1 Samueli 13:14 - Wunta Mempori

¹⁴ sine kanandio poparentaamu nahi ta mo'ia mpiha. Ondae i Ue Ira mo'ungke asa mia montonda po'eheno aroa-Do ka Dopotoroo gagi petewawa a bawaa-Do, hangano omue nahi upetenunu a petena anu Dotenaakomu i Ue,.”

1 Samueli 13:14 ပူးပေါင်းရင်းမြစ်များ

2 Samueli 5:2

I ndi'ipua itempono i Saulu meparenta ndi omami, omiumo anu metewawa a luwuno peleludo sorodadu to Isaraeli. Ondae i Ue mepau iramo ndi omue: Omiumo anu ta pakambi ira bawaa-Ku Isaraeli, ka omiumo anu ta gagi petewawado Isaraeli.”

2 Samueli 6:21

Sine ipotae i Daudi ndi Mikali, ”I aro-Do i Ue, anu laluaopo biniki aku sekono amamu ka luwuno somborino, ka tumiso aku gagi petewawado to Isaraeli, bawaa-Do i Ue; i aro-Do i Ue kupenari-nari,

2 Mokole 20:5

”Pekulemo ka pauakono i Hisikia, mokoledo bawaa-Ku: Kanandiomo pau-Do i Ue, Ue Alano i Daudi, ama mpu'umu: Kurongeomo pekakaimu ka Kukitaomo uwoi matamu. Menteeano Aku koa mokotompako. A oleo ko'otolu omue kolumako a raha-Do i Ue.

1 Tawarika 10:13

Kanandiomo mateno i Saulu, hangano nahi petenunu ndi Ondae i Ue, hangano nahi tondao pau-Do i Ue ka mesikeno mbo'u mo'ema pontiso a onituno mia mate,

Po'unde-unde 78:70

Dobinikio i Daudi, tetenaa-Do, Do'alao inso i olodo walano bawaa bembe bimba;

Powadi 27:24

Hangano, arataa nahi ta mo'ia mpiha ka ramba-ramba ulu nahi ta mapa'api-api inule.

Yesaya 39:5

Ka i'amba motae i Yesaya ndi Hisikia, ”Rongeomo pau-Do Ueno luwuakoano!

WINEWEUDO TINENA 13:22

Mansano liniahako i Saulu, Dopotoroo Ue Ala i Daudi gagi mokoledo. Mongkona i Daudi Dopokomengkaaomo Ue Ala: Kuhaweomo i Daudi anano i Isai, asa mia anu ineheno aroa-Ku ka anu weweuo luwuno po'ehe-Ku.

WINEWEUDO TINENA 7:46

I Daudi mohaweomo pompehohawa i aro-Do Ue Ala ka i'emao, ka i'ineheako mowangu aasa po'ianga-Do Ue Alano i Yako.

IBARANI 2:10

Hangano lano menunu saru teweweu-Do Ue Ala – ndi Ondae ka hangano Ondae luwuakoano pinokogagi –, onaemo Ondae Ue Ala anu mowawa hadio mia a marambaa, ka mokosompo Ira i Yesu, anu wawa ira a ntekaduduia, mesala a ntebobarasaia.

1 Samueli 15:23

Mo'ewai songka mengkena halano kana mia puu mpososa'ori. Nahi pomperorongeako mengkena kana mosaono mia mpelahumoa. Hangano omue umewaiomo pau-Do i Ue, omue nami Dotarimako mbo'u gagi mokole.”

1 Samueli 15:26

Sine ipotae i Semueli ndi Saulu, ”Nahi aku behe mbo'u merongaakomu, hangano omue u'ewaiomo pau-Do i Ue, nde Ondae i Ue mbo'u nami Dotarimako gagi mokoledo to Isaraeli.”

1 Samueli 15:28

Ka i'amba motae i Semueli ndi onae, ”Oleo andio Dokansao i Ue poparentaa Isaraeli inso ndi omue ka Doweeakono mia susua anu moikoopo sekono omue.

1 Samueli 16:1

Pau-Do i Ue ndi Semueli, ”Ranta hawe te'ipia masusano aroamu hangano i Saulu, ka hinaano lano nami Kubeheo gagi mokoledo to Isaraeli? Alaomo lana saitu kau ihiio tandu ponaapamu lana ka lakomo. Aku tumenako lumako ndi Isai to Beteleme, hangano i olodo luwuno anano, Kubinikiomo asa mia gagi mokoledo bawaa-Ku.”

1 Samueli 16:12

Ka i'amba i Isai montena mia lumako umalao. Kombisino mororontaha, matano tekosi ka montama koroino. Mepau Iramo i Ue, ”Pentademo urapio, nde onaemo andio mia bininiki-Ku.”

1 Samueli 2:30

Onaemo pu'uno, kanandio pau-Do i Ue, Ue Alado to Isaraeli, lano Kupauomo: Pe'asa rahamu ka inulemu, ira mpopekakaako gagi sando mpesomba i aro-Ku ranta nahina tampulaano. Sine kanandio-andio, kanandiomo pau-Do i Ue: Nahi Aku mokogagio kanatuu, hangano isema anu melangkai Aku Kupelangkaio, sine isema anu me'uru-uru Aku, nahi ta pinerio.

1 Samueli 24:20

Hinaoke mia anu mohawe iwalino, butu ipotolao ka ilako nahi pepateo? Ondae i Ue sumuloakono anu moiko ndi omue pompehohawamu ndi ongkue oleo andio.

1 Samueli 25:30

Tewala Dopokogagiomo i Ue luwuakoano anu moiko anu pinau-Do mongkona omiu, ka Dopokogagi komiumo mokoledo to Isaraeli,

1 Samueli 9:16

”Tisomo tempo kanandio, Aku mo'oliwi asa mia tama ndi omue inso i wita Benami. Mia atuu urapiomo ka igagi mokoledo bawaa-Ku Isaraeli. Onae ta kumadudui ira bawaa-Ku inso a ngkaedo to Pelisiti. Nde Kukitaomo marasaido bawaa-Ku atuu hangano peboolido haweomo ndi Ongkue.”