1 Samueli 18:1 - Wunta Mempori

¹ Umarino i Daudi mepauakono i Saulu, tepo'asaomo aroano i Yonata ka i Daudi. I Yonata mehohawao kana koroino onaeno.

1 Samueli 18:1 ပူးပေါင်းရင်းမြစ်များ

Tegagia 44:30

Gagi kanandio-andio, tewala hawe aku ndi ondae amaku, atamiu atuu, ka nana'ote atuu nahi perongaakami, kahinaano ondae amaku nahi dopokotuwu ba nahi saru onae,

2 Samueli 1:26

Aroaku masusa hangano omue Yonata pepaekompoku. Tedoa upokonsanaa aku; pompehohawamu tedoa mo'urense laroku, sekono pompehohawano beine.

1 Tawarika 12:17

I Daudi meluarako tepohaweako ira ka motae, ”Tewala aiwamiu ndi ongkue saru tinoo manangai komiu mpokowali aku, aku koa me'asa aroaakomiu. Sine, tewala tinoomiu komiu mpe'akala mpeweengako aku a iwaliku, kahinaano nahi kupoweweu anu mosa'o, po'ineeomo Ondae Ue Alado uempu'uto kumitao atuu ka humuku komiu.”

Po'unde-unde 86:11

Itisoakunemo pesalaa-Miu, oo Ue, ka kutuwu montonda mentee-Miu; Ipokobobotoliomo aroaku dumoitoakono nee-Miu.

Powadi 18:24

Hinao wali-wali anu mowawa masolaa, sine hinao sambe'e anu rangkuopo sekono asa mia pepaekompo.

Winali 13:6

Bara'ura pepaekompomiu tama, anano inemiu, ke anamiu tama ke beine ke kombiamiu ke sambe'e morosomiu mewuni-wuni popandei komiu, ipotae, ”Aiwa topesomba a anu pinesombai susua” anu nahi imento'orio ke ondae uempu'umiu,

KOLOSE 2:2

ka itetarero aroado ka dontepo'asa a pompehohawa, ranta ka domehaweo luwuno kaeaa ka pompe'ala-ala mento'orio ntu'u ka mento'orio rahasia-Do Ue Ala, onaemo Ondae i Kerisituu,

Puu Mpobitara 20:11

Borono to Isaraeli atuu mpepumpu ntepo'asa umewaio kota atuu.

1 Samueli 14:45

Sine palili mpotaeakono i Saulu, ”Nde i Yonata anu mowawa poponangi langkai i Isaraeli asalakono ta mate? Osi'i! A nee-Do i Ue anu tuwu, maupo te'asa tangke wuuno inso a uluno nahi ta tedonta a wita! Nde luwuno wineweuno oleo andio hangano pontulungi-Do i Ue Ala.” Kanandiomo i Yonata dompotolao palili, ka nahi gagi pinepate.

1 Samueli 18:3

I Yonata moweweu pedandia saru i Daudi, hangano ipehohawao kana koroino.

1 Samueli 19:1

I Saulu motaeakono i Yonata, anano ka luwuno atano, nine i Daudi asalakono ta pinepate. Sine i Yonata, anano i Saulu, tedoa i'ineheakono i Daudi.

1 Samueli 19:2

I Yonata pauakono i Daudi, ”Amaku i Saulu mo'ungke-ungkeako ta mepateko. Gagi tisomo mo'oru, pompe'inandai, po'ungke pewuniamu kau pewuni.

1 Samueli 20:17

I Yonata tumenao i Daudi ka ipesumpa tepohonapo mbo'u a pompehohawano i Daudi ndi onae, hangano i Yonata mehohawao kana koroino onaeno.

1 Samueli 20:8

Tewala kanandio, popokitaomo petenunumu ndi ongkue, hangano umarikomo moweweu pedandia i aro-Do i Ue saru ongkue. Tewala hinao salaku, omuemu mepate aku. Tembio ka upeweengako aku ndi ondae amamu?”

1 Samueli 22:8

kai ntepo'asa umewai aku ka nahina maupo te'asa mia anu pauo ndi ongkue, nine anaku moweweu pedandia saru anano i Isai? Nahina maupo te'asa mia anu me'alaako ndi ongkue ke pauo nine anaku i Yonata sumingkaio i Daudi umewai aku, kanandio onaemo gagi iwaliku.”

1 Samueli 23:18

Ka do'amba moweweu pedandia i aro-Do i Ue. I Daudi da mo'ia i Koresa, ka i Yonata mekule i rahano.