1 Samueli 12:3 - Wunta Mempori

³ I ndi'ai mentade aku. Tewala hinao salaku ndi omiu imempauomo i aro-Do i Ue ka i arono mia anu bininiki-Do. Ba hinao sapimiu inalaku, ke kalideno isema inalaku, ke isema pinokonsiiku, ke isema pino'emaiku, ke a ngkaeno isema kupontarima pompowee nahi moleo? Aku mokuleakomiu.”

1 Samueli 12:3 ပူးပေါင်းရင်းမြစ်များ

2 Samueli 22:22

hangano kutondao mpiha sala-Do i Ue ka nahi ku'olai inso ndi Ondae Ue Alaku kana mia mosa'o gauno.

Nehemia 5:11

Oleo mbo'u andio pokuleako iramo bonde, lere anggoro, lere saitu ka rahado. Pasuado mbo'u imempahihiomo, onaemo doi saru gandu, anggoro ka lana anu pinesaboakomiu ndi ondae!”

Po'unde-unde 15:5

anu nahi pompesaboako doino saru mongkaa tiangino ka nahi pontarima pompowee nahi pototono umewaio mia anu nahina salano. Isema moweweu kanatuu, nahi ta telelu ranta nahina tampulaano.

Peluarakoa 20:17

Si mosisiriakono rahano pe'asa miamu, si mosisiriakono kombiano, atano tama, ke beine, sapino ke kalideno, ke hapamokoa anu hinao a mpe'asa miamu.”

Peluarakoa 22:4

Tewala anu pinonakono atuu sapi, kalide ke bimba, da hinawe ndi onae ka da tuwu, asalakono i'euo meluka orua.

Peluarakoa 23:8

Si pontarima pompowee nahi moleo, hangano pompowee nahi moleo mompokomorawu ka maupo molino pongkitano, iposuleo kara-karano mia anu mentee.

Powadi 15:27

Isema modokoako me'uraa wongi-wongi, mokomarisuo somborino, sine isema umo'aliaakono pompowee nahi pototono ta tuwu.

Imama 6:4

tewala kanandio ipoweweu hala ka isaala, asalakono ipokuleo sangka anu umari rinontuno ke anu pinoro'ino ke anu pine'ala-alaako ndi onaeke sangka tetadi anu hinaweno atuu,

Imama 6:5

ke luwuakoano anu hinapuno ka ipesumpa megaupi. Asalakono i'owahio euno buke saru metiangi asantia olima ka ipeweengakono ia ueno a oleo ipompesombaako pesomba pontolosi saalano.

Podoaa 16:15

I Musa tekudaomo ntu'u ka ipepau ndi Ondae i Ue, ”Siimo Iperioo pesombado. Napi kuhori mo'ala maupo te'asa kalide inso ndi ondae, ka napi kuhori moweweu anu mosa'o maupo ia asa mia inso i olodo.”

I MATIU 22:21

mesangki ira, ”Gambara ka binurido i Datu.” Ka Do'amba i Yesu motaeako ira, ”Peweengakonomo a Datu hapa anu asalakono komiu mpoweeakono a Datu ka ndi Ondae Ue Ala anu asalakono komiu mpeweengakono ndi Ondae Ue Ala.”

I LUKASI 19:8

Sine i Sakeu mentade ka ipotae ndi Ondae i Ue, ”Ue, entonga inso a arataaku aku weeako ira mia mongkokolaro ka ba mansa hinao anu rinontuku inso a mia te'asa aku mokuleo meluka pepanto.”

WINEWEUDO TINENA 20:33

Salaka ke wulaa ke sangka nahi kuhori mosisiriakono maupo inso ndi semamo koa.

2 KORINTI 12:14

Menteeano kanandio-andio kopentolunomo kupepatinda aku aiwa tepohaweakomiu, ka nahi aku gagi aasa pokomasusamiu. Hangano komba arataamiu anu inungkeku, tendeano omiu isa'a. Hangano komba nana'ote anu asalakono mopumpu arataa tiano mia mota'uno, tendeano mia mota'u tiado anano.

