1 Samueli 10:22 - Wunta Mempori

²² Onaemo pu'uno ka dompo'ema mbo'u pontiso ndi Ondae i Ue, ”Nde mia atuu hawe koa ke i ndi'ai?” Sumangki Ira i Ue, ”Kitao, onae mewuni i olono sangka anu hadio.”

1 Samueli 10:22 ပူးပေါင်းရင်းမြစ်များ

Tegagia 25:22

Sine anano a laro mpe'anakaano mambe ewa, ka ipotae, ”Tewala kanandio, tembio ka kupembasaio anu kanandio?” Ka i'amba lumako mesikeno ndi Ondae i Ue.

2 Samueli 2:1

Ba'opia tempo lembuino, i Daudi mo'ema pontiso ndi Ondae i Ue, ”Asalakono aku lumako ke a aasa kota i Yehuda?” Pau-Do i Ue ndi onae, ”Lakomo.” Motaeomo i Daudi, ”Isuake asalakono ba kulako?” Pau-Do, ”i Heberoni.”

2 Samueli 21:1

Tempono poparentaano i Daudi gagiomo mokoninggoa otolu nta'u metonda-tonda tehineno, ka i'amba i Daudi lumako mompesikenoako pontiso-Do i Ue. Mepau Iramo i Ue, ”Mongkona pasua rea hinao ndi Saulu ka somborino, hangano ipepate iramo to Gibeo.”

Podoaa 27:21

Asalakono ka ipentade i arono sando mpesomba Eleasa, ka ipesikenoakono i Eleasa pomputusi molalo Urimi i aro-Do i Ue. A mpetenano i Yosua saru luwudo to Isaraeli, luwuno bawaa atuu, ira mpelungka ka a mpetenano ira mpekule.”

I LUKASI 14:11

Hangano ba isema melangkaio koroino, onae ta pinokongkodei a ba isema me'urumako, onae ta pinelangkai.”

Puu Mpobitara 1:1

Mansano mate i Yosua, mpesisikeno iramo to Isaraeli ndi Ondae i Ue, ”Isema ke anu i olo mami ta tese'elu umaropi ira to Kana'a mpe'iwaliako ira?”

Puu Mpobitara 20:18

Ka to Isaraeli melako i Beteli. I ra'ai mpesikeno ira ndi Ondae Ue Ala, ”Isemake anu inso ndi omami anu ta se'elu lumako metea umewai ira inuleno i Benami?” Sangki-Do i Ue, ”Suku Yehuda anu tese'elu.”

Puu Mpobitara 20:23

Ka do'amba melako to Isaraeli, ka mpengese i aro-Do i Ue hawe ngkiniwia, umari atuu mpesikeno ira ndi Ondae i Ue, ”Ba kami melako mbo'u ke mpetea umewai ira inuleno i Benami, pepaekompomami atuu?” Sangki-Do i Ue, ”Imelakomo umewai ira.”

Puu Mpobitara 20:28

ka i Pinehasi anano i Eleasa anano i Haruni gagi sando mpesomba-Do Ue Ala tempo atuu. Dompotae, ”Da kami melako mbo'uke te pohonapo mpetea umewai ira inuleno i Benami, pepaekompomami atuu, ke kami mpenaa-naa?” Sangki-Do i Ue, ”Imelakomo, nde tisomo Aku meweengako ira ia ngkaemiu.”

1 Samueli 10:21

Itena ira suku Benami mpentade i arono montonda pepe'etuado, ka pepe'etuano i Matiri anu kona undi, ka i'amba undi pokotompa kona ndi Saulu anano i Kisi. Sine mansano inungke, nahi hinawe.

1 Samueli 14:37

I Saulu mo'ema pontiso-Do Ue Ala, ipotae, ”Tewala ipeweengako ira to Pelisiti a ngkaedo to Isaraeli, ba Ipemoikoo aku lumulu ira wongi andio.” Sine i oleo atuu nahi Dosangkio i Saulu.

1 Samueli 15:17

Motae i Semueli, ”Maupo ukodei potaeno aroamu, komba omue ke petewawado to Isaraeli? Omue umariomo Do'urapiko i Ue gagi mokoledo to Isaraeli.

1 Samueli 22:10

Onae mo'emaakono i Daudi pontiso ndi Ondae i Ue, ka moweeakono bakuno, ka ponaino i Golia, to Pelisiti atuu iweeakono.”

1 Samueli 23:9

Mansano tumo'orio i Daudi tinoono i Saulu anu mosa'o ndi onae, ipotaeakono sando mpesomba i Abiata, ”Wawao epo atuu i ndi'ai.”

1 Samueli 30:7

Ka i'amba i Daudi parentao sando mpesomba Abiata anano i Ahimele, ipotae, ”Wawaomo epo ndi ongkue.” Iwawaomo i Abiata epo ndi Daudi.

1 Samueli 30:8

Ka i'amba i Daudi mo'ema pontiso ndi Ondae i Ue, ipotae, ”Asalakono aku lumulu ira ke mia memosa'o atuu? Nde da aku koa humawe ira ke?” Mepau Ira i Ue ndi onae, ”Lulu iramo, hangano menteeano kohumawe ira ka motola ira luwuno tinawa.”

1 Samueli 9:21

Sumangki i Saulu, ”Ongkue andio to Benami, tongku anu lalu kodei i Isaraeli, omami anu mpepe'etu anu lalu tedei inso a luwuno to Benami. Tembio ka ipotae kanatuu ndi ongkue?”