1 Samueli 16:1 - Wunta Mempori

¹ Pau-Do i Ue ndi Semueli, ”Ranta hawe te'ipia masusano aroamu hangano i Saulu, ka hinaano lano nami Kubeheo gagi mokoledo to Isaraeli? Alaomo lana saitu kau ihiio tandu ponaapamu lana ka lakomo. Aku tumenako lumako ndi Isai to Beteleme, hangano i olodo luwuno anano, Kubinikiomo asa mia gagi mokoledo bawaa-Ku.”

1 Samueli 16:1 ပူးပေါင်းရင်းမြစ်များ

1 Mokole 8:16

Mompu'u Kuwawa ira bawaa-Ku Isaraeli mpeluarako inso i wita Masiri, nahi Kupobiniki maupo kota hapa inso i olono luwuno suku Isaraeli kai winangu asa raha kai po'ia nee-Ku i ra'ai, sine Kubinikiomo i Daudi kai pabawai ira bawaa-Ku Isaraeli.”

2 Mokole 9:1

Nabi Elisa moboio asa mia inso i olono bawaado nabi ka ipotaeakono, ”Peboo ntongamo, wawaomo pido-pido lana andio ka lakomo i Ramoti-Gileadi.

2 Mokole 9:3

Alaomo pido-pido me'ihi lana atuu, ka u'amba tumawao a wawo uluno ka pepau, ’Kanandiomo pau-Do i Ue: Ku'urapikomo gagi mokoledo to Isaraeli!’ Umarino atuu ungkahiomo tondo, pelulumo, ka pontuturakomo.”

2 Mokole 9:6

Mentade i Yehu kai pewinso a laro raha. Nabi mongura atuu tumawao lana a wawo uluno ka ipotaeaono, ”Kanandiomo pau-Do i Ue, Ue Alado to Isaraeli: Ku'urapikomo gagi mokole a bawaa-Do i Ue, a nto Isaraeli.

1 Tawarika 11:3

Ka i'amba me'aiwa iramo luwuno mia memota'u Isaraeli mpe'aro ndi ondae mokole i Heberoni. Ka i'amba i Daudi moweweu pedandia saru ondae i Heberoni i aro-Do i Ue. Dome'urapio i Daudi gagi mokoledo to Isaraeli, kana anu pinau-Do i Ue telalo i Semueli.

1 Tawarika 28:4

Sine Ondae i Ue, Ue Alado to Isaraeli, Dobiniki akumo inso i olodo luwuno pe'etuku gagi mokoledo to Isaraeli ranta nahina tampulaano. Hangano Dobinikiomo i Yehuda gagi petewawa ka pe'etuku inso i olodo suku Yehuda ka inso i olodo luwuno anado amaku Dopemoikoo kupinotoro gagi mokole a luwuno Isaraeli.

Yesaya 11:1

Asa tumba ta meluarako inso a ntu'ono i Isai, ka asa tumba ta tuwu inso a mpu'uno.

Yesaya 11:10

I tempo atuu tumba inso a mpu'uno i Isai ta mentade gagi banderado tongku; onae ira me'ungkeo sukuno tongku ka po'iangano ta gagi maramba.

Yesaya 55:4

Menteeano, Kupakosiomo onae gagi sakosiido luwuno tongku, gagi asa petewawa anu meparenta a luwuno suku tongku;

Yeremia 11:14

Ka omue, siimo pekakaiako ira tongku andio. Siimo powuatako po'ema ka pekakai tiado, hangano nahi Aku merorongeakono i tempono dompebooli ndi Ongkue hangano masolaado.

Yeremia 15:1

Mepau Iramo i Ue ndi ongkue, ”Maupo i Musa ka i Semueli mentade i aro-Ku, aroa-Ku nahi ta mepokule a tongku andio. Saari iramo inso i aro-Ku ka domelako!

Yeremia 6:30

Ondae pinau salaka nahi tinarima, hangano nami Dotarima ira i Ue!

Yeremia 7:16

”Omue isa'a, siimo pekakaiako ira tongku andio, ka si mansa po'emamu saru pekakai tiado, ka si dadai Aku, hangano nahi Aku merorongeakomu.