Winali 16:19

Si mpoposule moleoa kasi mpobiniki mia. Osi'i mbo'u impotarima pompowee nahi moleo, hangano pompowee nahi moleo mokomorawuo matano mia pande mompewowolo ka momposule kara-karano mia mentee.

1 TESALONIKA 2:10

Omiumo sakosii, kanatuukoa mbo'u Ondae Ue Ala, ba kana'umpe memporino, moleono ka nahina tataano kimpelelu i olomiu, anu mpompe'ala-ala.

1 TESALONIKA 2:5

Hangano nahi kimehori mpo'o'ahiti – mongkona atuu imento'orio – ka komba hori hina tinoomami medokoli anu tewuni – Ondae Ue Ala sakosii –

1 PETURU 5:2

Impakambi iramo bawaano bimba-Do Ue Ala anu kongko ndi omiu, si komba hangano dinada, sine inso ntu'u i aroamiu menunu saru po'ehe-Do Ue Ala, ka si hangano inehemiu mpo'ungke me'uraa, sine a mawongkono aroamiu.

1 Samueli 10:1

Ka i'amba i Semueli umalao pido kodei me'ihi lana ka isiwuiakono a uluno i Saulu. Iwoo-wooo i Saulu ka ipotae, ”Ondae i Ue anu umurapiko gagi mokole a bawaa-Do Isaraeli. Omue gagi mokole a bawaa-Do i Ue ka omue anu ta motola ira inso a ngkaedo luwuno iwalido a mpetengi-tengino. Ndiomo tondonino nine Ondae i Ue umari Iramo umurapiko gagi mokole a bawaa-Do:

1 Samueli 12:4

Mesangki ira, ”Omiu, nahi pokonsii kami ka nahi po'emai kami. Nahina hapa-hapa tinarimamiu inso a ngkaeno isemamokoa.”

1 Samueli 12:5

Ka i'amba motaeako ira, ”Ondaemo i Ue ka mia bininiki-Do gagi sakosii ndi omiu oleo andio, nine nahina impohawe salaku ndi omiu.” Mesangki ira, ”Ondaemo gagi sakosii.”

1 Samueli 2:35

Aku motoroo asa sando mpesomba anu metenunu ka melelu menunu kana po'eheno aroa-Ku ka sumanga-Ku. Aku mokohadioo inuleno anu mpetenunu ka mentuwu i arono mia inurapi-Ku.

1 Samueli 24:11

Oleo andio ikitaakonomo matamiu nine oleo andio Ondae i Ue meweenga komiu a ngkaeku i laro ngkunepo atuu. ’Hinao mia tumena aku mepate komiu, sine kupehohawa komiu, hangano kupewowoloo, nahi aku motiio kaeku umewai ira ueku, hangano ondaemo mia anu inurapi-Do i Ue.’

1 Samueli 24:6

Sine umarino atuu, i Daudi wali me'o'ole hangano iseseio untuno lemba meloeno i Saulu.

1 Samueli 24:7

Ipotaeako ira miano, ”Po'ineeomo Ondae i Ue ka Dopoko'olaiakune woweweu anu andio, kasi kupotiio kaeku umewaio mia anu inurapi-Do i Ue! Hangano onaemo mia anu inurapi-Do i Ue.”

1 Samueli 26:11

A nee-Do i Ue, nahi aku motiio kaeku a mia inurapi-Do i Ue. Kanandio-andio alaomo kansai umpeda i uluno atuu ka ponaapa uwoi, ka aiwamo tomelako.”

1 Samueli 26:9

Sine ipotae i Daudi ndi Abisai, ”Si pepateo, hangano isema anu mompepate mia inurapi-Do i Ue asalakono mohawe pohuku.”