1 Samueli 17:36 - Wunta Mempori

³⁶ Atamiu andio mompepateomo singa ka berua. To Pelisiti anu nahi petindi atuu ta mengkena kana asa kodehora atuu, hangano ipe'uru-uru iramo puu mpetea-Do Ue Ala anu tuwu.”

1 Samueli 17:36 ပူးပေါင်းရင်းမြစ်များ

2 Tawarika 32:17

Iburio mbo'u wunta anu montutundali ka tumetewehi Ira i Ue, Ue Alado to Isaraeli, unino, ”Kana'umpe luwuno pinesombaido tongku i wita susua nahi pokompotolao tongkuno inso a ngkaeku, kanandio koa mbo'u Ue Alano i Hisikia nahi Ira mokompotolao tongku-Do inso a ngkaeku.”

Yesaya 10:15

Ta gagike uase mompelangka-langkai a mia montuehi, ke garagadi mompelangka-langkai a mia mogaragadi? Kana-kana tarasulu lumeluo mia anu uminio, ka kana-kana tuko tumandeo anu wawao anu komba keu.

Yesaya 36:15

Si mpo'ineeo i Hisikia popandei komiu ka impomperorohi ndi Ondae i Ue ka ipotae: Ondae i Ue manasa Ira motola kita; kota andio nahi ta pineweengako a ngkaeno mokoledo to Asiuri.

Yesaya 36:18

Ka si mansa popandei komiu i Hisikia ka ipotae: Ondae i Ue Ira motola kita! Nde mehori irake pinesombaido tongku singge mpopotola witado inso a ngkaeno mokoledo to Asiuri?

Yehesikieli 28:10

Omue komate kana mia nahi petindi hangano kaedo mia mehawe. Hangano Ongkue anu pauo, kanandiomo pau-Do Ue Ala.”

Yehesikieli 32:19

Inso ndi semake omue lalu tekosi? Petiimo ka pepombolemo meronga luwuno mia anu nahi dompetindi!

Danieli 5:23

Omiu ueku mompelangka-langkai ndi Ondae Anu Pabawa i suruga. Parewa inso a Raha-Do domewawao mia ndi omiu, ka i'amba omiu ueku saru anu langkai potorono a poparentaamiu, luwuno kombiamiu ka samburuemiu mpo'inu anggoro inso a mparewa atuu; omiu ueku umunde-unde ira pinesombai inso a nsalaka ka wulaa, inso a mala, labu, keu ka watu, anu nahi pongkita, moronge ke monto'ori. Omiu ueku nahi pelangkai Ira Ue Ala, anu kumungkuo penaamiu ka tumantuio luwuno pesalaamiu ueku.

Sakaria 12:3

I tempo atuu Aku weweuo Yerusale gagi watu pompokomobea a luwuno tongku. Isemamo koa anu mokomobeaakono watu atuu koroino ta mobela langkai. Luwuno tongku i tolino ira mpepumpu me'ewaio.

Sakaria 2:8

Hangano kanandiomo pau-Do Ueno luwuakoano, anu a laro maramba-Do tumena akumo, mongkona luwuno tongku anu mpomuru komiumo, hangano isema dumanggi komiu, pengkonaano dumanggio ihi mata-Do.

1 Samueli 14:6

Motae i Yonata ndi atano anu wawao sangka mpeteano, ”Aiwa ka tolako dumadu ira puu mpetea mia anu nahi dompetindi atuu. Bara'ura Ondae i Ue Ira tumulungi kita, hangano Ondae i Ue Dopolio montulungi maupo hadio mia ke tedei mia.”

1 Samueli 17:10

Motae mbo'u to Pelisiti atuu, ”Oleo andio baresido to Isaraeli nahi kurekeo. Impobinikimo te'asa mia kai aiwa tumaroi aku.”

1 Samueli 17:26

Ka i'amba i Daudi motaeako ira mia anu mpentade umpeda ndi onae, ”Hapa anu ta wineweuto a mia anu mepateo to Pelisiti atuu ka moko'olaio pompe'uru-uruno a nto Isaraeli? Isema to Pelisiti anu nahi petindi atuu, ka ipe'uru-uru ira puu mpetea-Do Ue Ala anu tuwu?”

1 Samueli 17:35

kululuo, kutunduhio ka kupotolao bimba atuu inso a ngangano. Tempono ta merangkami aku, kusangkuo danggono ka kutunduhio ranta ka imate.

1 Samueli 17:37

Ipotae mbo'u i Daudi, ”Ondae i Ue anu motola akumo inso a kukuno singa, ka kukuno berua, Ondae koa mbo'u ta motola aku inso a ngkaeno to Pelisiti atuu.” Ipotae i Saulu ndi Daudi, ”Lakomo! Ondae i Ue kumongkomiko.”

1 Samueli 18:17

Motae i Saulu ndi Daudi, ”Ndiomo anaku beine anu aka meneeako i Merabe, kuweeko gagi kombiamu, sine omue kogagi miaku anu moroso ntu'u lumako metea a nee-Do i Ue.” Pinewowolono i Saulu, ”Kasi kaeku mepateo, sine po'ineeomo kaedo to Pelisiti anu mpepateo.”

1 Samueli 31:4

Motae i Saulu a mia mowawa sangka mpeteano, ”Butao ponaimu, ka tobo aku, kasi mansa mia anu nahi dompetindi andio mentobo aku ka dompemae-maeakune.” Sine mia anu mowawa sangka mpeteano atuu nahi behe, hangano tedoa doito. Onaemo ka i'alao i Saulu ponai atuu ka ipebangkuako i wawono ponai atuu.