1 Samueli 14:6 - Wunta Mempori

⁶ Motae i Yonata ndi atano anu wawao sangka mpeteano, ”Aiwa ka tolako dumadu ira puu mpetea mia anu nahi dompetindi atuu. Bara'ura Ondae i Ue Ira tumulungi kita, hangano Ondae i Ue Dopolio montulungi maupo hadio mia ke tedei mia.”

1 Samueli 14:6 ပူးပေါင်းရင်းမြစ်များ

2 Samueli 1:20

Simempaleleo atuu i Gati, simempaleleo atuu a nsala Asikelo, kasi dompo'unde ana beinedo to Pelisiti, kasi dompo'unde-unde ana beinedo mia anu nahi petindi!

2 Samueli 16:12

Bara'ura Ondae i Ue Ira kumitao marasaiku andio ka Ondae i Ue mombaloako moikoa ndi ongkue euno pontotonaano mia atuu a oleo andio.”

2 Mokole 19:4

Bara'ura Dorongeomo i Ue, Ue Alamiu pinauno i rabi-sakehi atuu anu tinenano mokoledo to Asuri, ueno kai tetewehi Ira Ue Ala anu tuwu, ranta Ondae i Ue, Ue Alamiu Ira moweeakono pohuku hangano luwuno pinauno anu Dorongeomo. Moikoomo ipekakaiako ira toreano anu da tebinta andio!”

2 Tawarika 14:10

I Asa meluarako umaropio. Dome'atorao baresi mpeteado a lembono Sepata umpeda Maresa.

2 Tawarika 14:11

I Asa mebooli ndi Ondae i Ue, Ue Alano, ”Oo Ue, sangkadio Omiu nahina anu mokontulungio anu molema mo'aropi anu moroso. Itulungi kamimo oo Ue, Ue Alamami, hangano ndi Omiumo kimpomperorohi ka a laro nee-Miu kami melako umewaio bawaano sorodadu anu langkai andio. Oo Ue, Omiumo Ue Alamami, si po'ineeo maupo te'asa mia hinao rosono ta umewai Komiu!”

Po'unde-unde 135:6

Ondae i Ue Doweweuo hapa anu inehe-Do, i langi ka i tolino, a ntahi ka a luwuno wingke ondalo;

Yeremia 9:23

Kanandiomo pau-Do i Ue, ”Mia pande mosongka ka si po'undeakono pandeno mosongka, mia moroso ka si po'undeakono rosono, mia kaea ka si po'undeakono kaeano.

Yeremia 9:25

”Kitao, tempono ta hawe, kanandiomo pau-Do i Ue, Aku humuku ira mia anu mentinindi iramo tinotopi kuli anuno:

Yeremia 9:26

to Masiri, to Yehuda, to Edomi, inuleno i Amoni, to Moabi ka luwuno mia anu kumeruo wuuno a wiwi uluno, mia anu mpo'ia i pada one, hangano luwuno tongku atuu menteeano nahi dompetindi ka maupo luwuno suku Isaraeli nahi tinindi aroado.”

Amosi 5:15

O'aliaakonomo anu mosa'o, kekewoiomo anu moiko ka weweuomo moleoa a mpewowa langkai. Bara'ura Ondae i Ue, Ue Alano luwuakoano Ira mehohawao inuleno i Yusupu anu da mentuwu.

Sepanya 2:3

Ungke Iramo i Ue, oo luwuno mia anu me'urumako i wita anu weweuo songka-Do. Ungkeomo moleoa, ungkeomo pe'urumakoa; bara'ura komiu koa ntekadudui a oleo tekudaa-Do i Ue.

Sakaria 4:6

Onae mepau ndi ongkue, ipotae, ”Ndiomo pau-Do i Ue ndi Serubabeli, kanandio: Komba saru mosia ka komba saru roso, tendeano saru penaa-Ku, pau-Do Ueno luwuakoano.

Podoaa 10:32

Tewala itonda kami, moikoa anu Ira weweuo i Ue ndi omami kami koa meweweuo mbo'u ndi omiu.”

