1 Samueli 1:22 - Wunta Mempori

²² Sine i Hana nahi petonda, ka ipotaeakono, tamano, ”Ambapo tewala tetoeomo mo'uo nana'ote atuu, ka ku'amba lumako wawao. Onae ta me'aro ndi Ondae i Ue ka ta mo'ia mpiha i ra'ai asa ntinuwuno.”

1 Samueli 1:22 ပူးပေါင်းရင်းမြစ်များ

Po'unde-unde 110:4

Ondae i Ue mesumpa Iramo, ka nahi Ira me'o'ole, ”Omuemo sando mpesomba ranta nahina tampulaano, montonda atorano i Melekisede.”

Po'unde-unde 23:6

Moikoa ka pompehohawa mpena ta tumondari aku, asa ntinuwuku; ka aku mo'ia a laro raha-Do i Ue asa ntinuwu.

Po'unde-unde 27:4

Asa rupa ku'emaomo ndi Ondae i Ue, butu onae andio anu tedoa ineheku: mo'ia a raha-Do i Ue asa ntinuwuku, sumakosiio pe'aroa-Do i Ue ka sanaa mo'iangario raha-Do.

Peluarakoa 21:6

asalakono mia me'atao wawao ndi Ondae Ue Ala, kai wawao a mpewowa ke a ngkaruno pewowa, ka anu me'atao atuu dumuhuakono a lewe birino, ka ata atuu asalakono mo'angga ndi onae asa ntinuwuno.

Yesaya 9:7

Doluarakonomo i Ue pau-Do ndi Yako, ka pau-Do atuu umaluo Isaraeli.

Imama 25:23

”Wita si me'asao mpiha, hangano Ongkuemo ueno wita atuu, sekono omiu mia mehawe ka mia anu me'aiwa mperato ndi Ongkue.

I LUKASI 2:22

Ka mansano sompoomo tempo pepokomorina, montonda songka Taurano i Musa, domewawa Ira i Yerusale ka Dopineweengako ndi Ondae i Ue,

Winali 16:16

Pentolu asa nta'u luwuno tama i olomiu asalakono mesomba i aro-Do i Ue, Ue Alamiu, a mpo'ianga anu Ira binikio, onaemo a oleo langkai Roti Nahi Peragi, oleo langkai Opitu Minggu ka oleo langkai Laika Lewe ngkeu. Si dompesomba i aro-Do i Ue butu moa ngkae,

Yosua 4:7

Asalakono pauako ira motae: Uwoi koro Yarade te'otu i arono burua pedandia-Do i Ue; itempono burua atuu sinakiako. Onaemo pu'uno watu andiodo ta gagi petondoni ia nto Isaraeli ranta nahina tampulaano.”

1 Samueli 1:11

Ka i'amba montanga kanandio, ”Omiu Ue luwuakoano, tewala ipehohawa aku, Ikitaomo masusano aroaku, tetenaa-Miu andio, Irambe aku kasi kolupe aku, tetenaa-Miu, tewala ipowee akumo asa ana ntama, aku meweengakono asa ntinuwuno ndi Omiu Ue. Piso pekeru nahi ta dumanggio uluno.”

1 Samueli 1:28

Gaagi kuwali meweengakono ndi Ondae i Ue asa ntinuwuno.” Ka do'amba mpenggolontu mpesomba ndi Ondae i Ue i ra'ai.

1 Samueli 13:13

Motae i Semueli ndi Saulu, ”Wineweumu andio tedoa benge-benge! Omue nahi upetenunu a songka-Do i Ue, Ue Alamu, anu Dopauakomu. Bakanaano Ondae i Ue Ira mokorosoo poparentaamu a nto Isaraeli ranta nahina tampulaano,

1 Samueli 2:11

Umarino atuu mekuleomo i Elikana i Rama, sine nana'ote atuu gagi puu pompekakaako-Do i Ue, a pontaateno sando mpesomba Eli.

1 Samueli 2:18

I Semueli gagi puu mpompekakaako i aro-Do i Ue. Onae da mongura mompakeomo lemba epo inso a sangka lena.

1 Samueli 28:2

Sumangki i Daudi ndi Akisi, ”Moiko, komiu koa tumo'orio hapa anu ta pinokoweweuno tetenaamiu andio.” Ipotae i Akisi ndi Daudi, ”Tewala kanatuu, kupotoroko kau po'angga ndi ongkue asa ntinuwumu.”

1 Samueli 3:1

I Semueli anu da mongura, gagi puu mpopekakaako-Do i Ue a laro pontaateno i Eli. I tempo atuu molaa i hawe pau-Do i Ue, maupo pepopokita molaa.