1 Samueli 12:17 - Wunta Mempori

¹⁷ Nde komba tempo konsowia gandu ke kanandio-andio? Aku mebooli ndi Ondae i Ue, ka Dopompotii rundu ka usa. Kitao, ka imento'oriomo tedoa langkai mosa'ono wineweumiu i aro-Do i Ue, kai mpo'ema mokolemiu.”

1 Samueli 12:17 ပူးပေါင်းရင်းမြစ်များ

Po'unde-unde 99:6

I Musa ka i Haruni tewinso sando mpesomba-Do, ka i Semueli tewinso mia anu mebooliakono nee-Do. Mpebooli ira ndi Ondae i Ue ka Dosangki ira.

Peluarakoa 32:30

Tisomono motaeomo i Musa a tongku atuu, ”Mpoweweu komiumo hala langkai. Kanandio-andio aku mewuatako me'aro ndi Ondae i Ue. To pomperorohimokoa ka kupokompo'ema pesintuwua a hala miu atuu.”

Powadi 26:1

Kana seru baku i tempono motu'i-tu'i ka usa i tempono konsowia, kanatuu koa mbo'u pompelangkai nahi tekona a mia monge-monge.

Yeremia 15:1

Mepau Iramo i Ue ndi ongkue, ”Maupo i Musa ka i Semueli mentade i aro-Ku, aroa-Ku nahi ta mepokule a tongku andio. Saari iramo inso i aro-Ku ka domelako!

Yosua 10:12

Mepauomo i Yosua ndi Ondae i Ue, a oleo Dopeweengakono i Ue to Amori a nto Isaraeli. Mepauomo i arodo to Isaraeli, ”Mata oleo, penaa-naamo i wawono Gibeo, ka omue wula i wawono lembono Ayalo!”

1 Samueli 12:13

Kanandio-andio, ndiomo mokole anu bininiki ka inemamiu. Menteeano Ondae i Ue mompotoro Iramo mokolemiu.

1 Samueli 12:19

Luwuno tongku atuu mpotaeakono i Semueli, ”Ipekakaia kami luwuno tetenaamiu andio ndi Ondae i Ue, Ue Alamiu, kasi kimemate nde hangano mpo'ema kami mokole mami, kimentiangiakonomo wineweu mosa'o andio hala mami.”

1 Samueli 2:10

Mia anu umewai Ira i Ue, ta pinoko tampula; hangano ondae, ka Dotekuda kana rundu i langi. Ondae i Ue pabawaio asa wawontolino andio; Ondae moweeakono roso a mokole anu bininiki-Do, ka moweeakono pabawa a mia anu inurapi-Do.”

1 Samueli 7:5

Ka i'amba motae i Semueli, ”Pumpu ira luwudo to Isaraeli i Misipa. Aku mekakaiakomiu ndi Ondae i Ue.”

1 Samueli 8:6

Sine masusa aroano i Semueli rumongeo po'emado, ”Ipoweeakami asa mokole anu moparenta ndi omami.” Onaemo ka ipekakai i Semueli ndi Ondae i Ue.

1 Samueli 8:7

Pau-Do i Ue ndi Semueli, ”Tondaako ira po'ehedo palili luwuno anu domempauakomu. Komba omue anu nahi domentarimako, sine Ongkue kasi Kugagi mbo'u mokoledo.