Sakaria 4:14

Ka i'amba motae, ”Ndiomo orua mia anu inurapi anu mentade umpeda ndi Ondae Ueno asa wawontolino!”

ROMA 15:12

Ka motae mbo'u i Yesaya, ”Tumba inso a mpu'uno i Isai ta mesabaako, ka onae ta mentade parentao luwuno tongku, ka ndi Ondaemo pomperorohiado luwuno tongku.”

IBARANI 11:32

Ka hapa mbo'uke anu asalakono kupao? Hangano nahi ta sompo tempoku, tewala aku tumutuluo mongkona i Gideo, i Baraki, i Simeso, i Yepeta, i Daudi ka i Semueli ka luwuno nabi,

1 YOHANE 5:16

Tewala hinao asa mia kumitao pepaekompono moweweu hala, onaemo hala anu komba mowawa matea, po'ineeomo ka ipekakai ndi Ondae Ue Ala ka Ira moweeakono tuwua, onaemo ondae, anu mpoweweu hala anu komba mowawa matea. Hinao hala anu mowawa matea; mongkona atuu komba kupauo, nine asalakono ka ipekakai.

1 Samueli 10:1

Ka i'amba i Semueli umalao pido kodei me'ihi lana ka isiwuiakono a uluno i Saulu. Iwoo-wooo i Saulu ka ipotae, ”Ondae i Ue anu umurapiko gagi mokole a bawaa-Do Isaraeli. Omue gagi mokole a bawaa-Do i Ue ka omue anu ta motola ira inso a ngkaedo luwuno iwalido a mpetengi-tengino. Ndiomo tondonino nine Ondae i Ue umari Iramo umurapiko gagi mokole a bawaa-Do:

1 Samueli 15:11

”Me'o'ole Aku motoroo i Saulu gagi mokole, hangano ipebungkui aku ka nahi tondao pau-Ku.” Mompemasusaomo i Semueli, onaemo ka ipekakai ndi Ondae i Ue asa wongi.

1 Samueli 15:23

Mo'ewai songka mengkena halano kana mia puu mpososa'ori. Nahi pomperorongeako mengkena kana mosaono mia mpelahumoa. Hangano omue umewaiomo pau-Do i Ue, omue nami Dotarimako mbo'u gagi mokole.”

1 Samueli 15:26

Sine ipotae i Semueli ndi Saulu, ”Nahi aku behe mbo'u merongaakomu, hangano omue u'ewaiomo pau-Do i Ue, nde Ondae i Ue mbo'u nami Dotarimako gagi mokoledo to Isaraeli.”

1 Samueli 15:35

Ranta kai mate i Semueli, nami hori mbo'u tepohaweakono i Saulu. Masusa aroano i Semueli hangano wineweuno i Saulu ka me'o'ole Ira i Ue motoroo i Saulu gagi mokoledo to Isaraeli.

1 Samueli 16:15

Luwuno atano i Saulu motaeakono, ”Kau to'orio koa, pabawa anu mosa'o inso ndi Ondae Ue Ala weweuko ka utebobarasai;

1 Samueli 16:23

Gagi, sompo tempo pabawano i mosa'o anu inso ndi Ondae Ue Ala mewinsokio i Saulu, i'alaomo i Daudi kasapino ka ipemaeakono. Tetareroomo i Saulu ka rodoomo aroano; penaa mosa'o atuu meluarakoomo inso ndi onae.

1 Samueli 17:12

I Daudi anano i Isai to Eparata inso i Beteleme-Yehuda. I Isai hinao anano oalu ira tama. Tempono poparentaano i Saulu, mia atuu mota'uomo ka pinemota'u.

1 Samueli 9:16

”Tisomo tempo kanandio, Aku mo'oliwi asa mia tama ndi omue inso i wita Benami. Mia atuu urapiomo ka igagi mokoledo bawaa-Ku Isaraeli. Onae ta kumadudui ira bawaa-Ku inso a ngkaedo to Pelisiti. Nde Kukitaomo marasaido bawaa-Ku atuu hangano peboolido haweomo ndi Ongkue.”