1 Samueli 15:28 - Wunta Mempori

²⁸ Ka i'amba motae i Semueli ndi onae, ”Oleo andio Dokansao i Ue poparentaa Isaraeli inso ndi omue ka Doweeakono mia susua anu moikoopo sekono omue.

1 Samueli 15:28 ပူးပေါင်းရင်းမြစ်များ

2 Samueli 3:10

lumimbao poparentaa inso a nsomborino i Saulu ka mowangu kadera poparentaano i Daudi a nto Isaraeli ka Yehuda, inso i Dani hawe i Bereseba.”

2 Samueli 3:18

Kanandio-andio imeweweuomo, nde Ondae i Ue mepau Iramo mongkona i Daudi, kanandio: Molalo tetenaa-Ku i Daudi Aku kumadudui ira bawaa-Ku Isaraeli inso a ngkaedo to Pelisiti ka inso a ngkaedo luwuno iwalino.”

2 Samueli 3:9

Po'ineeomo Ondae Ue Ala humukuo mobea i Abinere, tendeano laluaopo mbo'u, ba nahi kuweweuo ndi Daudi kana anu dinandi-Do i Ue saru mesumpa ndi onae:

2 Samueli 6:21

Sine ipotae i Daudi ndi Mikali, ”I aro-Do i Ue, anu laluaopo biniki aku sekono amamu ka luwuno somborino, ka tumiso aku gagi petewawado to Isaraeli, bawaa-Do i Ue; i aro-Do i Ue kupenari-nari,

1 Mokole 11:11

Ka i'amba mepau Iramo i Ue ndi Salomo, ”Hangano pelelumu kanatuumo, ka nahi upekariao pedandia ka luwuno pompakosi-Ku anu umariomo Kuparentaakomu, menteeano Aku Kumansao poparentaa atuu inso ndi omue ka meweengakono a atamu.

1 Tawarika 10:14

ka nahi po'ema pontiso-Do i Ue. Onaemo pu'uno ka Dopepateo i Ue ka meweengakono potorono mokole ndi Daudi anano i Isai.

Ayubi 34:24

mia mosia Dopokotampulao nahi pinaresa, ka mia susua Dopotoroo umeu ira.

Danieli 4:17

Parenta andio domempaleleo puu mpodagai ka mongkona andio montonda pomputusido mia mempori, ka domento'orio mia mentuwu, nine Anu Tedoa Mantande pabawa a poparentaano mia ka meweengakono ndi sema anu inehe-Do, maupo mia anu tetotoako Dopokotandeo tiano pentoroa atuu.

Danieli 4:32

Omue kosinaari inso i olodo mia ka po'iangamu ta kongko i olodo kondehora a mpada; omue kopinakaako ewo kana sapi. Kanatuumo ta gagi ndi omue hawe ka itelalo opitu tempo, ranta ka umangaku nine Anu Tedoa Mantande pabawa a poparentaano mia ka meweengakono ndi sema anu inehe-Do!”

I YOHANE 19:11

Sumangki Ira i Yesu, ”Nahina maupo hapa pabawamiu ndi Ongkue, tewala pabawa atuu nahi iwineeako inso i wawono. Onaemo pu'uno: onae anu meweenga-Kune ndi omiu, langkaiopo halano.”

WINEWEUDO TINENA 13:22

Mansano liniahako i Saulu, Dopotoroo Ue Ala i Daudi gagi mokoledo. Mongkona i Daudi Dopokomengkaaomo Ue Ala: Kuhaweomo i Daudi anano i Isai, asa mia anu ineheno aroa-Ku ka anu weweuo luwuno po'ehe-Ku.

ROMA 13:1

Sompo-sompo mia asalakono metuundu a parenta anu i wawono, hangano komba hina to poparenta, anu komba inso ndi Ondae Ue Ala; ka luwuno to poparenta anu hina, Dopakosio Ue Ala.

1 Samueli 13:14

sine kanandio poparentaamu nahi ta mo'ia mpiha. Ondae i Ue Ira mo'ungke asa mia montonda po'eheno aroa-Do ka Dopotoroo gagi petewawa a bawaa-Do, hangano omue nahi upetenunu a petena anu Dotenaakomu i Ue,.”

1 Samueli 16:12

Ka i'amba i Isai montena mia lumako umalao. Kombisino mororontaha, matano tekosi ka montama koroino. Mepau Iramo i Ue, ”Pentademo urapio, nde onaemo andio mia bininiki-Ku.”

1 Samueli 18:8

I Saulu tedoa tekuda. Pauno penani andio mokomahakio aroano, hangano ipewowoloo, ”Ndi Daudi domerekeo pulu-pulu nsowu, sine ndi ongkue domerekeo butu sowu-sowuno. Butumokoa poparentaa napi pe'umbuo.”

1 Samueli 25:30

Tewala Dopokogagiomo i Ue luwuakoano anu moiko anu pinau-Do mongkona omiu, ka Dopokogagi komiumo mokoledo to Isaraeli,