1 Samueli 17:10 - Wunta Mempori

¹⁰ Motae mbo'u to Pelisiti atuu, ”Oleo andio baresido to Isaraeli nahi kurekeo. Impobinikimo te'asa mia kai aiwa tumaroi aku.”

1 Samueli 17:10 ပူးပေါင်းရင်းမြစ်များ

2 Samueli 21:21

Inggari-nggari ira to Isaraeli, ka i'amba i Yonata anano i Simea akano i Daudi, mepateo.

2 Samueli 23:9

Umarino onae, i Eleasari anano i Dodo anano asa to Ahohi. Onae asa mia inso a Otolu Mia Mosia atuu. Onae merongaakono i Daudi, tempono do'ewai ira to Pelisiti, anu mpepumpu i ra'ai ira mpetea, kahinaano to Isaraeli mponsuka iramo.

2 Mokole 19:4

Bara'ura Dorongeomo i Ue, Ue Alamiu pinauno i rabi-sakehi atuu anu tinenano mokoledo to Asuri, ueno kai tetewehi Ira Ue Ala anu tuwu, ranta Ondae i Ue, Ue Alamiu Ira moweeakono pohuku hangano luwuno pinauno anu Dorongeomo. Moikoomo ipekakaiako ira toreano anu da tebinta andio!”

Nehemia 2:19

Rumongeo mongkona atuu, i Sanibala to Horoni, ka i Tobia to Amoni puu mpopekakaakodo mokole, saru i Gisiemi to Ara, mempasinggiri kami ka mpokongkodei kami. Dompotae, ”Hapa anu wineweumiu atuu? Nde komiu umewai ira mokole?”

Powadi 16:18

Pompelangka-langkai mese'elungio tekale-kalea, ka konangi-nangi mese'elungio tedontaa.

Yeremia 9:23

Kanandiomo pau-Do i Ue, ”Mia pande mosongka ka si po'undeakono pandeno mosongka, mia moroso ka si po'undeakono rosono, mia kaea ka si po'undeakono kaeano.

Danieli 4:37

Gagi kanandio-andio ongkue, i Nebukanesa, mo'unde-unde, ka melangkai Ira Mokole i suruga, hangano luwuno wineweu-Do mentee ka luwuno sala-Do moleo, ka Ondae polio tumotoako ira anu mpompelangka-langkai.

1 Samueli 17:11

Rumongeo pepauno to Pelisiti atuu, i Saulu ka luwudo to Isaraeli mpondende iramo medoito.

1 Samueli 17:36

Atamiu andio mompepateomo singa ka berua. To Pelisiti anu nahi petindi atuu ta mengkena kana asa kodehora atuu, hangano ipe'uru-uru iramo puu mpetea-Do Ue Ala anu tuwu.”

1 Samueli 17:45

Motae i Daudi a nto Pelisiti atuu, ”Omue tumotowoakune ponai, kansai, ka pando sine ongkue tumotowoko a nee-Do Ueno luwuakoano, Ue Ala puu mpeteado to Isaraeli anu pine'uru-urumu.