1 Samueli 10:1 - Wunta Mempori

¹ Ka i'amba i Semueli umalao pido kodei me'ihi lana ka isiwuiakono a uluno i Saulu. Iwoo-wooo i Saulu ka ipotae, ”Ondae i Ue anu umurapiko gagi mokole a bawaa-Do Isaraeli. Omue gagi mokole a bawaa-Do i Ue ka omue anu ta motola ira inso a ngkaedo luwuno iwalido a mpetengi-tengino. Ndiomo tondonino nine Ondae i Ue umari Iramo umurapiko gagi mokole a bawaa-Do:

1 Samueli 10:1 ပူးပေါင်းရင်းမြစ်များ

2 Samueli 1:14

Motae i Daudi ndi onae, ”Kana'umpe ka nahi udoito tumandeo kaemu mepateo mia anu inurapi-Do i Ue?”

2 Samueli 19:39

Ka do'amba luwuno palili mensakio Koro Yarade. Ondae mbo'u mokole sumaki umarido woo-wooo i Barisilai ka dopetompa ndi onae. Ka i'amba i Barisilai mekule a mpo'iangano.

2 Samueli 20:19

hapa anu domempakosiomo mia anu mpetenunu i Isaraeli! Sine omue andio montoo mokoropuo aasa kota, tamoako lahi aasa kota tedoa moiko i Isaraeli. Tembio kau mingki mokoropuo luwu tia pusaka-Do i Ue?”

2 Samueli 5:2

I ndi'ipua itempono i Saulu meparenta ndi omami, omiumo anu metewawa a luwuno peleludo sorodadu to Isaraeli. Ondae i Ue mepau iramo ndi omue: Omiumo anu ta pakambi ira bawaa-Ku Isaraeli, ka omiumo anu ta gagi petewawado Isaraeli.”

1 Mokole 1:34

Sando mpesomba i Sadoki ka i nabi Nata asalakono umurapio i ra'ai gagi mokoledo to Isaraeli. Ka i'amba asalakono imempuurio tawuwua ka mpebooli: Tuwu komiu mokole Salomo!

1 Mokole 19:18

Sine Aku mobinta pitu nsowu mia i Isaraeli, luwuno mia anu nahi penggolontuu mesombaio ka nahi wowooo i Ba'ala.”

2 Mokole 20:5

”Pekulemo ka pauakono i Hisikia, mokoledo bawaa-Ku: Kanandiomo pau-Do i Ue, Ue Alano i Daudi, ama mpu'umu: Kurongeomo pekakaimu ka Kukitaomo uwoi matamu. Menteeano Aku koa mokotompako. A oleo ko'otolu omue kolumako a raha-Do i Ue.

2 Mokole 9:1

Nabi Elisa moboio asa mia inso i olono bawaado nabi ka ipotaeakono, ”Peboo ntongamo, wawaomo pido-pido lana andio ka lakomo i Ramoti-Gileadi.

2 Mokole 9:12

Sine mpotae ira, ”Gaupimiu! Tutuluomo ndi omami!” Ka i'amba motae, ”Kanandio pinauno ndi ongkue: Kanandiomo pau-Do i Ue: Ku'urapikomo gagi mokole a nto Isaraeli!”

Po'unde-unde 135:4

Hangano, Ondae i Ue Dobinikiomo i Yako tia-Do, to Isaraeli gagi mia-Do anu pinehohawa-Do.

Po'unde-unde 2:12

Woo-wooomo nana'ote! Ka si mansa Dotekuda ka imemate a nsala, hangano moruana ntu'u itensila tekuda-Do. Me'uraomo luwuno mia anu mepekadudui ndi Ondae!

Po'unde-unde 78:71

inso a mpo'iangado bimba anu mpompo'uo Dowawao ka ipakambio i Yako, bawaa-Do, ka Isaraeli mia-Do.

Peluarakoa 30:23

”Alaomo rampa-rampa anu tebiniki, mire me'uwoi lima etu sikala, keu mo'ahi woono entongano, rua etu ka lima pulu sikala, ka rampalemo anu lalu mo'ahi woono, rua etu ka lima pulu sikala,

Yeremia 10:16

Komba kanatuu Ondae anu gagi Tiano i Yako, hangano Ondaemo anu weweuo luwuakoano, ka Isaraeli onaemo suku pine'ue-Do; Ueno luwuakoano, onaemo nee-Do!

Yehesikieli 16:13

Kanatuumo omue rumamba-rambaakono koroimu wulaa ka salaka. Sangkamu lena alusu, sabe, ka sawu mesora-sora. Kaangamu inso a ntarigu moiko ntu'u, siu hoani, ka lana. Omue gagi tedoa tekosi ranta tekona gagi mokole beine.

Hosea 13:2

Maupo kanandio-andio tepahe ira ntehala, ka moweweu tiano koroino tinaha tinawa inso a nsalaka saru luwuno lahumoa, montonda saru ponto'orido; luwuno atuu wineweudo mia mpande mpoweweu. Pesombaakonomo pesomba ndi ondae!, paudo mia. Moikoomo mia woo-wooo ana nsapi!

