1 Samueli 15:23 - Wunta Mempori

²³ Mo'ewai songka mengkena halano kana mia puu mpososa'ori. Nahi pomperorongeako mengkena kana mosaono mia mpelahumoa. Hangano omue umewaiomo pau-Do i Ue, omue nami Dotarimako mbo'u gagi mokole.”

1 Samueli 15:23 ပူးပေါင်းရင်းမြစ်များ

Tegagia 31:19

Ka i Laba se'eluno lumakoomo mogonti wuludo bimbano. I tempomo atuu i Raheli monakoo terapi pelahumoaano amano.

Tegagia 31:34

Sine i'alaomo i Raheli terapi pelahumoaa atuu ka mewinsoakono a laro lampino untano, ka mentoro i wawono. I Laba paresao luwuno kema atuu, sine nahi pohawe hapa-hapa.

2 Samueli 12:9

Tembio kau pokongkodei Ira i Ue ka upoweweu anu mosa'o a pongkita-Do? I Uria to Heti atuu upepateakono ponai. Beineno u'alao gagi beinemu, ka onae upepateakono ponaino inuleno i Amoni.

2 Samueli 7:15

Sine pompehohawa-Ku nahi ta olai te'inso ndi onae, kana anu Kupoko'olaiomo inso ndi Saulu, anu Kuliahakonomo inso i aromu.

1 Tawarika 10:13

Kanandiomo mateno i Saulu, hangano nahi petenunu ndi Ondae i Ue, hangano nahi tondao pau-Do i Ue ka mesikeno mbo'u mo'ema pontiso a onituno mia mate,

1 Tawarika 28:9

Ka omue anaku Salomo, to'oriomo Ue Alano amamu ka pesombamo ndi Ondae tompaano aroa ka bobotoli aroamu, hangano Ondae i Ue paresao sompo aroa ka tumo'orio sompo tinoo. Tewala omue umungke Ira, kohumawe Ira, sine tewala omue binta Ira, Ira tumadiko ranta nahina tampulaano.

Ayubi 34:37

Hangano onae tumiangiakono sala a halano, ipokungkuakami kae i olomami ka hadio mpau ndi Ondae Ue Ala.”

Po'unde-unde 107:11

Hangano dome'ewaio luwuno parenta-Do Ue Ala, ka mentatao songka-Do Anu Tedoa Mantande,

Peluarakoa 22:18

”Asa mia beine pande sihiri si po'ineeo tuwu.

Yesaya 19:3

sumangado to Masiri ta tetadi, ka tinoodo ka Aku mokomarisuo; ondae ira mpo'ema pontiso a lahumoa ka a mia anu mpebali-bali mata, a onitu ka a mpenaa mpopau anu nahi manasa ta gagi.

Yesaya 8:19

Ka tewala mia mpotae ndi omue, ”Po'emamo pontiso a onitu ka luwuno penaa anu mompau nahi manasa ta gagi anu metanga-tanga ka momuti-muti,” ka sangkiomo, ”Kombake asa tongku tekona mo'ema pontiso a mpinesombaino? Nde asalakonoke ira mpo'ema pontiso a mia mate tiano mia tuwu

Yeremia 16:12

Omiu isa'a mpoweweu laluaopo mosa'o sekonopo uempu'umiu! Kitao, omiu singge mia montonda aroano anu motea ka mosa'o sekonopo merorongea-Kune.

Yeremia 28:16

Onaemo pu'uno, kanandiomo pau-Do i Ue: Menteeano, Aku sumaariko inso i wawontolino. Ta'u koa mbo'u andio omue komate, hangano upaleleomo pe'ewa ndi Ondae i Ue.”

Yeremia 29:32

Onaemo pu'uno, kanandiomo pau-Do i Ue: Menteeano, Aku humukuo i Sepania, to Nehelami atuu, ka inuleno. Nahina maupo te'asa mia inso ndi onae ta mo'ia i tonga-tongano tongku andio ka kumitao anu moiko anu Aku weweuo a bawaa-Ku, kanandiomo pau-Do i Ue, hangano onae mompaleleomo pe'ewa ndi Ondae i Ue.”

Hosea 13:11

Kupoweeakomu asa mokole a laro ntekuda-Ku ka umalao a laro mosa'o-Ku.

Hosea 3:4

Hangano to Isaraeli ta tehine domentuwu nahina mokole, nahina petewawa, nahina pesomba, nahina tugu lahumoa, nahina epo ka terapimi.

