1 Samueli 13:13 - Wunta Mempori

¹³ Motae i Semueli ndi Saulu, ”Wineweumu andio tedoa benge-benge! Omue nahi upetenunu a songka-Do i Ue, Ue Alamu, anu Dopauakomu. Bakanaano Ondae i Ue Ira mokorosoo poparentaamu a nto Isaraeli ranta nahina tampulaano,

1 Samueli 13:13 ပူးပေါင်းရင်းမြစ်များ

Tegagia 31:28

Tendeano nahi upoweeakune tempo woo-woo ira anaku beine ka ana'ueku. Salaomo wineweumu.

2 Samueli 24:10

Sine me'o'oleomo i Daudi, mansano dumoa ira palili. Motae i Daudi ndi Ondae i Ue, ”Tedoa akumo tehala hangano kuweweuomo anu andio. Kanandio-andio, oo Ue, po'ineeomo ka Ipoko'olaio salano tetenaa-Miu, hangano moweweu akumo anu tedoa benge-benge.”

1 Mokole 18:18

Sumangki i Elia ndi onae, ”Komba ongkue anu sumolangi ira to Isaraeli, tendeano omue ka pe'etumu. Imebintaomo luwuno parenta-Do i Ue ka omue andio utonda iramo Ba'ala.

1 Mokole 21:20

Motae i Ahabi ndi Elia, ”Gagi uhawe akumo, hei iwaliku?” Sumangki, ”Lano kuhawekomo, hangano upe'ataomo karoimu moweweu anu mosa'o a pongkita-Do i Ue.

1 Tawarika 10:13

Kanandiomo mateno i Saulu, hangano nahi petenunu ndi Ondae i Ue, hangano nahi tondao pau-Do i Ue ka mesikeno mbo'u mo'ema pontiso a onituno mia mate,

2 Tawarika 16:9

Menteeano, mata-Do i Ue mensiroio asa wawontolino moweeako ira roso-Do ndi ondae anu moleo aroano ndi Ondae. Mongkona anu andio salaomo pelelumu, onaemo pu'uno mompu'u ka kandio-andio omue mo'ia mpiha a laro mpeteaa.”

2 Tawarika 19:2

Tempo atuu i Yehu anano i Hanani, puu mpongkita atuu, lumako tepohaweakono ka ipotae ndi mokole Yosapa, ”Pototono ke omiu tumulungio mia nahi perio Ira i Ue ka mesambe'eako ira anu umo'aliaako Ira i Ue? Hangano mongkona atuu Ondae i Ue tekuda ndi omiu.

Ayubi 34:18

Ondae anu mepau a mokole: Hei, mia moweweu mosa'o, a luwuno inuleno mokole: Hei mia mosa'o gauno;

Powadi 12:8

Sompo mia inunde-unde menunu saru pinewowolono anu molino, sine mia anu nahi montaso pinewowolono, ta pinokongkodei.

Powadi 19:3

Benge-bengeno onaeno mia atuu mokontesaao pesalaano, sine aroano tekuda ndi Ondae Ue.

Yesaya 39:5

Ka i'amba motae i Yesaya ndi Hisikia, ”Rongeomo pau-Do Ueno luwuakoano!

Yeremia 18:10

Sine tewala mpoweweu ira anu mosa'o i arono mata-Ku ka nahi domperorongeakono pau-Ku, asalakono me'o'ole Akumo hangano moikoa anu dinandi-Ku ka ipetii ndi ondae.

1 Samueli 1:22

Sine i Hana nahi petonda, ka ipotaeakono, tamano, ”Ambapo tewala tetoeomo mo'uo nana'ote atuu, ka ku'amba lumako wawao. Onae ta me'aro ndi Ondae i Ue ka ta mo'ia mpiha i ra'ai asa ntinuwuno.”

1 Samueli 13:12

kupewowoloo: ira me'aiwa to Pelisiti mensapoi aku i Giliga, kahinaano napi kupo'ema po'ehe-Do i Ue; onaemo ka kuperokuhi mompesombaako pesomba tinunu.”

1 Samueli 15:11

”Me'o'ole Aku motoroo i Saulu gagi mokole, hangano ipebungkui aku ka nahi tondao pau-Ku.” Mompemasusaomo i Semueli, onaemo ka ipekakai ndi Ondae i Ue asa wongi.

1 Samueli 15:22

Sine ipotae i Semueli, ”Nde Ira memoikoo i Ue pesomba tinunu ka pesomba sinumbele, mengkena kana momperorongeako pau-Do i Ue? Menteeano, moikoopo momperorongeako, sekonopo pesomba sinumbele, tumondao songka-Do, moikoopo sekono tabano bimba laki.

1 Samueli 15:28

Ka i'amba motae i Semueli ndi onae, ”Oleo andio Dokansao i Ue poparentaa Isaraeli inso ndi omue ka Doweeakono mia susua anu moikoopo sekono omue.

1 Samueli 16:1

Pau-Do i Ue ndi Semueli, ”Ranta hawe te'ipia masusano aroamu hangano i Saulu, ka hinaano lano nami Kubeheo gagi mokoledo to Isaraeli? Alaomo lana saitu kau ihiio tandu ponaapamu lana ka lakomo. Aku tumenako lumako ndi Isai to Beteleme, hangano i olodo luwuno anano, Kubinikiomo asa mia gagi mokoledo bawaa-Ku.”

1 Samueli 26:21

Motaeomo i Saulu, ”Tehala akumo. Pekulemo anaku Daudi. Nami aku moweweu mosa'o mbo'u ndi omue, hangano oleo andio penaaku mentudu ndi omue. Lano, moweweukomo anu nahi mentee ka sala pompewowolo akumo.”