1 Samueli 19:23 - Wunta Mempori

²³ Lumakoomo i Saulu i Nayoti, i Rama, sine da a nsala, ipabawaiomo Penaa, a laro pelempaano bukeako Penaa kana nabi ranta kai hawe i Nayoti, i Rama.

1 Samueli 19:23 ပူးပေါင်းရင်းမြစ်များ

Powadi 16:9

Aroano mia mompewowolo pesalaano, sine Ondaemo i Ue anu mokomanasao te'aroano pelempano.

Powadi 21:1

Aroano mokole kana waaano uwoi a laro ngkae-Do i Ue, Dopowaao isuamo koa inehe-Do.

Podoaa 23:5

Ka Do'amba i Ue numaao pau a laro ngangano i Bilea ka mepau, ”Pekulemo ndi Bala ka pauomo kanandio.”

Podoaa 24:2

Mansano i Bilea mengkita ngkoraane ka ikita ira to Isaraeli mpekema montonda sukudo, Penaa-Do Ue Ala mewinso ndi onae.

I MATIU 7:22

A oleo pokotompa hadio mia ta mebooli ndi Ongkue: Ue, Ue, kombake kimempauo anu ta gagi a nee-Miu ka mponsaari onitu a nee-Miu, ka mpoweweu hadio anu kinohali-haliako a nee-Miu koa mbo'u?

I YOHANE 11:51

Mongkona atuu ipauo komba inso a ngkoroino onaeno, sine kana Sando Mpesomba Langkai a nta'u atuu onae mompau anu ta gagi, nine Ondae i Yesu Ira mate tiano tongku atuu,

1 KORINTI 13:2

Maupo kupohawe pompowee ka kupompau anu ta gagi ka kuto'orio luwu anu tewuni ka tumo'orio luwuno ponto'ori; ka maupo bobotoli pompe'ala-alaku ka kupolimba torukuno, sine tewala nahina pompehohawa, nahina ntu'u tuduku.

1 Samueli 10:10

Mansado mehawe i Gibea inso iraane, ntepotowo iramo asa bawaa nabi saru i Saulu. Nahi koo-kooo Penaa-Do Ue Ala mansa pabawaio ka bukeakoomo Penaa kana nabi i olodo.

1 Samueli 10:12

Asa mia i olodo sumangki, ”Isema menteeano petewawado?” Onaemo kai hina pau, nde tewinso mbo'u nabi ke i Saulu?

1 Samueli 10:6

Penaa-Do i Ue ta mo'ia ilaromu pabawaiko ka omue mbo'u kobukeako penaa kana luwuno nabi perongamu. Omue kotebali nami pengkena tuwumu se'eluno.

1 Samueli 18:10

Tisomono, pabawano i mosa'o anu Dope'eheo Ue Ala mewinsokio aroano i Saulu, onaemo ka igagi kana mia mekombe i laro raha. I Daudi memaeakono kasapi a ngkaeno kana biasano, sine i Saulu mo'ini kansai.

1 Samueli 19:18

I Daudi molai, ka itola. Onae aiwa ndi Semueli i Rama, ka ipauakono luwu wineweuno i Saulu ndi onae. Ka i'amba lumako iramo i Daudi saru i Semueli mo'ia i Nayoti.

1 Samueli 19:20

I Saulu tumena ira mia lumako merakoo i Daudi. Sine, domengkitao asa bawaa nabi kontongaado mebukeako Penaa, i Semueli petewawado. Luwuno mia mentinenano i Saulu atuu, ipabawai ira koa mbo'u Penaa-Do Ue Ala, ranta ondae mbo'u kana iramo nabi.

1 Samueli 19:22

Ka i'amba lumako onaeno i Rama, ka hawe a nsumuru langkai i Seku, mesikenoomo, ”Isua ira i Semueli ka i Daudi?” Sumangki mia atuu, ”Kongko ira i Nayoti, i Rama.”