1 Samueli 11:15 - Wunta Mempori

¹⁵ Luwuno tongku atuu melako i Giliga. I ra'ai dompotoroo i Saulu gagi mokole i aro-Do i Ue. Ka i ra'ai dompopesombaako pesomba tekaduduia ndi Ondae i Ue. I ra'ai i Saulu saru luwuno to Isaraeli tedoa memawongko.

1 Samueli 11:15 ပူးပေါင်းရင်းမြစ်များ

2 Samueli 19:15

Mekule iramo mokole ka dohawe i Koro Yarade. Kontongaano atuu to Yehuda melako i Giliga tumutowo ira mokole ka dumagai ira sumakio Koro Yarade.

Peluarakoa 24:5

Ka i'amba tumena ira mia mongura inso a tongku Isaraeli, ka dompopesombaako pesomba tinunu ka mposumbele ba te'opia sapi laki gagi pesomba tekaduduia ndi Ondae i Ue

YAKOBU 4:16

Sine kanandio-andio mpehamba-hamba komiu a laro pompelangka-langkaimiu, ka luwuno pehamba-hamba anu kanandio saala.

1 Samueli 10:17

I Semueli moboi ira palili mpepumpu i aro-Do i Ue i Misipa.

1 Samueli 10:24

Ipotaeako ira i Semueli luwuno tongku atuu. ”Imengkitaomo mia anu bininiki-Do i Ue atuu? Nahina kana onae a luwuno tongku andio.” Mpebooli iramo tongku atuu, ”Hio! Tuwu mokole.”

1 Samueli 10:8

Omue asalakono kometii i Giliga mese'elungi aku, penootio aku aiwa ndi omue mompesombaako pesomba tinunu ka pesomba tekaduduia. Asalakono komesikori opitu oleo ranta ka kuhawe ndi omue pauakomu hapa anu ta wineweumu.”

1 Samueli 12:1

Ipotae i Semueli a luwudo to Isaraeli, ”Kurongeomo luwu anu pinaumiu ndi ongkue. Kupotoroomo asa mokole ndi omiu.

1 Samueli 12:17

Nde komba tempo konsowia gandu ke kanandio-andio? Aku mebooli ndi Ondae i Ue, ka Dopompotii rundu ka usa. Kitao, ka imento'oriomo tedoa langkai mosa'ono wineweumiu i aro-Do i Ue, kai mpo'ema mokolemiu.”

1 Samueli 8:19

Sine nahi domperorongeakono palili pinauno i Semueli ka dompotae, ”Naahi, asalakono kai hina mokole ndi omami,