1 Samueli 1:10 - Wunta Mempori

¹⁰ A laro masusano aroano, i Hana mekakai ndi Ondae i Ue i tondaakono mengese sensedu.

1 Samueli 1:10 ပူးပေါင်းရင်းမြစ်များ

Tegagia 30:1

Mansano kumitao i Raheli, nine nahina anano i Yako ndi onae, imonsiriakono akano. Ka i'amba motaeakono i Yako, ”Poweeakune ana! Tewala naahi, aku mate.”

Tegagia 50:10

Sahawedo i Gorene-Ha'atada, anu po'iangano i asatowano Koro Yarade, mpoweweu ira ponsabangia anu tedoa langkai ka magaga i tu'ai. I Yusupu moweweu po'inomboa i larono opitu oleo hangano amano.

2 Samueli 13:36

Da'iapo i'umari mepau, mehawe iramo ana ntamado mokole atuu. Mpengese ira meroku. Mokole mbo'u ka luwuno pegawaino mpengese ira tedoa meroku.

2 Samueli 17:8

Motae mbo'u i Husai, ”Ito'orio nine amamu ka luwuno miano onaemo puu mpe'iwali, ka melambaha ira kana berua tetadi anano i tonga mpada. Ka mbo'u amamu asa mia sorodadu ntu'u. Nahi ta mo'inee ira sorodaduno mpoturi.

2 Mokole 20:3

”Oo Ue, po'ineomo Irambeo nine tuwu akumo metenunu i aro-Miu ka moleo aroa; moweweu akumo hapa anu moiko a pongkita-Miu.” Ka i'amba i Hisikia mengese mongkoko'undu.

Ayubi 10:1

”Kute'osaakono tuwuku, ineheku motolao masusaku, ineheku mepau a laro marasaino laroku.

Ayubi 7:11

Onaemo pu'uno ongkue mbo'u nahi aku mo'ineeo ngangaku, aku mepau a laro ma'isono sumangaku, me'anaiki a laro masusano aroaku.

Ayubi 9:18

anu nahi po'inee aku menaa, sine mokomowohiakune mopa'ia.

Po'unde-unde 50:15

Peboolimo ndi Ongkue i tempono ma'isoa, Aku motolako, ka omue ko'umunde-unde Aku.” Sela

Po'unde-unde 91:15

Tewala onae mebooli ndi Ongkue, Aku sumangki, Aku kumongkomio a laro ma'isoa, Aku motolao ka moweeakono pompelangkai.

Powadi 14:10

Aroa tumo'orio pompemopoeno onaeno, ka mia susua nahi pokompetonda rumasao sanaano.

Yesaya 38:15

Hapake anu aku mokopauo ka kupauo ndi Ondae i Ue? Komba Ondaemoke anu weweuo? Molehako nahi kupompokoturi hangano maparino tuwuku.

Yesaya 54:6

Omue kana beine mekombia anu bininta ka anu masusa aroa tempono Dowali moboiko i Ue; kana'umpe beineno inso tempo da mongura nahi ta hori tumarimao? Pau-Do Ue Alamu.

Yeremia 13:17

Tewala nahi mebehe mperorongeakono, aku mengese a ntewuniano hangano pompelangka-langkaimiu. Uwoi mataku ta melolonto, tendeano nte'i'iti, hangano bawaano bimba-Do i Ue winawa mentinawa.

Yeremia 22:10

Si mpengesieo mia mate ka si mpompemasusa hangano onae. Sine pengeseiomo onae anu lumakoomo, hangano nahi ta mekule mbo'u, ka nahi ta kumitao mbo'u wita hinaano.

Ponsabangi 3:15

Dopokomowohiakune masukaraa, mopo'inuakune rasu mopa'i.

I LUKASI 22:44

Tedoa Ira doito ka komoro-morosono Dopekakai. Ko'iso-Do kana iti-itino rea anu nte'i'iti a wita.

IBARANI 5:7

A ntuwu-Do kana mia, Dopesombaakonomo pekakai ka saru monsabangi mompemasusa mo'ema ndi Ondae, anu polio kumadudui Ira inso a matea, ka hangano mempori-Do rinonge Iramo.

Puu Mpobitara 21:2

Itempono tongku atuu hawe i Beteli, ka mpo'ia i ra'ai i aro-Do i Ue, Ue Ala ranta ngkiniwia, mpengese ira tedoa meroku,

Ruti 1:20

Sine ipotae, ”Si mpoboi aku i Naomi, impoboi aku Mara, nde anu Pabawa mowee aku hadio mopa'ino tumuwu.

1 Samueli 1:11

Ka i'amba montanga kanandio, ”Omiu Ue luwuakoano, tewala ipehohawa aku, Ikitaomo masusano aroaku, tetenaa-Miu andio, Irambe aku kasi kolupe aku, tetenaa-Miu, tewala ipowee akumo asa ana ntama, aku meweengakono asa ntinuwuno ndi Omiu Ue. Piso pekeru nahi ta dumanggio uluno.”

1 Samueli 1:9

Asa tempo, mansado me'umari mpongkaa ka mpo'inu i Silo, mentadeomo i Hana, ka sando mpesomba Eli kontongaano mentoro a ngkadera umpeda a ngkaruno pewowa raha-Do i Ue.