1 Samueli 15:22 - Wunta Mempori

²² Sine ipotae i Semueli, ”Nde Ira memoikoo i Ue pesomba tinunu ka pesomba sinumbele, mengkena kana momperorongeako pau-Do i Ue? Menteeano, moikoopo momperorongeako, sekonopo pesomba sinumbele, tumondao songka-Do, moikoopo sekono tabano bimba laki.

1 Samueli 15:22 ပူးပေါင်းရင်းမြစ်များ

Tegagia 4:4

i Abeli mbo'u mompesombaako asa ntia inso a ana amba-ambano asa bawaa bembe bimbano saru tabano. Ondae i Ue merioo i Abeli saru pesombano atuu,

Peluarakoa 19:5

Gagi kanandio-andio, tewala mentee ntu'u komiu mpoperorongeako pau-Ku ka mpe'ini a mpedandia-Ku, komiu megagi tongku pinehohawa-Ku inso i olodo luwuno tongku, nde asa wawontolino andio Ongkue me'ueo.

Powadi 21:3

Moweweu menteea ka moleoa Dopemoikoopo i Ue sekonopo pesomba.

Puu Pontutulu 5:1

Si madara ungkahio ngangamu, ka siimo ipodadu aroamu moluarako pau i aro-Do Ue Ala, hangano Ondae Ue Ala kongko Ira i suruga ka omue i tolino. Onaemo atuu, po'ineeomo ka itedei koa paumu.

Yeremia 11:4

anu Kuparentaako iramo uempu'umiu i tempono Kuwawa ira mpeluarako inso i wita Masiri, inso a awu pompokolonoa labu. Pau-Ku: Rongeomo pinau-Ku ka weweuomo luwuno anu Kuparentaakomu, asalakono kogagi bawaa-Ku ka Ongkue gagi Ue Alamu.

Yeremia 11:7

Mentee ntu'u Kupopoto'oriako iramo uempu'umiu, i tempono Kutaate ira mpeluarako inso i wita Masiri. Maupo hawe tempo andio Kupopoto'oriako ira mpiha: Rongeomo pau-Ku!

Yeremia 26:13

Kanandio-andio, impokomoikoomo pelelumiu ka poweweumiu, ka rongeomo suara-Do i Ue, Ue Alamiu, ka Dopokogagio i Ue masolaa anu pinau-Do ndi omiu.

Hosea 6:6

Hangano inehe-Ku petenunu mompehohawa ka komba pesomba sinumbele; Inehe-Ku ponto'oria mongkona Ondae Ue Ala, laluaopo sekono pesomba tinunu.

Hosea 8:13

Mpompowee ira ndi Ongkue luwuno pesomba sinumbele; mpopesombaako ira bau ka domengkaano; sine nahi Dopemoiko ira i Ue. Kanandio-andio Dopototoio salado ka humukuo halado. Ondae asalakono mpekule i Masiri!

I MATIU 12:7

Tewala lano impokonto'orio tinoono pau andio: Anu inehe-Ku onaemo pompehohawa ka komba pesomba, asalakono nahi komiu mehukuo mia anu nahina salano.

I MATIU 23:23

Memasola komiumo, hei anu mponto'ori Taura ka to Parisi, hei omiu mia mpo'onde-onde, hangano tia hopuluno solasi, adasi mo'ahi ka jinta ime'owahio, sine anu lalua a songka Taura nahi mentondao, onaemo: moleoa ka pompehohawa ka petenunu. Anu aasa asalakono ka iwineweu ka anu mehano si mpebungkuio.

I MATIU 5:24

bintaomo pesombamu i arono meda pontunua pesomba atuu ka lakomo pesintuwuakono se'elu pepaekompomu, ka u'amba mekule mesombaakono pesombamu atuu.

I MATIU 9:13

Gagi imelakomo ka impepaguruakonomo pengkonaano pau andio: Anu inehe-Ku onaemo pe'aroa ka pompehohawa ka komba pesomba, hangano hawe-Ku komba aiwa mompoboi mia mentee, tendeano mia tehala.”

I MARAKUSU 12:33

Lano mehohawa Ira tompaano aroa ka tompaano ponto'ori ka tompaano roso, ka mehohawao mbo'u pe'asa mia kana koroito ontaeto laluaopo langkai sekonopo luwuno pesomba tinunu ka pesomba sinumbele.”

1 Samueli 13:12

kupewowoloo: ira me'aiwa to Pelisiti mensapoi aku i Giliga, kahinaano napi kupo'ema po'ehe-Do i Ue; onaemo ka kuperokuhi mompesombaako pesomba tinunu.”

1 Samueli 13:13

Motae i Semueli ndi Saulu, ”Wineweumu andio tedoa benge-benge! Omue nahi upetenunu a songka-Do i Ue, Ue Alamu, anu Dopauakomu. Bakanaano Ondae i Ue Ira mokorosoo poparentaamu a nto Isaraeli ranta nahina tampulaano,