1 Samueli 16:13 - Wunta Mempori

¹³ I'alao i Semueli tandu anu me'ihiako lana saitu atuu kai urapio i Daudi i olodo pepaekompono. Mompu'u oleo atuu Penaa-Do i Ue pabawaio ka kumongkomio mpiha i Daudi. Umarino atuu mekuleomo i Semueli i Rama.

1 Samueli 16:13 ပူးပေါင်းရင်းမြစ်များ

2 Samueli 12:7

Ka i'amba motae i Nata ndi Daudi, ”Omuemo mia atuu! Kanandiomo pau-Do i Ue, Ue Alado to Isaraeli: Ongkuemo anu umurapiko gagi mokoledo to Isaraeli ka Ongkuemo anu motolako inso a ngkaeno i Saulu.

2 Samueli 2:4

Ka do'amba mehawe to Yehuda, ka dome'urapio i Daudi i ra'ai gagi mokoledo to Yehuda. Ka i'amba domempauakono i Daudi kanandio, ”To Yabesi-Gilea domengkaburuomo i Saulu.”

2 Samueli 23:1

Ndiomo pauno i Daudi pokotompa, ”Pauno i Daudi anano i Isai pauno mia anu pinokomantande, mia anu inurapi-Do Ue Alano i Yako, puu mpenani po'unde-unde anu pinesanaado Isaraeli.

2 Samueli 5:3

Ka i'amba me'aiwa iramo luwuno mia memota'u Isaraeli mpe'aro ndi ondae mokole i Heberoni. Ka i'amba mokole Daudi moweweu pedandia saru ondae i Heberoni i aro-Do i Ue. Dome'urapio i Daudi gagi mokoledo to Isaraeli.

2 Mokole 9:6

Mentade i Yehu kai pewinso a laro raha. Nabi mongura atuu tumawao lana a wawo uluno ka ipotaeaono, ”Kanandiomo pau-Do i Ue, Ue Alado to Isaraeli: Ku'urapikomo gagi mokole a bawaa-Do i Ue, a nto Isaraeli.

1 Tawarika 11:3

Ka i'amba me'aiwa iramo luwuno mia memota'u Isaraeli mpe'aro ndi ondae mokole i Heberoni. Ka i'amba i Daudi moweweu pedandia saru ondae i Heberoni i aro-Do i Ue. Dome'urapio i Daudi gagi mokoledo to Isaraeli, kana anu pinau-Do i Ue telalo i Semueli.

Po'unde-unde 89:20

Hori Komiu mepau a laro pongkita a luwuno mia anu pinehohawa-Miu. Omiu mepau, ”Kutulungiomo asa mia pongkiari, mokomantandeomo asa mia bininiki inso i olodo tongku atuu.

Po'unde-unde 89:21

Kuhaweomo i Daudi, tetenaa-Ku; Ku'urapiakonomo lana-Ku anu mempori,

Podoaa 11:17

Aku metii ka mepau saru omue i ra'ai, ka Ku'amba umalao asa ntia Penaa anu kongko ndi omue ka numaao ndi ondae, ka saru omue ira mentembio anggaa a luwuno tongku atuu ka siimo mbo'u utembio asa-asamu.

Podoaa 27:18

Ka Do'amba mepau i Ue ndi Musa, ”Alaomo i Yosua anano i Nuni, asa mia anu bukeako penaa, naaomo kaemu i wawono.

I YOHANE 3:34

Hangano isema tinena-Do Ue Ala, Ondaemo mohaweo pau-Do Ue Ala, hangano Ondae Ue Ala moweeako Ira Penaa-Do nahi tetidahi.

WINEWEUDO TINENA 13:22

Mansano liniahako i Saulu, Dopotoroo Ue Ala i Daudi gagi mokoledo. Mongkona i Daudi Dopokomengkaaomo Ue Ala: Kuhaweomo i Daudi anano i Isai, asa mia anu ineheno aroa-Ku ka anu weweuo luwuno po'ehe-Ku.

IBARANI 1:9

Ikekewoio moleoa ka umo'aliaakono gau mosa'o; onaemo pu'uno Ondae Ue Ala, Ue Alamu Do'urapia-Komiu lana gagi tondonino mawongkoa, lumaloio luwuno wali-wali tepo'asaa-Miu.”

IBARANI 11:32

Ka hapa mbo'uke anu asalakono kupao? Hangano nahi ta sompo tempoku, tewala aku tumutuluo mongkona i Gideo, i Baraki, i Simeso, i Yepeta, i Daudi ka i Semueli ka luwuno nabi,

Puu Mpobitara 11:29

Ka i'amba i Yepeta bukeako Penaa-Do i Ue. Ilaloo wita Gilea ka wita Manase. Ka i'amba lumaloo Misipa i Gilea, ka inso i Misipa i Gilea lumako i wita inuledo to Amoni.

Puu Mpobitara 13:25

Ka i'amba Penaa-Do i Ue mompu'u lumeluo aroano i Simeso i Mahane-Dani, anu i olono Sora ka Esitao.

Puu Mpobitara 14:6

I tempono koa atuu mewinsoomo Penaa-Do i Ue ndi Simeso, onaemo ka i Simeso sumempaakono kaeno singa atuu kana mosempa ana bembe. Sine nahi tutuluako ira amano ka ineno hapa anu wineweuno atuu.

Puu Mpobitara 3:10

Penaa-Do i Ue pabawaio ka igagi petewawado to Isaraeli. Lumakoomo metea, ka Ondae i Ue mewengakono i Kusani-Risataimi, mokoledo to Arami, onaemo ka inangio i Kusani-Risataimi.

1 Samueli 1:19

Tisomono mo'oru, mpewangu iramo ka dompenggolontu mpesomba i aro-Do i Ue. Ka do'amba mpekule i Rama. I Elikana mewowaliakono i Hana, kombiano, onaemo ka Doronsoo i Ue i Hana.

1 Samueli 10:1

Ka i'amba i Semueli umalao pido kodei me'ihi lana ka isiwuiakono a uluno i Saulu. Iwoo-wooo i Saulu ka ipotae, ”Ondae i Ue anu umurapiko gagi mokole a bawaa-Do Isaraeli. Omue gagi mokole a bawaa-Do i Ue ka omue anu ta motola ira inso a ngkaedo luwuno iwalido a mpetengi-tengino. Ndiomo tondonino nine Ondae i Ue umari Iramo umurapiko gagi mokole a bawaa-Do:

1 Samueli 10:6

Penaa-Do i Ue ta mo'ia ilaromu pabawaiko ka omue mbo'u kobukeako penaa kana luwuno nabi perongamu. Omue kotebali nami pengkena tuwumu se'eluno.

1 Samueli 11:6

Mansano rumongeo i Saulu pinaudo atuu, Penaa-Do Ue Ala mewinsokio ka tensilaomo tekudano tedoa mongkokongiri.

1 Samueli 16:18

Sumangki asa mia atano, ”Menteeano kukitaomo asa mia anano i Isai to Beteleme, anu pande memae kasapi. Onae asa sorodadu anu mosia, pande mepau, montama koroino. Ondae i Ue kumongkomio.”

1 Samueli 18:12

I Saulu doitoomo ndi Daudi, hangano i Daudi Dokongkomio i Ue, sine i Saulu Do'olaikonomo.

1 Samueli 2:35

Aku motoroo asa sando mpesomba anu metenunu ka melelu menunu kana po'eheno aroa-Ku ka sumanga-Ku. Aku mokohadioo inuleno anu mpetenunu ka mentuwu i arono mia inurapi-Ku.