1 Samueli 15:11 - Wunta Mempori

¹¹ ”Me'o'ole Aku motoroo i Saulu gagi mokole, hangano ipebungkui aku ka nahi tondao pau-Ku.” Mompemasusaomo i Semueli, onaemo ka ipekakai ndi Ondae i Ue asa wongi.

1 Samueli 15:11 ပူးပေါင်းရင်းမြစ်များ

Tegagia 6:6

Ka Do'amba i Ue me'o'ole nine Dopokogagiomo mia i tolino, ka mongkona atuu mokomasusao aroa-Do.

Tegagia 6:7

Mepau Iramo i Ue, ”Aku mokotampula ira mia anu pinokogagi-Ku atuu inso i wawontolino, moiko mia maupo pinotuwu, luwuno kondehora melele ka luwuno manu-manu i laro meene, hangano me'o'ole Aku nine Kupokogagi iramo.”

2 Samueli 24:16

Mansano tumandeo mala'eka kaedo te'aro i Yerusale ta rumopuo, me'o'ole Ira i Ue a masolaa atuu. Ka i'amba pau-Do a mala'eka anu tekonai rumopuo tongku atuu, ”Sompoomo! Potiio kaemu.” Tempo atuu mala'eka-Do i Ue mo'ia umpeda a ponsesaano i Arauna, to Yebusi.

1 Mokole 11:9

Tekuda Iramo i Ue ndi Salomo, hangano aroano pansiaomo inso ndi Ondae i Ue, Ue Alado to Isaraeli, anu penduamo Dopepopokita ndi onae,

1 Tawarika 10:13

Kanandiomo mateno i Saulu, hangano nahi petenunu ndi Ondae i Ue, hangano nahi tondao pau-Do i Ue ka mesikeno mbo'u mo'ema pontiso a onituno mia mate,

1 Tawarika 21:15

Ondae Ue Ala montena Mala'eka lumako i Yerusale ka ipokoropuo. Tempono mala'eka atuu ta mokoropuo, Dokitao i Ue ka me'o'oleakono masolaa atuu. Mepau Iramo a mala'eka puu mporopu atuu, ”Sompoomo! Potiio kaemu!” Tempo atuu Mala'eka-Do i Ue kontongaano mentade umpeda a ponsesaano i Orinani, to Yebusi.

Ayubi 34:27

hangano dompebungkui Ira, ka nahi domperioo maupo te'asa inso a luwuno sala-Do,

Po'unde-unde 109:4

Gagi sulono pompehohawaku domentuluri aku, sine kongkoku mekakai.

Po'unde-unde 110:4

Ondae i Ue mesumpa Iramo, ka nahi Ira me'o'ole, ”Omuemo sando mpesomba ranta nahina tampulaano, montonda atorano i Melekisede.”

Po'unde-unde 119:136

Uwoi mataku waa kana waaano uwoi, hangano mia nahi pe'ini a Songka-Miu.

Po'unde-unde 125:5

sine mia anu pansia a nsala anu melengku-lengkuako, po'ineeomo Dosaari ira i Ue meronga luwuno mia anu mpoweweu mosa'o. Rodoa a nto Isaraeli!

Po'unde-unde 36:3

hangano onae umunde-undeo koroino, ranta nahi haweo wineweuno mosa'o ka mo'o'alia.

Po'unde-unde 78:41

Mararu dome'ara-arahako Ira Ue Ala, mokomahakio aroa-Do Anu Tedoa Mempori, Ue Alado to Isaraeli.

Po'unde-unde 78:57

domebintao pompe'ala-alado ka mehapuo pedandia kana uempu'udo, mpepokule kana pana anu mepokule lakoano;

Peluarakoa 32:11

Sine i Musa mo'arahako mokomolusao aroa-Do i Ue, Ue Alano, ipotae, ”Tembio Ue tekuda-Miu kai tensila a bawaa-Miu, anu Iwawa iramo mpeluarako inso i wita Masiri a langkaino pabawa-Miu ka kae-Miu anu moroso?

Peluarakoa 32:14

Umarino atuu, Dobalio i Ue tinoo-Do mompotii masolaa a bawaa-Do.

Yeremia 11:10

Ondae wali meweweuo sala mpeleludo uempu'udo anu i ndi'ipua nahi dobehe mperorongeakono pau-Ku. Ondae mpetonda a mpinesombai susua ka mpesomba ndi onae. Suku Isaraeli ka suku Yehuda domehapuomo pedandia-Ku anu Kuwutuo saru uempu'udo.

Yeremia 13:17

Tewala nahi mebehe mperorongeakono, aku mengese a ntewuniano hangano pompelangka-langkaimiu. Uwoi mataku ta melolonto, tendeano nte'i'iti, hangano bawaano bimba-Do i Ue winawa mentinawa.

Yeremia 34:16

Sine baliomo pinewowolomiu ka mengkokoburutiomo nee-Ku. Omiu singge mia wali umalao atano tama ka atano beine, anu impotolaomo gagi mia maradeka ka ituwu montonda po'eheno; impokompetuundu iramo, ka domegagi mbo'u atamiu tama ka atamiu beine.

