1 Samueli 15:12 - Wunta Mempori

¹² Da mo'oru, mewanguomo i Semueli lumako ta tepohaweakono i Saulu, sine pinauako i Semueli nine, ”I Saulu lumakoomo i Karameli mowangu tugu petondoni poponangino. Ka i'amba mekule lumako i Giliga.”

1 Samueli 15:12 ပူးပေါင်းရင်းမြစ်များ

Tegagia 21:14

Tisomono mo'o-mo'oru i Burahima mo'ala roti saru asa kadu uwoi, weeakono i Hagari, ka inaao a wawo oweano. Ka i'amba meronga anano atuu itenao i Hagari lumako. Ka i'amba i Hagari lumako ka melakopi i pada one Bereseba.

2 Samueli 18:18

Tempono da ituwu, i Abisalo mowanguomo tuguno anu kanandio-andio kongko i Lembono Mokole, hangano potaeno, ”Nahina ana ntamaku anu motilaloakono rorambeno neeku.” Ineeakono tugu atuu montonda neeno onaeno. Hawe oleo andio tugu atuu pinewua Tugu rorambeno i Abisalo.

2 Samueli 23:35

i Heserai, to Karameli; i Paerai, to Arabi;

1 Mokole 18:42

Ka i'amba i Ahabi lumako kai pongkaa ka mo'inu, sine i Elia mewuatako a punsuno torukuno Karameli. Ka i'amba me'odo a wita ka rupano i olono orua oluntuuno.

2 Tawarika 26:10

Iwangu ira mbo'u menara i pada one ka mongkeke hadio sumuru, hangano hadio pinotuwuno, moiko a Lembono maupo a wita Mantandeano. Onae hinao puu mpelereno ka puu mpodagaino lere anggoro, a luwuno torukuno ka wita anu mewalo, hangano i'ineheno mepinopaho.

Yosua 15:55

Maoni, Karameli, Sepi, Yuta,

1 Samueli 13:12

kupewowoloo: ira me'aiwa to Pelisiti mensapoi aku i Giliga, kahinaano napi kupo'ema po'ehe-Do i Ue; onaemo ka kuperokuhi mompesombaako pesomba tinunu.”

1 Samueli 13:15

Umarino atuu lumakoomo i Semueli inso i Giliga te'aro i Gibea-Benami. Tempo atuu i paresao i Saulu baresido palili, bara'ura nomo etumokoa mia anu da mo'ia saru onae.

1 Samueli 17:20

Da mo'oru mewanguomo i Daudi ka ipeweengakono bimbano a asa mia puu mpodagai. Lumakoomo i Daudi ka iwawao anu itenaakono i Isai. Kontongaado sorodadu mpeluarako mpo'atora baresido ka domengkora.

1 Samueli 25:2

Tempo atuu hinao asa mia tama i Maoni, anu hinao pompakambiano pinotuwu i Karameli. Mia atuu tedoa kaea, bimbano tolu nsowu ka bembeno asa nsowu. Onae kongko i Karameli tempono pogontia wulu bimbano.

1 Samueli 7:12

Ka i'amba i Semueli umalao asa watu ka i pontoroo i olono Misipa ka Yesana. Ineeakono Ebe-Haese, pengkonaano, ”Hawe i ndi'ai Dotulungi kita i Ue.”