuu, ka nahi uperorongeakono patuduku!”

Ayubi 9:33

Nahina po'oloti i olomami, anu mokonaao kaeno a wawo mami orua kami!

Po'unde-unde 51:16

Ipotola akumo inso a mpasua rea, oo Ue Ala, Ue Ala tekaduduiaku, ka eloku ta kokora-kora mawongko paleleo moleo-Miu!

Po'unde-unde 51:4

Ipokomorina akumo luwu inso a nsalaku, ka inso a halaku Ipokomempori akumo!

Powadi 13:1

Ana anu pande mosongka merorongeakono pompaguruno amano, sine asa mia anu mompasinggiri nahi perorongeakono pongkuahako.

Powadi 15:10

Pompaguru anu lansara monsikori mia anu bintao pesalaa, ka isema mo'o'aliaako pongkuahako ta mate.

Powadi 29:1

Isema me'ulu watu, maupo mohaweomo pongkuahako, ta mepobingko sinolangi ka nahi pinokompomule mbo'u.

Puu Pontutulu 3:3

hinao tempo mompepate ka hinao tempo mompokotompa; hinao tempo mohoa ka hinao tempo mowangu;

Podoaa 15:30

Sine mia anu me'inungako moweweu, moiko lano mia i tu'ai maupo mia hawe, mia atuu mepaukiako Ira i Ue, onae asalakono pinokotampula inso i tonga-tongano tongkuno,

Winali 1:17

Si mpompesusua mia i larono impompau kara-kara. Moiko mia kodei tuwuno maupo mia langkai tuwuno, asalakono imperorongeakono. Si medoito maupo ndi semamokoa, hangano pebitaraa pabawa-Do Ue Ala. Sine, kara-kara anu impemotungkoo lahi, asalakono imewawao ndi ongkue, ka kuperorongeakono.”

Winali 2:30

Sine i Sihoni, mokole i Hesiboni nahi ehe kita ntelalo i witano, hangano Ondae i Ue, Ue Alamiu weweuo me'ulu watu ka motea aroa, anu tinoo-Do meweengakono a ngkaemiu, kana anu gagi kanandio-andio.

1 TIMOTIU 2:5

Hangano Ondae Ue Ala atuu Asa-asa-Do ka Asa-asa-Do koa mbo'u anu gagi po'oloti olo-Do Ue Ala ka mia, onaemo mia Ondae i Kerisituu Yesu,

IBARANI 10:26

Hangano tewala me'inungako kita moweweu hala, umarito mpohawe ponto'ori mongkona menteea, ka nami hina mbo'u pesomba po'onini hala atuu.

IBARANI 10:27

Sine anu hina onaemo matea anu mongkokongiriako pobitaraa ka api anu tedoa mokula anu ta mokomo'aio luwuno mia anu mpe'ewa.

IBARANI 7:25

Onaemo pu'uno ka Dopolio koa mbo'u kumadudui ira ntu'u luwuno mia anu me'aiwa ndi Ondae Ue Ala hangano Ondae. Hangano Ondae tuwu wela mpiha gagi Peposombudo.

Yosua 11:20

Hangano Ondae i Ue anu mokomoteao aroado, onaemo ka dompeteaako ira to Isaraeli, ka domempinokoropu kasi domempinehohawa, sine merinopu, kana anu petena-Do i Ue ndi Musa.

1 Samueli 3:14

Onaemo ka Kupesumpa mongkona inuleno i Eli nine pe'ewado nahi ta pinokontolosiako pesomba sinumbele ke pesomba kaanga ranta nahina tampulaano.”