Imama 20:27

Tewala asa tama ke beine mompoboi onituno mia mate ke penaa anu mompau hapa anu ta gagi, ondae asalakono hinuku mate, winunoako watu. Reado dotembio ondaedo.”

Imama 20:6

Mia anu momperorohi a onituno mia mate ke a mia anu mompau anu ta gagi, monsosaboako pesikenono ndi ondae, Ongkue isa'a anu umaropio mia atuu ka mokotampulao inso i tonga-tongano tongkuno.

Podoaa 14:9

Polomo koa si me'ewai Ira i Ue, ka si medoitoako ira tongku i wita atuu, hangano ta pingko tomentele ira. Anu kumadudui ira ibinta iramo, sekono ontae Dokadudui kita i Ue, siimo doitoako ira.”

WINEWEUDO TINENA 13:22

Mansano liniahako i Saulu, Dopotoroo Ue Ala i Daudi gagi mokoledo. Mongkona i Daudi Dopokomengkaaomo Ue Ala: Kuhaweomo i Daudi anano i Isai, asa mia anu ineheno aroa-Ku ka anu weweuo luwuno po'ehe-Ku.

2 KORINTI 6:16

Hapake penggoeano raha-Do Ue Ala saru lahumoa? Hangano ontae onaemo raha-Do Ue Ala anu tuwu montonda pau-Do Ue Ala andio, ”Aku mo'ia me'asaako ira ka tuwu i tonga-tongado, ka Aku gagi Ue Alado, ka ondae gagi bawaa-Ku.

GALATIA 5:20

mpesomba a lahumoa, sihiri, pe'u'uaa, teposisalaa, kohili, tekuda, mompewowolo koroino onaeno, mambebelai, penaa momposisala,

Winali 9:24

Tendeano ime'ewai Ira i Ue, mompu'u kuto'ori komiu.

Winali 9:7

Impewowoloo koa, si mengkolupeo, nine impokotesingkaomo tekuda-Do i Ue, Ue Alamiu i pada one. Mompu'u impeluarako inso i wita Masiri ranta kai mehawe i ndi'ai, ime'ewai Ira i Ue.

Yosua 22:15

Mansado mehawe ia inuleno i Rube, inuleno i Gadi, tongku Manase anu asantia atuu, mpotae iramo ia mia tuudo, kanandio,

MENGKAAA 21:8

Sine mia medoito, mia anu nahi dompompe'ala-ala, mia memokoburu, mia anu pompepate, mia mebelesu, puu ponsihiri, anu mpesomba a lahumoa ka luwuno anu mpegaupi, ondae ira mpohawe tiado a laro ntahi anu kolanga-langa hangano api ka walira; onaemo andio matea anu ko'orua.”

MENGKAAA 22:15

Sine luwuno dahu ka puu mposihiri, mia mebelesu, mia anu pompepate, anu mpesomba a lahumoa ka sompo mia anu kumekewoio pegaupi ka anu meleluakono, mpo'ia i bungkuno.

1 Samueli 13:14

sine kanandio poparentaamu nahi ta mo'ia mpiha. Ondae i Ue Ira mo'ungke asa mia montonda po'eheno aroa-Do ka Dopotoroo gagi petewawa a bawaa-Do, hangano omue nahi upetenunu a petena anu Dotenaakomu i Ue,.”

1 Samueli 16:1

Pau-Do i Ue ndi Semueli, ”Ranta hawe te'ipia masusano aroamu hangano i Saulu, ka hinaano lano nami Kubeheo gagi mokoledo to Isaraeli? Alaomo lana saitu kau ihiio tandu ponaapamu lana ka lakomo. Aku tumenako lumako ndi Isai to Beteleme, hangano i olodo luwuno anano, Kubinikiomo asa mia gagi mokoledo bawaa-Ku.”

1 Samueli 2:30

Onaemo pu'uno, kanandio pau-Do i Ue, Ue Alado to Isaraeli, lano Kupauomo: Pe'asa rahamu ka inulemu, ira mpopekakaako gagi sando mpesomba i aro-Ku ranta nahina tampulaano. Sine kanandio-andio, kanandiomo pau-Do i Ue: Nahi Aku mokogagio kanatuu, hangano isema anu melangkai Aku Kupelangkaio, sine isema anu me'uru-uru Aku, nahi ta pinerio.

1 Samueli 28:3

Mateomo i Semueli ka luwudo to Isaraeli mensabangio ka domengkaburuo i Rama, a kotano. I Saulu umariomo sumaari ira luwuno mia mpopoboi onituno mia mate ka puu pongkita anu ta gagi inso i wita atuu.