1 Samueli 1:26 - Wunta Mempori

²⁶ Ipotae i Hana, ”Tabeamiu ueku, ndi omiu ueku anu tuwu, ongkuemo beine anu i ndi'upua mentade mekakai ndi Ondae i Ue i ndi'ai umpeda ndi omiu,

1 Samueli 1:26 ပူးပေါင်းရင်းမြစ်များ

Tegagia 42:15

Saru atoramo andio omiu asalakono me'inarahako: me'empehiako tuwuno i Pirao, nahi komiu ntu'u melako inso i ndi'ai, sangkadio pepaekompo tompasusumiu atuu aiwa i ndi'ai.

2 Samueli 11:11

Sine sumangki i Uria ndi Daudi, ”Burua saru to Isaraeli ka to Yehuda mpo'ia a laro laika, kanatuu koa mbo'u ondae ueku i Yoabi saru luwuno atado ueku mpekema a mpada. Kana'umpe ka aku mekule i rahaku, mongkaa, mo'inu ka moturi saru beineku? A ntinuwumiu ka penaa miu, nahi aku weweuo anu kanatuu!”

2 Samueli 14:19

Mesikeno ira mokole, ”Ipokowaliko i Yoabi ke a luwuakoano andio?” Sumangki beine atuu, ”A ntumuwumiu, ueku mokole, nahina anu pansia i koana ke i manggali inso a luwuno anu pinaumiu ueku mokole. Menteeano atamiumo i Yoabi anu parenta aku. Onae anu tumena aku pauo pau andio.

2 Mokole 2:2

Motaeomo i Elia ndi Elisa, ”Po'iamo i ndi'ai, hangano Ondae i Ue tumena aku lumako i Beteli.” Sine sumangki i Elisa, ”A nee-Do i Ue anu tuwu ka a ntumuwumiu, nahi aku binta komiu.” Ka do'amba lumako i Beteli.

2 Mokole 2:4

Motae i Elia ndi onae, ”Elisa, po'iamo i ndi'ai, hangano Ondae i Ue tumena aku lumako i Yeriko.” Sine sumangki, ”A nee-Do i Ue anu tuwu ka a ntumuwumiu nahi aku bintakomiu.” Ka i'amba hawe iramo i Yeriko.

2 Mokole 2:6

Motae i Elia ndi onae, ”Po'iamo i ndi'ai, hangano Ondae i Ue tumena aku lumako i koro Yarade.” Sumangki, ”A nee-Do i Ue anu tuwu ka a ntumuwumiu, nahi aku binta komiu.” Ka do'amba motilaloakono pelempaado.

2 Mokole 4:30

Sine ineno nana'ote atuu motae, ”A nee-Do i Ue anu tuwu ka a ntumuwumiu, nahi aku binta komiu.” Ka i'amba i Elisa mentade ka ipelempa tumondao beine atuu.

1 Tawarika 4:10

I Yabesi mebooli ndi Ondae Ue Alado to Isaraeli, ipotae, ”Po'ineeomo ka Ironso aku tehadio ntu'u ka mokomolueo witaku. Po'ineeomo kae-Miu kumongkomi aku ka dumagai aku inso a masolaa, ranta nahi sepi aku mahakia!” Po'emano atuu Do'induo Ue Ala.

1 Samueli 17:55

Mansano kumitao i Saulu peluarakono i Daudi umaropio to Pelisiti atuu, mesikenoomo ndi Abinere, tadulako sorodaduno, ”Anano isemake ana mongura atuu?” Sumangki i Abinere, ”Tabeamiu mokole, nahi kuto'orio.”

1 Samueli 20:3

Sine i Daudi mokomanasaakono aroano i Yonata, ipotae, ”Ondae amamu doto'orio ntu'u, omue tedoa moiko ndi ongkue, onaemo ka dopewowoloo, ’ka simansa tumo'orio i Yonata mongkona andio, ranta kai masusa aroano.’ Sine a nee-Do i Ue anu tuwu ka tuwumu, asa laampa'amokoa olono ongkue ka matea.”

1 Samueli 25:26

Kanandio-andio ueku, a nee-Do i Ue anu tuwu ka tumuwumiu, hangano Ondae i Ue anu umonto komiu mombalaoko kaemiu a iwalimiu, po'ineeomo luwuno iwalimiu anu montoo ta sumolangi komiu ueku kana i Naba!