1 Samueli 15:3 - Wunta Mempori

³ Kanandio-andio, lakomo ka nangi ira to Amale. Pokoropuo luwuakoano anu hina ndi ondae ka sipehohawa ira. Pepate ira luwuno tama, maupo beine, nana'ote maupo ana dalo, sapi maupo bimba, unta maupo kalide.”

1 Samueli 15:3 ပူးပေါင်းရင်းမြစ်များ

Tegagia 36:12

I Timina onaemo beineno mongurano i Elipasi anano i Esau. Onae me'anaakono i Amale anano i Elipasi. Ondaemo atuu ana'ueno i Ada beineno i Esau.

2 Samueli 1:8

Mesikeno ira ndi ongkue, ’Isemake omue?’ Sumangki aku ndi ondae, ’Ongkue to Amale.’

Peluarakoa 17:14

Mepau Ira i Ue ndi Musa, ”Luwuno andio burio a wunta kai gagi pepopoto'ori, ka poporongeakono i Yosua, nine Aku umoninio pinewowolodo mongkona to Amale inso i wawo ntolino.”

Peluarakoa 20:5

Si mpelangkaio ke mpesomba ndi onae nde Ongkue Ue, Ue Alamu, onaemo Ue Ala anu mosiri, anu mombaloakono halano amano a anano, hawe a inuleno anu ko'otolu ka ko'opaa inso a luwuno mia anu umewai Aku.

Podoaa 24:20

Mansano kumita ira i Bilea to Amale, ipauo powadino, ipotae, ”Amale onaemo anu lalu pinelangkai i olono luwuno tongku, sine poko'ariano onaemo matae anu nahina tampulaano.”

Podoaa 31:17

Kanandio-andio pepate iramo luwu ana ntama anu da kodei. Luwuno beine anu horiomo mewowaliako tama, asalakono impepate ira mbo'u.

Yosua 10:39

Wita atuu saru mokoleno ka luwuno kotano dompentorokio, ka dompepateako ira ponai. Luwuno anu tuwu pinepate, nahina anu pino'inee tepotola, kana anu wineweudo i Hebero, kanatuu koa mbo'u doweweu ira to Debiri saru mokoledo, kana anu wineweudo i Libina saru mokoledo.

1 Samueli 14:48

Hangano tedoa moroso ntu'u, onae ka inangi ira to Amale ka motola ira to Isaraeli inso a ngkaedo luwuno mia anu rumontu ira.

1 Samueli 15:18

Omue Dotenako i Ue, saru pe'oliwi: Lakomo peteaako ira ranta ka domeropu to Amale, mia mentehala atuu, ka peteaako ira ranta kau pokoropu ira.

1 Samueli 15:9

Sine i Saulu ka luwuno palili nahi dompepateo i Aga. Kanatuukoa mbo'u asa bawaa bembe bimba ka sapi anu tekosi ka mewalo, ana bimba ka luwuno anu masuli olino nahi domebehe mpokoropuo. Sine luwuno anu nahina olino ka anu mosa'o dompokoropuo.

1 Samueli 22:19

Kanatuu koa mbo'u palili i Nobi, po'iangaado sando mpesomba atuu, ipepateako ira ponai: tama, beine, nana'ote, maupo anu da mo'uo. Sapi, kalide ka bimba luwuno ipepateako ira ponai.

1 Samueli 27:9

Tewala ipongko'alao i Daudi asa wita ipepate ira luwu tama, maupo beine. Irontu ira asa bawaa bembe bimba, sapi, kalide, unta ka sangka ka do'amba mpekule ndi mokole Akisi.

1 Samueli 30:17

Tisomono umpeda meene, i Daudi sumapoi ira ranta hawe sumoo oleo. Nahina maupo te'asa mia inso ndi ondae anu tola, sangkadio pato etu mangalitau anu mpolai mpompesawiki unta.