1 Samueli 17:26 - Wunta Mempori

²⁶ Ka i'amba i Daudi motaeako ira mia anu mpentade umpeda ndi onae, ”Hapa anu ta wineweuto a mia anu mepateo to Pelisiti atuu ka moko'olaio pompe'uru-uruno a nto Isaraeli? Isema to Pelisiti anu nahi petindi atuu, ka ipe'uru-uru ira puu mpetea-Do Ue Ala anu tuwu?”

1 Samueli 17:26 ပူးပေါင်းရင်းမြစ်များ

2 Mokole 19:4

Bara'ura Dorongeomo i Ue, Ue Alamiu pinauno i rabi-sakehi atuu anu tinenano mokoledo to Asuri, ueno kai tetewehi Ira Ue Ala anu tuwu, ranta Ondae i Ue, Ue Alamiu Ira moweeakono pohuku hangano luwuno pinauno anu Dorongeomo. Moikoomo ipekakaiako ira toreano anu da tebinta andio!”

2 Tawarika 32:17

Iburio mbo'u wunta anu montutundali ka tumetewehi Ira i Ue, Ue Alado to Isaraeli, unino, ”Kana'umpe luwuno pinesombaido tongku i wita susua nahi pokompotolao tongkuno inso a ngkaeku, kanandio koa mbo'u Ue Alano i Hisikia nahi Ira mokompotolao tongku-Do inso a ngkaeku.”

Nehemia 5:9

Mepau aku mbo'u, ”Nahi pototono hapa anu wineweumiu atuu! Kombake asalakono imentuwu a laro doitoako Ira Ue Alato, kai ntetempu inso a mpopepaukiakodo tongku susua, luwuno iwalito?

Po'unde-unde 44:13

Omiu umasa ira bawaa-Miu nahina olino ka nahi po'ala ura hapa-hapa inso a mpo'asaa atuu.

Po'unde-unde 74:18

Irambeomo kana'umpe domentatao iwali nee-Miu, oo Ue, ka tongku anu monge-monge atuu mpepaukiakono.

Po'unde-unde 79:12

Pokuleomo meluka opitu a wawo mpa'ado tongku pehori-hori, pompepaukiako anu dompetadiakono ndi Omiu, oo Ue!

Yesaya 37:23

Isemake anu pinokongkodeimu ka pinepaukiakomu? Te'aro ndi semake upokomerokuo suaramu ka mengkita saru mompelangka-langkai? Te'aro ndi Ondae Anu Tedoa Mempori, Ue Alado to Isaraeli!

Yeremia 10:10

Sine Ondae i Ue ondaemo Ue Ala anu mentee, Ondaemo Ue Ala anu tuwu ka Mokole anu nahina tampulaano. Tolino lelu hangano tekuda-Do, ka luwuno tongku nahi domempolio a bamburu-Do.

Yeremia 9:25

”Kitao, tempono ta hawe, kanandiomo pau-Do i Ue, Aku humuku ira mia anu mentinindi iramo tinotopi kuli anuno:

Yeremia 9:26

to Masiri, to Yehuda, to Edomi, inuleno i Amoni, to Moabi ka luwuno mia anu kumeruo wuuno a wiwi uluno, mia anu mpo'ia i pada one, hangano luwuno tongku atuu menteeano nahi dompetindi ka maupo luwuno suku Isaraeli nahi tinindi aroado.”

Yehesikieli 28:10

Omue komate kana mia nahi petindi hangano kaedo mia mehawe. Hangano Ongkue anu pauo, kanandiomo pau-Do Ue Ala.”

Danieli 5:23

Omiu ueku mompelangka-langkai ndi Ondae Anu Pabawa i suruga. Parewa inso a Raha-Do domewawao mia ndi omiu, ka i'amba omiu ueku saru anu langkai potorono a poparentaamiu, luwuno kombiamiu ka samburuemiu mpo'inu anggoro inso a mparewa atuu; omiu ueku umunde-unde ira pinesombai inso a nsalaka ka wulaa, inso a mala, labu, keu ka watu, anu nahi pongkita, moronge ke monto'ori. Omiu ueku nahi pelangkai Ira Ue Ala, anu kumungkuo penaamiu ka tumantuio luwuno pesalaamiu ueku.

