1 Samueli 17:44 - Wunta Mempori

⁴⁴ To Pelisiti atuu motae mbo'u ndi Daudi, ”Aiwamo ramai! Baumu aku weeako ira manu-manu i laro meene ka kondehora a ntonga mpada.”

1 Samueli 17:44 ပူးပေါင်းရင်းမြစ်များ

2 Samueli 21:10

Ka i'amba i Risipa ana beineno i Aya mo'ala asa lewe kampili ta po'iangano ka iwileo a wawo watu kara, inso a pompu'uano tempo sumowi ranta ka ite'uwu uwoi inso i langi a wawo wata ngkoroido. Nahi po'inee ira manu-manu i laro meene merangkuhio wata ngkoroido tempono meene, ke kondehora a ntobu tempono wongi.

Powadi 18:12

Pompelangka-langkai mese'elungio tekale-kalea, sine pe'urumako mese'elungio pompelangkai.

Yeremia 34:20

Ondae Aku meweengako ira a ngkaeno iwalido ka a ngkaedo mia anu momporaakono penaado. Wata ngkoroido ta gagi kaangado manu-manu i laro meene ka kondehora i tolino.

Yeremia 9:23

Kanandiomo pau-Do i Ue, ”Mia pande mosongka ka si po'undeakono pandeno mosongka, mia moroso ka si po'undeakono rosono, mia kaea ka si po'undeakono kaeano.

Yehesikieli 28:2

”Hei anano mia, pauakonomo mokole i Tirusi: Kanandiomo pau-Do Ue Ala: Hangano omue mompelangka-langkai ka motae: Ongkue andio Ue Ala! Ongkue mentoro a ngkadera poparentaa-Do Ue Ala i tonga-tongano tahi malua. Kahinaano omue mia, komba Ondae Ue Ala, maupo aroamu numaao koroimu mengkena saru Ondae Ue Ala.

MENGKAAA 19:17

Ka ku'amba kumitao aasa mala'eka mentade a laro mata'oleo ka onae mebooli saru suara meroku a luwuno manu-manu anu mpenee i tonga-tongano langi, ipotae, ”Ime'aiwamo i ndi'ai ka impepumpumo ka impetonda a mpelimbua-Do Ue Ala, pelimbua anu langkai,

1 Samueli 14:12

Mpebooli iramo sorodadu mpodagai atuu ndi Yonata ka atano anu mowawa sangka mpeteano, ”Iporakemo ramai! Kami mpoweeakomiu patudu.” Ipotaeakono i Yonata anu mowawa sangka peteano, ”Tonda aku, Dopeweengako iramo i Ue a ngkaedo to Isaraeli.”

1 Samueli 17:46

Oleo andio Ondae i Ue Ira meweengakomu a ngkaeku ka aku mepateko ka aku poleo ulumu. Oleo koa mbo'u andio wata ngkoroido sorodadu to Pelisiti aku weeako ira manu-manu i laro meene ka kondehora mo'ila, ka domento'orio asa wawontolino nine to Isaraeli hinao Ue Alado.