1 Samueli 10:3 - Wunta Mempori

³ Inso i ra'ai pelempa mpiha ranta kau hawe a pu'u ngkeu tarabanti i Tabori. I ra'ai kotepohaweakono otolu ira tama anu melako mpowawa pesomba ndi Ondae Ue Ala i Beteli. Asa mia mowawa otolu ana bembe, asa mia mowawa otulu roti ka asa mia mowawa asa kadu anggoro.

1 Samueli 10:3 ပူးပေါင်းရင်းမြစ်များ

Tegagia 28:19

Ineeakono po'ianga atuu Beteli, sekono i ndi'ipua neeno kota atuu Lusi.

Tegagia 28:22

Watu anu kupontadeo gagi tugu andio ta gagi raha-Do Ue Ala. Inso a luwuakoano anu iweeakune aku wela mesombaakono asa ntia hopulu ndi Omiu.”

Tegagia 35:1

Ondae Ue Ala mepau ndi Yako, ”Pepatindamo, lakomo i Beteli, po'iamo i ra'ai. Weweuomo i ra'ai meda pontunua pesomba ndi Ondae Ue Ala, anu mepopokita Iramo ndi omue, tempono upolai inso ndi Esau, pepaekompomu.”

Tegagia 35:3

Aiwamo tompepatinda ka melako i Beteli. Aku moweweu meda pontunua pesomba ndi Ondae Ue Ala i ra'ai anu sumangki akumo i tempono pompema'isoku ka anu kumongkomi akumo a nsala anu tinondaku.”

Po'unde-unde 89:12

Omiu koa me'ueo langi, Omiu koa mbo'u me'ueo tolino, wawontolino saru ihino Omiu koa mokogagio.

Yeremia 32:8

Menunu saru pau-Do i Ue atuu, haweomo i Haname'eli, anado maamaku ndi ongkue a kintala podagaia, ka motae: ’Oliomo lereku anu i Anatoti i wita Benami atuu, hangano omuemo anu hinao pabawa mompe'ue ka pabawa montolosi; oliomo atuu!’ Onaemo ka kuto'orio, nine onaemo atuu pau-Do i Ue.

Imama 1:10

Tewala pesombano anu tinunu inso a asa bawaa bembe bimba, moiko atuu bembe ke bimba, asalakono ipesombaakono anu lakino ka nahina tataano.

Imama 23:13

ka pesomba kaanga onaemo orua ntia hopulu efa tarigu moiko ntu'u, sinaloako lana gagi pesomba anu tinunu ndi Ondae i Ue, asa woono anu mompokomawongko, saru pesomba tinawa, onaemo asa ntia opaa hini anggoro.

Imama 3:12

Tewala pesombano asa bembe, asalakono iwawao i arodo i Ue.

Imama 3:6

Tewala pesombano ndi Ondae i Ue, pesomba tekaduduia onaemo asa bawaa bembe bimba, lakino ke waino, asalakono ipesombaakono anu nahina tataano.

Imama 7:13

Asalakono ipesombaakono mbo'u pesombano atuu saru roti bonggoli anu meragi, saru pesomba mawongko anu gagi pesomba tekaduduiano.

Yosua 19:12

Inso i Saridi tida atuu mepokule i sabaano oleo, lumaloo wita Kisilo-Tabora, tetutu i Dobora, morake lako i Yapia;

Yosua 19:22

Tida wita atuu tepohawe i Tabori, Sahasima ka Beti-Seme ka tida witado metompaako i Koro Yarade; hopulu ka onoo kota ka luwuno iniano.

Puu Mpobitara 20:18

Ka to Isaraeli melako i Beteli. I ra'ai mpesikeno ira ndi Ondae Ue Ala, ”Isemake anu inso ndi omami anu ta se'elu lumako metea umewai ira inuleno i Benami?” Sangki-Do i Ue, ”Suku Yehuda anu tese'elu.”

Puu Mpobitara 20:23

Ka do'amba melako to Isaraeli, ka mpengese i aro-Do i Ue hawe ngkiniwia, umari atuu mpesikeno ira ndi Ondae i Ue, ”Ba kami melako mbo'u ke mpetea umewai ira inuleno i Benami, pepaekompomami atuu?” Sangki-Do i Ue, ”Imelakomo umewai ira.”

Puu Mpobitara 20:27

Mpesikeno ira to Isaraeli ndi Ondae i Ue. Tempo atuu kongko i ra'ai Burua Pedandia-Do Ue Ala,

Puu Mpobitara 4:12

Mansano pinaleleako i Sisera, motae i Bara anano i Abinoa lumako i torukuno Tabo,

Puu Mpobitara 4:6

Metenaomo moboio i Bara anano i Abinoa inso i Kadesi i wita Napatali, ka ipotaeakono, ”Nde Ondae i Ue, Ue Alado to Isaraeli, meparenta kanandio: Imelakomo i torukuno Tabori wawa ira hopulu nsowu mia inuleno i Napatali ka inuleno i Sebulo merongaakomu,

Puu Mpobitara 8:18

Ka i'amba mesikeno ndi Sebaha ka ndi Salamuna, ”Kana'umpe ira mia anu pinepate miu i Tabori atuu?” Mesangki ira, ”Mia atuudo kana omue, mengkana ira anano mokole.”

1 Samueli 10:4

Ira mpetabe ndi omue ka ira mpoweeakomu orua roti anu kotumarimao inso ndi ondae.