1 Samueli 13:4 - Wunta Mempori

⁴ Luwudo to Isaraeli merongeo nine inangi iramo i Saulu puu mpeteado to Pelisiti anu mpodagai, onaemo to Pelisiti tedoa memosa'oako ira to Isaraeli. Ka i'amba palili mepinumpu ntepo'asa saru i Saulu i inia Giliga.

1 Samueli 13:4 ပူးပေါင်းရင်းမြစ်များ

Tegagia 34:30

I Yako motaeako ira i Simeo ka i Lewi, ”Isolangi akumo mokomosa'oo neeku a mpalilino wita andio, a nto Kana'a ka to Perisi, kahinaano luwuno miaku tedei koa. Tewala ntepo'asa ira me'ewai aku, manasa domenangi aku, ka aku pinepate, ongkue saru luwuno ihino rahaku.”

Tegagia 46:34

Omiu asalakono mesangki: Luwumami atamiu andio mpopekaria pinotuwu mompu'u kimengkodei hawe kanandio-andio, moiko omami maupo uempu'umami. Ba kanandio omiu moiko impo'ia i wita Gose.” Hangano luwuno puu mpopakambi bawaano bembe bimba onaemo asa anu minokoburuakodo to Masiri.

2 Samueli 10:6

Inuleno i Amoni dompokonto'orio nine tedoa do'o'aliako ira i Daudi, inuleno i Amoni montena mia montambo rua pulu nsowu sorodadu mpelempa karu inso a to Arami-Beti-Rehobo ka inso to Arami-Soba, asa nsowu mia inso a mokole wita Ma'aka ka hopulu ka orua nsowu inso i olodo to Tobi.

Peluarakoa 5:21

Ka do'amba motae ndi ondae, ”Po'ineomo Dokitao i Ue wineweumiu, ka humukukomiu hangano ipokomosa'oo nee mami i arono i Pirao ka a luwuno pegawaino, hangano kanarau, mengkenaomo ipoweeako ira ponai ka dompokoropu kami.”

Sakaria 11:8

I larono asa wula kuliahakono otolu puu mpopakambi. Ka i'amba nahi kupokompeteao mbo'u aroaku a asa bawaa bembe bimba atuu, ka ondae nte'osa iramo ndi ongkue.

Yosua 5:9

Mepau iramo i Ue ndi Yosua, ”Oleo andio Ku'oniniomo salamiu i wita Masiri.” Onaemo ka po'iangaamiu atuu nineeako Giliga ranta kanandio.

1 Samueli 10:8

Omue asalakono kometii i Giliga mese'elungi aku, penootio aku aiwa ndi omue mompesombaako pesomba tinunu ka pesomba tekaduduia. Asalakono komesikori opitu oleo ranta ka kuhawe ndi omue pauakomu hapa anu ta wineweumu.”

1 Samueli 27:12

Onaemo ka ipe'ala-alao i Akisi i Daudi, hangano ipewowoloo, ”Onae domemokoburuakonomo ntu'u to Isaraeli pe'asa tongkuno. Onae tamo gagi tetenaaku mpiha.”