WINEWEUDO TINENA 13:21

Ka do'amba mpo'ema aasa mokole ka Ondae Ue Ala weeako ira i Saulu anano i Kisi inso a nsuku Benami, pato pulu nta'u tehineno.

Winali 32:9

Sine tia-Do i Ue onaemo bawaa-Do, i Yako onaemo tia-Do pusaka anu pinakosi-Do.

1 TESALONIKA 5:26

Impohaweakono pewoo-woo anu mempori tabeamami a luwuno pepaekompo.

IBARANI 2:10

Hangano lano menunu saru teweweu-Do Ue Ala – ndi Ondae ka hangano Ondae luwuakoano pinokogagi –, onaemo Ondae Ue Ala anu mowawa hadio mia a marambaa, ka mokosompo Ira i Yesu, anu wawa ira a ntekaduduia, mesala a ntebobarasaia.

MENGKAAA 5:8

Tempono Do'alao paluluno wunta atuu, mpenggolontu iramo opaa anu tuwu ka ruapulu ka opaa mia mempinemota'u i aro-Do Ana Bimba atuu, singge mia mo'ini aasa katapi ka aasa tonde wulaa, bukeako dupa: onaemo atuu pekakaido mia mempori.

1 Samueli 12:3

I ndi'ai mentade aku. Tewala hinao salaku ndi omiu imempauomo i aro-Do i Ue ka i arono mia anu bininiki-Do. Ba hinao sapimiu inalaku, ke kalideno isema inalaku, ke isema pinokonsiiku, ke isema pino'emaiku, ke a ngkaeno isema kupontarima pompowee nahi moleo? Aku mokuleakomiu.”

1 Samueli 13:14

sine kanandio poparentaamu nahi ta mo'ia mpiha. Ondae i Ue Ira mo'ungke asa mia montonda po'eheno aroa-Do ka Dopotoroo gagi petewawa a bawaa-Do, hangano omue nahi upetenunu a petena anu Dotenaakomu i Ue,.”

1 Samueli 15:1

Motae i Semueli ndi Saulu, ”Ongkue Dotena akumo i Ue umurapiko gagi mokoledo to Isaraeli bawaa-Do. Gagi, perorongeakono pau-Do i Ue.

1 Samueli 15:17

Motae i Semueli, ”Maupo ukodei potaeno aroamu, komba omue ke petewawado to Isaraeli? Omue umariomo Do'urapiko i Ue gagi mokoledo to Isaraeli.

1 Samueli 16:1

Pau-Do i Ue ndi Semueli, ”Ranta hawe te'ipia masusano aroamu hangano i Saulu, ka hinaano lano nami Kubeheo gagi mokoledo to Isaraeli? Alaomo lana saitu kau ihiio tandu ponaapamu lana ka lakomo. Aku tumenako lumako ndi Isai to Beteleme, hangano i olodo luwuno anano, Kubinikiomo asa mia gagi mokoledo bawaa-Ku.”

1 Samueli 16:13

I'alao i Semueli tandu anu me'ihiako lana saitu atuu kai urapio i Daudi i olodo pepaekompono. Mompu'u oleo atuu Penaa-Do i Ue pabawaio ka kumongkomio mpiha i Daudi. Umarino atuu mekuleomo i Semueli i Rama.

1 Samueli 2:10

Mia anu umewai Ira i Ue, ta pinoko tampula; hangano ondae, ka Dotekuda kana rundu i langi. Ondae i Ue pabawaio asa wawontolino andio; Ondae moweeakono roso a mokole anu bininiki-Do, ka moweeakono pabawa a mia anu inurapi-Do.”

1 Samueli 24:6

Sine umarino atuu, i Daudi wali me'o'ole hangano iseseio untuno lemba meloeno i Saulu.

1 Samueli 26:11

A nee-Do i Ue, nahi aku motiio kaeku a mia inurapi-Do i Ue. Kanandio-andio alaomo kansai umpeda i uluno atuu ka ponaapa uwoi, ka aiwamo tomelako.”

1 Samueli 26:9

Sine ipotae i Daudi ndi Abisai, ”Si pepateo, hangano isema anu mompepate mia inurapi-Do i Ue asalakono mohawe pohuku.”

1 Samueli 8:19

Sine nahi domperorongeakono palili pinauno i Semueli ka dompotae, ”Naahi, asalakono kai hina mokole ndi omami,

1 Samueli 8:9

Onaemo ka utondaako ira nineedo. Sine pauako ira temanasa ntu'u pabawano mokole anu ta moparenta ndi ondae.”

1 Samueli 9:16

”Tisomo tempo kanandio, Aku mo'oliwi asa mia tama ndi omue inso i wita Benami. Mia atuu urapiomo ka igagi mokoledo bawaa-Ku Isaraeli. Onae ta kumadudui ira bawaa-Ku inso a ngkaedo to Pelisiti. Nde Kukitaomo marasaido bawaa-Ku atuu hangano peboolido haweomo ndi Ongkue.”

1 Samueli 9:27

Montindulu ira i wiwino kota, ipotae i Semueli ndi Saulu, ”Potaeakono atamu atuu ka ilako tese'elu.” Ata atuu lumakoomo. ”Sine omue penaa-naa sarai, Aku mompauakomu pau-Do Ue Ala ndi omue.”