Podoaa 31:4

Inso a sompo suku i olodo luwuno suku Isaraeli, asalakono impontena asa nsowu mia anu ta metea.”

I MATIU 19:26

Ondae i Yesu mengkita ndi ondae ka Dopotae, ”A mia anu kanandio nahi ta polio, sine ndi Ondae Ue Ala luwuakoano Dopolio.”

ROMA 8:31

Onaemo pu'uno hapake anu ta pinauto mongkona luwuno atuu? Tewala Ondae Ue Ala me'alaako ndi ontae, isemake ta umewai kita?

Winali 32:30

Kana'umpe ntu'u asa mia molulu asa nsowu mia, ka orua mia mokompolaio hopulu nsowu mia, sangkadio Torukuno Watudo umasa ira, Ondae i Ue meweengako ira!

PILIPI 3:3

hangano ontaemo mia mpetindi, anu mpesomba hangano Penaa-Do Ue Ala, ka tompo'undeakono ndi Ondae i Kerisituu Yesu ka nahi tompe'ala-alao anu mongkona tuwu ntolino.

Yosua 14:12

Gaagi iwee akumo mentorukuno, anu dinandi-Do i Ue ia tempo atuu, nde omiumo isa'a anu rumongeo, motae i ra'ai hinao to Ena saru kota langkai ka mebente. Bara'ura Dokongkomi aku i Ue, ka kupokosaari ira, kana anu pinau-Do i Ue.”

Puu Mpobitara 15:18

Mansano tedoa mokoranga, mebooliomo ndi Ondae i Ue, ”Kae tetenaa Miu andio Ipowee aku poponangi anu langkai. Sine kanandio, akumo mate mokoranga ka tedonta a ngkaedo mia anu nahi dompetindi andio!”

1 Samueli 14:5

Punsuno anu asa mantande kana keu pinontade i utara, i asambalino Mikamasi ka anu susua i selata asambalino Geba.

1 Samueli 14:7

Motae anu mowawa sangka mpeteano ndi onae, ”Weweuomo tinoono aroamu. Po'asao aroamu, aku tumondao.”

1 Samueli 17:26

Ka i'amba i Daudi motaeako ira mia anu mpentade umpeda ndi onae, ”Hapa anu ta wineweuto a mia anu mepateo to Pelisiti atuu ka moko'olaio pompe'uru-uruno a nto Isaraeli? Isema to Pelisiti anu nahi petindi atuu, ka ipe'uru-uru ira puu mpetea-Do Ue Ala anu tuwu?”

1 Samueli 17:36

Atamiu andio mompepateomo singa ka berua. To Pelisiti anu nahi petindi atuu ta mengkena kana asa kodehora atuu, hangano ipe'uru-uru iramo puu mpetea-Do Ue Ala anu tuwu.”

1 Samueli 17:46

Oleo andio Ondae i Ue Ira meweengakomu a ngkaeku ka aku mepateko ka aku poleo ulumu. Oleo koa mbo'u andio wata ngkoroido sorodadu to Pelisiti aku weeako ira manu-manu i laro meene ka kondehora mo'ila, ka domento'orio asa wawontolino nine to Isaraeli hinao Ue Alado.

1 Samueli 17:47

Luwuno mia anu tepumpu i ndi'ai ira mento'orio nine Ondae i Ue mongkadudui komba mompake ponai, kansai ke pando, hangano peteaa andio peteaa-Do i Ue. Ondae Ira meweengakomiu a ngkae mami.”

1 Samueli 31:4

Motae i Saulu a mia mowawa sangka mpeteano, ”Butao ponaimu, ka tobo aku, kasi mansa mia anu nahi dompetindi andio mentobo aku ka dompemae-maeakune.” Sine mia anu mowawa sangka mpeteano atuu nahi behe, hangano tedoa doito. Onaemo ka i'alao i Saulu ponai atuu ka ipebangkuako i wawono ponai atuu.