1 Samueli 16:7 - Wunta Mempori

⁷ Sine pau-Do i Ue ndi Semueli, ”Si kitao rupano ke koroino anu ondau, hangano nami Kubeheo. Komba kana pongkitado mia, hangano mia mongkita hapa anu i arono matano, sine Ondae i Ue mongkita aroano.”

1 Samueli 16:7 ပူးပေါင်းရင်းမြစ်များ

Tegagia 4:5

sine i Kai ka pesombano nahi Doperioo. Ka i'amba i Kai gagi tedoa mokula aroano, ka rupano mompemasusa.

2 Samueli 14:25

Nahina mia montama kana i Abisalo ia luwuno Isaraeli ranta kai tedoa inunde-unde. Inso a mpelengkaruno hawe a ntoro uluno nahina tataano.

2 Samueli 7:20

Hapa mbo'u anu ta pinokopauno i Daudi ndi Omiu? Ito'orio tetenaa-Miu andio, oo Ue Ala?

1 Mokole 8:39

Po'ineeomo Irongeo i suruga, po'ianga-Miu mpiha. Po'ineeomo Ipo'ampuni, moweweu, ka mombalo a sompo mia menunu saru luwuno wineweuno, hangano Omiumo tumo'orio aroano. Mentee ntu'u, butu koa Omiu anu tumo'orio aroano luwuno mia,

1 Tawarika 17:18

Hapa mbo'u anu ipokotiangio i Daudi ndi Omiu mongkona marambano tetenaa-Miu andio? Omiu tumo'orio tetenaa-Miu andio.

1 Tawarika 28:9

Ka omue anaku Salomo, to'oriomo Ue Alano amamu ka pesombamo ndi Ondae tompaano aroa ka bobotoli aroamu, hangano Ondae i Ue paresao sompo aroa ka tumo'orio sompo tinoo. Tewala omue umungke Ira, kohumawe Ira, sine tewala omue binta Ira, Ira tumadiko ranta nahina tampulaano.

2 Tawarika 16:9

Menteeano, mata-Do i Ue mensiroio asa wawontolino moweeako ira roso-Do ndi ondae anu moleo aroano ndi Ondae. Mongkona anu andio salaomo pelelumu, onaemo pu'uno mompu'u ka kandio-andio omue mo'ia mpiha a laro mpeteaa.”

2 Tawarika 6:30

po'ineeomo Iperorongeakono i suruga po'ianga-Miu mpiha. Po'ineeomo I'ampunio, Iweweuo ka sumuloo sompo mia menunu saru luwuno wineweuno, hangano Omiu tumo'orio aroano. Mentee ntu'u butu koa Omiu anu tumo'orio aroano luwuno anano mia,

Ayubi 10:4

Nde hinaoke mata mia-Miu? Nde kana pongkitano miake pongkita-Miu?

Ayubi 35:5

Pentombumo i langi ka kitaomo, pekokoongakonomo seru anu mantande irapo sekono omue!

Po'unde-unde 139:2

Omiu tumo'orio tempono kupentoro ke mentade, Omiu mokonto'orio pinewowoloku inso olai.

Po'unde-unde 7:9

Ondae i Ue bitara ira tongku. Ibitara akumo, Ue, hangano mentee aku, ka bobotoli ntu'u aroaku.

Powadi 15:11

Tolinodo mia mate ka matea te'ungkahi i aro-Do i Ue, tamoako mbo'u aroano anano mia!

Powadi 16:2

Luwuno pesalaano mia morina montonda pongkitano onaeno, sine Ondaemo i Ue anu paresao aroa.

Powadi 24:12

Tewala omue mepau, ”Mentee ntu'u nahi kimento'orio mongkona atuu!” Ondae anu paresao aroa nde nahi Dopokonto'orioke? Ondae anu dumagaio sumangamu nde nahi Doto'orioke, ka sumuloakono mia montonda wineweuno?

Powadi 31:30

Tekosi atuu mompopo'oo ka tekosia nahina tuduno, sine beineno anu doitoako Ira i Ue inunde-unde.

Yeremia 11:20

Sine, oo Ueno luwuakoano, anu mobitara moleo, mo'arahako laro aroa ka aroa, po'ineeomo kukitao pombalo-Miu ndi ondae, hangano ndi Omiumo kuwawao kara-karaku.

Yeremia 17:10

Ongkuemo, Ue, anu mepenteeo aroa, ka umarahakono laro aroa, ka mombalo a sompo mia menunu saru peleluno, menunu saru hasilino wineweuno.”

Yeremia 20:12

Oo Ueno luwuakoano, anu umarahako ira mia mentee, anu kumitao laro aroa ka aroa, po'ineeomo ka kukitao pombaloa-Miu ndi ondae, hangano kupohaweomo ndi Omiu kara-karaku.

I LUKASI 16:15

Ka Do'amba motaeako ira, ”Omiu mpokomenteeo koroimiu i arodo mia, sine Ondae Ue Ala tumo'orio aroamiu. Hangano hapa anu tinudu langkai a mia, Do'o'aliaakono Ue Ala.

I YOHANE 7:24

Si mpobitara montonda hapa anu tengkita, sine impobitaramo a moleoa.”

I YOHANE 8:15

Omiu mpobitara montonda pongkitano mia, Ongkue nahina maupo te'asa mia binitara-Ku,

WINEWEUDO TINENA 1:24

Luwudo mpekakai ka dompotae, ”Oo Ue, Omiumo anu tumo'orio aroano luwuno mia, po'ineeomo ka Itisoakami isema anu bininiki-Miu inso a mia orua andio,

2 KORINTI 10:10

Hangano, dompotae mia, luwuno wuntano lano manasa ka me'ihi, sine tewala tepo'aro rupa onae telusa ka luwuno pinauno nahina pengkonaano.

2 KORINTI 10:7

Imengkitaomo anu mengkaa i arono matamiu! Tewala hinao asa mia anu memanasao, nine onae mia-Do i Kerisituu, asalakono ka ipompewowolo i laro aroano, nine omami mbo'u mia-Do i Kerisituu mengkena kana onae.

IBARANI 4:13

Ka nahina maupo te'asa anu tuwu tewuni i aro-Do, hangano luwuakoano nahi tetutuwi ka te'ungkahi i arono mata-Do, anu ndi Ondae asalakono kita mentanggumio.

1 PETURU 2:4

Ka ime'aiwamo ndi Ondae, watu anu tuwu atuu, anu lano domentadio mia, sine anu bininiki ka pinelangkai i aro-Do Ue Ala.

1 PETURU 3:4

sine ramba-rambamiu onaemo mia i laro aroa anu tewuniako ramba-ramba anu nahi bali anu tepu'u inso a mpenaa anu mauru ka sintuwu, anu masuli ntu'u olino a pongkita-Do Ue Ala.

MENGKAAA 2:23

Ka luwuno anano Aku mepate ira ka luwuno bawaa ira mento'orio, nine Ongkuemo anu paresao laro aroa ka aroano mia, ka nine Aku mombalo ndi omiu sompo mia montonda wineweuno.

1 Samueli 2:3

Siimo mbo'u imengkolaba-laba mpau, pau anu nahina pengkonaano, siimo ipeluarako inso ia wiwimu, nde Ondae i Ue atuu Ue Ala anu tumo'orio luwuakoano, ka luwuno wineweudo mia Ondae putusio.

1 Samueli 9:2

Onae hinao anano asa ana ntama meneeako i Saulu, asa mia da mongura ka montama. Nahina to Isaraeli anu lalu montama sekonopo onae. Koroino ondau, luwuno mia butu hawe i oweano.