Yeremia 9:1

Ande-andeno uluku insoano uwoi, ka mataku sirikino uwoi mata, meene wongi aku mengesei ira mia anu mempinepate inso i olodo ana beineno tongkuku!

Yeremia 9:18

Asalakono ka dompotuturako ka mposabangia kita, ka inte'i'iti uwoi matato, ka ileento a ngkuli matato!

Yehesikieli 18:24

Tewala mia mentee mepokule inso a menteeno ka moweweu molengkua kana luwuno mokoburua anu wineweuno mia mosa'o gauno, nde ta tuwuke onae? Luwuno menteea anu wineweuno nahi ta pinewowolo mbo'u. Onae asalakono mate hangano nahi petenunu ka hangano hala anu wineweuno.

Amosi 7:3

Ka Do'amba i Ue balio tinoo-Do mongkona pohuku atuu. ”Mongkona atuu nahi ta gagi,” pau-Do i Ue.

Yunu 3:10

Mansa-Do kumitao Ue Ala wineweudo atuu, onaemo kana'umpe dompepokule inso a leludo anu mosa'o, me'o'ole Iramo Ue Ala hangano masolaa anu Dopatindaomo tiado ka nahi gagi mbo'u Doweweuo.

Yunu 4:2

Ka mekakaiomo ndi Ondae i Ue, ipotae, ”Oo Ue, kombake kupauomo mongkona andio, tempono ongkue da i witaku? Onaemo pu'uno, ka kupolai i ndi'ipua lumako i Tarasisi, hangano kuto'orio, nine Omiumo Ue Ala anu me'aroa ka mompehohawa, anu tedoa sabara ka tedoa metenunu mompehohawa, saru me'o'ole hangano masolaa anu tinoo-Do.

Sepanya 1:6

saru ondae anu mpebungkui Ira i Ue, anu nahi ungke Ira i Ue ke mo'ema pontiso-Do.”

I MATIU 24:13

Sine mia anu mompetea hawe pokotampulaano ta tekadudui.

I MATIU 5:44

Sine Kupauakomiu: Pehohawa iramo iwalimiu ka pekakaiako ira anu bobarasai komiu.

I LUKASI 6:12

I tempo atuu lumako Iramo i Yesu a pongku ka Dopekakai ka asa wongi atuu Dopekakai ndi Ondae Ue Ala.

IBARANI 10:38

Sine mia-Ku anu mentee ta tuwu hangano pompe'ala-ala, ka tewala onae monsuka, ka ndi onae nahi Aku memoikoo.”

Yosua 22:16

”Kanandiomo potaedo luwuno bawaa-Do i Ue, tembio kai mpoweweu anu nahi menunu i aro-Do Ue Alado to Isaraeli, ka kanandio impebungkui ira i Ue, ka impowangu pontunua pesomba omiu-miu, nde ba kanandio i'ewai ira Ondae i Ue oleo andio?

1 Samueli 12:23

Mongkona ongkue, nahi aku tehala ndi Ondae i Ue, hangano menaa-naa aku mekakaiakomiu. Aku paguruakomiu sala anu moiko ka moleo.

1 Samueli 13:13

Motae i Semueli ndi Saulu, ”Wineweumu andio tedoa benge-benge! Omue nahi upetenunu a songka-Do i Ue, Ue Alamu, anu Dopauakomu. Bakanaano Ondae i Ue Ira mokorosoo poparentaamu a nto Isaraeli ranta nahina tampulaano,

1 Samueli 15:10

Haweomo pau-Do i Ue ndi Semueli,

1 Samueli 15:3

Kanandio-andio, lakomo ka nangi ira to Amale. Pokoropuo luwuakoano anu hina ndi ondae ka sipehohawa ira. Pepate ira luwuno tama, maupo beine, nana'ote maupo ana dalo, sapi maupo bimba, unta maupo kalide.”

1 Samueli 15:35

Ranta kai mate i Semueli, nami hori mbo'u tepohaweakono i Saulu. Masusa aroano i Semueli hangano wineweuno i Saulu ka me'o'ole Ira i Ue motoroo i Saulu gagi mokoledo to Isaraeli.

1 Samueli 15:9

Sine i Saulu ka luwuno palili nahi dompepateo i Aga. Kanatuukoa mbo'u asa bawaa bembe bimba ka sapi anu tekosi ka mewalo, ana bimba ka luwuno anu masuli olino nahi domebehe mpokoropuo. Sine luwuno anu nahina olino ka anu mosa'o dompokoropuo.

1 Samueli 16:1

Pau-Do i Ue ndi Semueli, ”Ranta hawe te'ipia masusano aroamu hangano i Saulu, ka hinaano lano nami Kubeheo gagi mokoledo to Isaraeli? Alaomo lana saitu kau ihiio tandu ponaapamu lana ka lakomo. Aku tumenako lumako ndi Isai to Beteleme, hangano i olodo luwuno anano, Kubinikiomo asa mia gagi mokoledo bawaa-Ku.”

1 Samueli 8:6

Sine masusa aroano i Semueli rumongeo po'emado, ”Ipoweeakami asa mokole anu moparenta ndi omami.” Onaemo ka ipekakai i Semueli ndi Ondae i Ue.