1 Samueli 14:37 - Wunta Mempori

³⁷ I Saulu mo'ema pontiso-Do Ue Ala, ipotae, ”Tewala ipeweengako ira to Pelisiti a ngkaedo to Isaraeli, ba Ipemoikoo aku lumulu ira wongi andio.” Sine i oleo atuu nahi Dosangkio i Saulu.

1 Samueli 14:37 ပူးပေါင်းရင်းမြစ်များ

2 Samueli 5:19

I Daudi mo'ema pontiso ndi Ondae i Ue, ”Nde asalakonoke aku lumako umewai ira to Pelisiti? Nde Komiu meweengako irake a ngkaeku?” Pau-Do i Ue ndi Daudi, ”Lakomo, nde asalakono Aku meweengako ira to Pelisitii a ngkaemu.”

2 Samueli 5:23

I Daudi mo'ema pontiso ndi Ondae i Ue ka Dopepau, ”Si melako, sine impelempamo mpetanggolili hawe i bungkudo, ranta kau pokosapoi ira, te'aro inso a laro ngkeu murubei.

1 Mokole 22:15

Sa haweno ndi ondae mokole, mesikenoomo mokole ndi onae, ”Mika, moiko koa ke kami melako mpetea umewaio Ramoti-Gilea, ke siimo?” Sangkino ndi onae, ”Lakomo ka komiu monangi. Ondae i Ue meweengakono a ngkaemiu mokole.”

1 Mokole 22:5

Sine motae i Yosapa ndi mokoledo to Isaraeli, ”Se'eluno ipo'ema pontiso a mpau-Do i Ue.”

Yehesikieli 20:3

”Hei anano mia, pepaumo a luwuno mia memota'udo to Isaraeli ka potaeako iramo: Kanandiomo pau-Do Ue Ala: Nde komiu me'aiwa mpo'ema pontisoke inso ndi Ongkue? A nee-Do i Ue anu tuwu, nahi Kubehe komiu mpo'ema pontiso inso ndi Ongkue, kanandiomo pau-Do Ue Ala.

Puu Mpobitara 1:1

Mansano mate i Yosua, mpesisikeno iramo to Isaraeli ndi Ondae i Ue, ”Isema ke anu i olo mami ta tese'elu umaropi ira to Kana'a mpe'iwaliako ira?”

Puu Mpobitara 20:18

Ka to Isaraeli melako i Beteli. I ra'ai mpesikeno ira ndi Ondae Ue Ala, ”Isemake anu inso ndi omami anu ta se'elu lumako metea umewai ira inuleno i Benami?” Sangki-Do i Ue, ”Suku Yehuda anu tese'elu.”

Puu Mpobitara 20:28

ka i Pinehasi anano i Eleasa anano i Haruni gagi sando mpesomba-Do Ue Ala tempo atuu. Dompotae, ”Da kami melako mbo'uke te pohonapo mpetea umewai ira inuleno i Benami, pepaekompomami atuu, ke kami mpenaa-naa?” Sangki-Do i Ue, ”Imelakomo, nde tisomo Aku meweengako ira ia ngkaemiu.”

1 Samueli 10:22

Onaemo pu'uno ka dompo'ema mbo'u pontiso ndi Ondae i Ue, ”Nde mia atuu hawe koa ke i ndi'ai?” Sumangki Ira i Ue, ”Kitao, onae mewuni i olono sangka anu hadio.”

1 Samueli 23:2

Ka i'amba i Daudi mo'ema pontiso ndi Ondae i Ue, ”Tewala Ipemoikoo, aku lumako meteaako ira to Pelisiti.” Dosangkio i Ue i Daudi, ”Lakomo peteaako ira to Pelisiti kumaduduio kota Kehila.”

1 Samueli 23:4

I Daudi mo'ema mbo'u pontiso ndi Ondae i Ue, onaemo ka Dosangkio. Pau-Do, ”Lakomo i Kehila, to Pelisiti atuu Aku meweengako ira a ngkaemu.”

1 Samueli 28:6

Ka i'amba i Saulu mo'ema pontiso ndi Ondae i Ue, sine nahi Dosangkio i Ue, maupo a mo'ipi, telalo a Urimi, ke a luwudo nabi.