1 Samueli 1:19 - Wunta Mempori

¹⁹ Tisomono mo'oru, mpewangu iramo ka dompenggolontu mpesomba i aro-Do i Ue. Ka do'amba mpekule i Rama. I Elikana mewowaliakono i Hana, kombiano, onaemo ka Doronsoo i Ue i Hana.

1 Samueli 1:19 ပူးပေါင်းရင်းမြစ်များ

Tegagia 21:1

Ondae i Ue mekakaakono i Sara, kana anu pinau-Do, ka Ondae i Ue weweuo ndi Sara kana anu Dodandiakono.

Tegagia 30:22

Ondae Ue Ala rumambeo i Raheli. Ondae Ue Ala rumongeo po'emano saru umungkahio pe'anakaano.

Tegagia 4:1

Mia atuu mewowaliakono i Hawa, beineno. Beine atuu mentia, ka ipe'anaakono i Kai ka ipotae, ”Mohawe akumo asa tama a pontulungi-Do i Ue.”

Tegagia 8:1

1 Ondae Ue Ala rumambeo i Noho, luwuno kondehora mo'ila ka luwuno pinotuwu anu meronga saru onae a laro bangka atuu, ka i'amba Ondae Ue Ala weweuo angi mepuuri i wawontolino, ranta ka itempae uwoi atuu.

2 Mokole 4:17

Beine atuu mentiomo, ka ipe'anaakono asa ana ntama ia tempo kanatuu, ia nta'u ramaino, menunu saru anu pinauno i Elisa ndi onae.

Po'unde-unde 119:147

Mo'o-mo'oru ntu'u kupewangu ka mebooli mepetulungi; momperorohi aku a mpau-Miu.

Po'unde-unde 136:23

Ondae anu rumambe kita tempono tomempinokongkodei, menteeano ranta nahina tampulaano pompehohawa-Do;

Po'unde-unde 25:7

Luwuno hala tempono kumongura luwuno peleluku anu nahi pontonda songka siimo Irambeo mbo'u, menunu saru pompehohawa-Miu, Irambe akumo a moikoa-Miu, oo Ue.

Po'unde-unde 5:3

Irongeomo peraaliku mepetulungi, oo Mokoleku ka Ue Alaku, hangano ndi Omiumo kupekakai.

Po'unde-unde 55:17

Sine aku mebooli ndi Ondae Ue Ala, ka Ondae i Ue Ira kumadudui aku.

I MARAKUSU 1:35

Mo'o-mo'oru ntu'u, da wongi-wongi, mewangu Ira ka Dolako i bungkuno. Lumako Ira a mpo'ianga boni-boni ka Dopekakai i ra'ai.

I LUKASI 23:42

Ka i'amba motae, ”Yesu, Ipewowolo aku koa, tewala hawe Komiu gagi Mokole.”

Yosua 18:25

Gibeo, Rama, Beero,

1 Samueli 1:1

Hinao asa mia tama te'inso i Ramataimi i wita Supi, te'inso i mentorukuno Eparai, neeno i Elikana anano i Yerohama anano i Elihu, anano i Tohu anano i Supi, to Eparai.

1 Samueli 1:11

Ka i'amba montanga kanandio, ”Omiu Ue luwuakoano, tewala ipehohawa aku, Ikitaomo masusano aroaku, tetenaa-Miu andio, Irambe aku kasi kolupe aku, tetenaa-Miu, tewala ipowee akumo asa ana ntama, aku meweengakono asa ntinuwuno ndi Omiu Ue. Piso pekeru nahi ta dumanggio uluno.”

1 Samueli 15:34

Ka i'amba i Semueli lumako i Rama, sine i Saulu lumako i rahano i wita Gibea-Saulu.

1 Samueli 16:13

I'alao i Semueli tandu anu me'ihiako lana saitu atuu kai urapio i Daudi i olodo pepaekompono. Mompu'u oleo atuu Penaa-Do i Ue pabawaio ka kumongkomio mpiha i Daudi. Umarino atuu mekuleomo i Semueli i Rama.

1 Samueli 19:18

I Daudi molai, ka itola. Onae aiwa ndi Semueli i Rama, ka ipauakono luwu wineweuno i Saulu ndi onae. Ka i'amba lumako iramo i Daudi saru i Semueli mo'ia i Nayoti.

1 Samueli 2:11

Umarino atuu mekuleomo i Elikana i Rama, sine nana'ote atuu gagi puu pompekakaako-Do i Ue, a pontaateno sando mpesomba Eli.

1 Samueli 25:1

Mateomo i Semueli ka luwudo to Isaraeli mpepumpu mpo'inomboakono. Ka domengkaburuo i Rama, po'iangano. I Daudi lumako i Pada One Parani.

1 Samueli 7:17

Umarino atuu ka i'amba mekule i Rama, hangano i ra'ai rahano. Inso i ra'ai ipoparenta gagi puu mpobitara a nto Isaraeli. I tu'ai, ipowangu meda pontunua pesomba ndi Ondae i Ue.

1 Samueli 8:4

Onaemo pu'uno luwuno mia mota'u to Isaraeli mpepumpu ka dome'aiwa ndi Semueli i Rama.

1 Samueli 9:26

Mo'oru mewangu iramo. Mansano mewanta oleo, i Semueli moboio i Saulu anu moturi i dunsi, ”Pepatindamo, aku lumako morontoko.” Mansano umari mepatinda i Saulu, meluarakoomo merongakono i Semueli.