1 Samueli 11:11 - Wunta Mempori

¹¹ Tisomono i Saulu tumiao palili gagi otolu ntia. Umpeda meene, dompewinsokio pekemaado iwali ka napi ntonga oleo donangi iramo to Amoni. Luwuno mia anu tola ntesiarawo ka nahina molai nte'o'orua mia.

1 Samueli 11:11 ပူးပေါင်းရင်းမြစ်များ

Tegagia 22:14

I Burahima numeeakono po'ianga atuu, ”Ondae i Ue mompatinda,” kana dompotae mia hawe kanandio-andio, ”A wawo ntorukuno-Do i Ue, ta pinatinda.”

2 Samueli 18:2

Ka i'amba i Daudi tumena ira sorodaduno melako mpetea, tia otoluno, petewawado i Yoabi, tia otoluno, petewawado i Abisai anano i Seruya, uaino i Yoabi, ka tia otoluno mbo'u, petewawado i Itai, to Gati. Ka i'amba mokole motaeako ira sorodaduno, ”Ongkue mbo'u aku lumako merongaakomiu.”

Po'unde-unde 46:1

Tiano petewawa anu mpenani. Inso a inuleno i Kora. Saru nanino Alamoti. Penani.

Peluarakoa 14:24

Mansano umpeda meene, Ondae i Ue anu a tondonino api ka a nseru atuu mensiroi ira sorodadudo to Masiri, ka Dosiarawo ira.

I MATIU 7:2

Hangano kana koa pobitaramiu, kanatuu koa mbo'u komiu mebinitara ka kana koa ponsa'umiu, onae koa mbo'u komiu mensina'uako.

YAKOBU 2:13

Hangano pebitaraa anu nahina pompehohawa ta gagi a mia anu nahi pompehohawa. Sine ta monangi pompehohawa a mpebitaraa.

Puu Mpobitara 1:7

Motae i Adoni-Bese, ”Hinao pitupulu mokole anu tinotopi ine ntoniso kaeno saru ine ntoniso karuno. Mpobini ira toreano kaanga a ntoto medaku; kanamo anu wineweuku, kanandiomo Dosulooakune i Ue Ala ndi ongkue.” Ka do'amba mewawao i Yerusale, ka imate i ra'ai.

Puu Mpobitara 4:16

Ilulu ira i Bara kareta ka sorodaduno atuu hawe i Harose-Hagoi, ka luwuno sorodaduno i Sisera memateako hangano mata mponai; nahina anu tuwu mau te'asa mia.

Puu Mpobitara 7:16

Itia ira mia anu otolu etu atuu gagi otolu ntia puu mpetea, ka ipoweeako ira tawuwua ka kusi mooa saru pansona i larono kusi atuu.

Puu Mpobitara 7:20

Kanatuumo otolu ntia puu mpetea atuu mempuurio tawuwua ka mempehao kusi, manggalido mpo'ini pansona ka ikoanado tawuwua anu ta pinuuri, ka dompebooli, ”Ponai a nee-Do i Ue, ka a neeno i Gideo!”

Puu Mpobitara 9:43

iwawa ira palilino, itia ira otolu ntia puu mpetea, ka dompontowoki i lere. Mansano kumita ira mia atuu mpeluarako inso i kota, lumakoomo sumapoio ka ipepate ira.

1 Samueli 11:2

Sine ipotae i Nahasi to Amoni atuu ndi ondae, ”Moiko tompooweweu pedandia, sine sompo mia, mata ngkoanano aku gumogoio. Bakanandio aku moweweuako ira tataano luwudo to Isaraeli.”

1 Samueli 14:47

Mansano i Saulu pinotoro gagi mokoledo to Isaraeli, ipeteaako ira luwu iwalino sompo po'ianga to Moabi, inuleno i Amoni, i Edomi, luwuno mokole wita Soba ka to Pelisiti. Maupo isua ilako metea, asalakono monangi.