Danieli 6:27

Meronga andio ongkue mompowee parenta nine a luwuno poparentaa anu pinabawaiku, mia asalakono medoito ka mpondende ndi Ondae Ue Alano i Danieli. Hangano, Ondaemo Ue Ala anu tuwu, anu nahina tampulaano; poparentaa-Do nahi ta tampula ka pabawa-Do nahina tompaano.

Danieli 9:16

Oo Ue, menunu saru luwuno moleo-Miu, po'ineeomo tekuda ka bamburu-Miu moliu inso i Yerusale, kota-Miu, torukuno-Miu anu mempori. Hangano halamami ka salado uempu'umami weweuo Yerusale ka bawaa-Miu gagi tataado luwuno mia i horimami.

Yoeli 2:19

Ondae i Ue sumangki ira bawaa-Do, Dopotae, ”Menteeano, Aku mo'oliwiakomiu gandu, anggoro ka lana, ka komiu memowohiakono; Nahi Aku mo'inee komiu mbo'u gagi tataa i olodo luwuno tongku.

Winali 5:26

Hangano anu hinao penaano isuake anu rumongeomo suara-Do Ue Ala anu tuwu, anu mepau inso i tonga-tongano api, kana omami andio ka kongko tuwu?

1 TESALONIKA 1:9

Hangano ondaedo isa'a mentutuluo mongkona omami, ba kana'umpe imentotowo kami ka ba kana'umpe impepokule ndi Ondae Ue Ala inso a luwuno lahumoa ka mekakaako Ira Ue Ala anu tuwu ka mentee,

Yosua 3:10

Motae mbo'u i Yosua, ”I ndi'aimo komiumo mento'orio, motae Ue Ala anu tuwu, ndio i olomiu, ka Ira sumaari ira to Kana'a, to Heti, to Hewi, to Perisi, to Gerigasi, to Amori ka to Yebusi inso i aromiu.

1 YOHANE 5:20

Sine tomento'orio, nine Ana-Do Ue Ala hawe Iramo ka Dopoweeakitamo ponto'ori, ka tomento'ori Ira Anu Mentee; ka mekongko kita i laro-Do Anu Mentee, ndi Ondae i Yesu Kerisituu. Ondaemo Ue Ala anu mentee ka tuwua anu nahina tampulaano.

1 Samueli 11:2

Sine ipotae i Nahasi to Amoni atuu ndi ondae, ”Moiko tompooweweu pedandia, sine sompo mia, mata ngkoanano aku gumogoio. Bakanandio aku moweweuako ira tataano luwudo to Isaraeli.”

1 Samueli 14:6

Motae i Yonata ndi atano anu wawao sangka mpeteano, ”Aiwa ka tolako dumadu ira puu mpetea mia anu nahi dompetindi atuu. Bara'ura Ondae i Ue Ira tumulungi kita, hangano Ondae i Ue Dopolio montulungi maupo hadio mia ke tedei mia.”

1 Samueli 17:10

Motae mbo'u to Pelisiti atuu, ”Oleo andio baresido to Isaraeli nahi kurekeo. Impobinikimo te'asa mia kai aiwa tumaroi aku.”

1 Samueli 17:30

Ka i'amba lumako a mia susua mesikeno kana hieno. Luwudo mia atuu mengkena sangkido kana sangkido mia anu sinikenono se'elu.

1 Samueli 17:36

Atamiu andio mompepateomo singa ka berua. To Pelisiti anu nahi petindi atuu ta mengkena kana asa kodehora atuu, hangano ipe'uru-uru iramo puu mpetea-Do Ue Ala anu tuwu.”

1 Samueli 31:4

Motae i Saulu a mia mowawa sangka mpeteano, ”Butao ponaimu, ka tobo aku, kasi mansa mia anu nahi dompetindi andio mentobo aku ka dompemae-maeakune.” Sine mia anu mowawa sangka mpeteano atuu nahi behe, hangano tedoa doito. Onaemo ka i'alao i Saulu ponai atuu ka ipebangkuako i wawono ponai atuu.