1 Samueli 19:5 - Wunta Mempori

⁵ Ita'oomo penaano mepateo to Pelisiti atuu ka Ondae i Ue moweeako ira to Isaraeli poponangia anu langkai. Ikitaomo ka ipo'undeakono. Tembio ka ihaweako aroamiu moweweu hala a reano mia anu nahina salano, komiu mepateo i Daudi nahina pu'uno?”

1 Samueli 19:5 ပူးပေါင်းရင်းမြစ်များ

2 Samueli 23:10

Onae mentade mompepate to Pelisiti ranta kai mokendo kaeno ka metako a mponaino. Ondae i Ue moweeako ira ponangia langkai a oleo atuu. Palili mpekule tumonda ira butu mporontu parewado mia anu pinepate.

1 Tawarika 11:14

mpo'ala ira po'ianga i tonga-tongano lere atuu. Dompokokorahakono ka menangi ira to pelisiti. Kanatuumo Dopoweeako ira i Ue ponangia anu langkai.

1 Tawarika 11:18

Ka i'amba otolu mia atuu mansa mpewinso a mpekemaado to Pelisiti. Mpotambu ira uwoi inso a nsumuru Beteleme umpeda pewowa langkai, mentandeo ka mewawao ndi Daudi. Sine i Daudi nahi behe uminuo, tendeano ipesombaakono gagi pesomba tinawa ndi Ondae i Ue,

Po'unde-unde 109:5

Domensuloakono wineweu mosa'o ndi ongkue euno moikoa ka po'o'alia euno pompehohawaku.

Po'unde-unde 119:109

Tuwuku wela pino'aroako masolaa, sine Songka-Miu nahi kukolupeo.

Po'unde-unde 25:3

Oo, luwuno mia anu sumikori Komiu nahi ta pinokoko'ii; po'ineeomo domempinokoko'ii anu moruana mohapu pedandia.

Po'unde-unde 69:4

Telusa aku hangano meboo-booli, motu'i burokoku; mataku mooro hangano merorohi Ira Ue Alaku.

Po'unde-unde 94:21

Ondae mpedandi tepo'asa mpoweweu mosa'o umewaio mia mentee, ka mehuku mateo mia nahina salano.

Peluarakoa 14:13

Sine ipotaeako ira i Musa to Isaraeli atuu, ”Si medoito, ikongko memoroso, komiumo mengkitao pongkadudui-Do i Ue anu Ira weeakomiu oleo andio; nde to Masiri anu kinitamiu oleo andio, nami komiu hori kumita ira mbo'u.

Yeremia 26:15

Butumo koa, to'oriomo tementee ntu'u, nine tewala impepate aku, komiu mensusuruo reano mia anu nahina salano ndi omiu ka a ngkota andio ka palilino, hangano mentee ntu'u Ondae i Ue tumena aku pauo ndi omiu luwuno pau andio.”

I MATIU 27:24

Mansano kumitao i Pilatu nine nahina tuduno luwuno pinauno, tendeano mompu'uomo memarisu, i'alao uwoi ka iwo'ohio kaeno i arodo mia hadio ka ipotae, ”Nahina salaku a reano mia andio; atuu to'oriamiumo!”

I MATIU 27:4

ka ipotae, ”Tehala akumo hangano meweengakono reano mia anu nahina sala-Do.” Sine domesangkio, ”Nde to'oriamamike atuu? Atuu to'oriamu omuemu!”

I YOHANE 15:25

Sine pau anu teburi a wunta songka Taura asalakono dome'ihiio: Dome'o'aliaa-Kune nahina pu'uno.

WINEWEUDO TINENA 20:24

Sine maupo tedei nahi kuperioo penaaku, polomo koa ka kupokohaweo garesi pokotompa ka moko'umario anggaa anu Dotenaakune Ue Yesu ka kupesakosii mongkona Lele Mawongkoa pompehohawa-Do Ue Ala.

PILIPI 2:30

Nde hangano anggaa-Do i Kerisituu ilawupo imate ka ita'oo penaano mokosompoo hapa anu da makura a laro pompekakaakomiu ndi ongkue.

IBARANI 2:3

kana'umpeke kita mempokotola, tewala nahi tomentuduo tekaduduia anu langkai kanatuu, anu amba-ambano Dopopoto'oriakita i Ue ka ondae anu merongeomo, mesala a anu pinokompe'ala-ala, sekono

Puu Mpobitara 12:3

Mansano kukitao, motae nahina inso ndi omiu anu aiwa tumolosi aku, kupeta'oakono penaaku, lumako aku umewai ira inuledo to Amoni atuu, ka Ondae i Ue meweengako ira a ngkaeku. Tembio oleo andio ka ime'aiwa ndi'ai mpe'iwaliakune?”

Puu Mpobitara 9:17

Nde komba amaku ke anu me'iwali kumorahako komiu ka tuma'o penaano anu ka ipotola komiu inso a ngkaedo to Midia?

1 Samueli 11:13

Sine motae i Saulu, ”Oleo andio nahina maupo te'asa mia anu ta hinuku mate, hangano oleo andio Ondae i Ue moweweu Iramo tekaduduia ia nto Isaraeli.”

1 Samueli 14:45

Sine palili mpotaeakono i Saulu, ”Nde i Yonata anu mowawa poponangi langkai i Isaraeli asalakono ta mate? Osi'i! A nee-Do i Ue anu tuwu, maupo te'asa tangke wuuno inso a uluno nahi ta tedonta a wita! Nde luwuno wineweuno oleo andio hangano pontulungi-Do i Ue Ala.” Kanandiomo i Yonata dompotolao palili, ka nahi gagi pinepate.

1 Samueli 19:6

Ipe'ala-alao i Saulu pinauno i Yonata, onaemo ka ipesumpa, ”A nee-Do i Ue anu tuwu, i Daudi nahi ta pinepate.”

1 Samueli 20:32

Sine sumangki i Yonata ipotaeakono amano, ”Tembio ka ta pinepate? Hapamo anu wineweuno?”

1 Samueli 22:14

Sumangki i Ahimele ndi mokole, ”Isema mbo'u umarino i Daudi anu ta pine'ala-ala, tamoako onae ponimiu mokole ka onae tadulako sorodadu anu dumagai komiu ka pinelangkai a laro somborimiu?

1 Samueli 28:21

Aiwaomo beine atuu umpedaakono kumitao i Saulu anu tedoa tededengke. Ipotae beine atuu ndi onae, ”Kitao, tetenaamiu andio iperorongeakonomo po'emamiu. Kuta'oakonomo penaaku merorongeakono pau anu ipohaweakune.