1 PETURU 5:8 - Wunta Mempori

⁸ Intelikemo ka impedaga-dagaimo! Anu umewai komiu, i Mosa'o, melempa metanggolili mengkena kana singa anu mengaoli ka mo'ungke mia anu pinokoteleno.

1 PETURU 5:8 ပူးပေါင်းရင်းမြစ်များ

Esetere 7:6

Ka i'amba sumangki i Esetere, ”I Hamani mia anu mosa'o andio onaemo anu ta mobobarasai ka iwalito!” Onaemo kai tedoa doito i Hamani i arodo mokole ka mokole beine.

Ayubi 2:2

Ondae i Ue mesikeno ndi Mosa'o, ”Inso isuake omue?” Sumangki i Mosa'o ndi Ondae i Ue, ”Inso a mpelempaa metanggolili sumompoo tolino.”

Po'unde-unde 104:21

Luwuno singa mongura mpengaoli mpo'ungke rangkamiado, ka mpotuntu kaangado inso ndi Ondae Ue Ala.

Po'unde-unde 109:6

”Ipotoroakonomo asa mia mosa'o gauno, ka po'ineeomo asa mia anu motuntu mentade i koanano;

Powadi 19:12

Tekudano mokole kana pengaolino singa mongura, sine moikono kana tontoru a wawo ewo.

Powadi 20:2

Doitoa inso ndi mokole kana pengaolino singa mongura, isema mokotesingkao tekudano sumolangio koroino onaeno.

Powadi 28:15

Kana singa anu mengaoli ke berua anu mesapoi, kanatuumo mia mosa'o gauno anu moparenta palili anu molema.

Yesaya 50:8

Ondae anu mokomengkaao mentee aku umpeda Iramo. Isemake anu mosia megaga saru ongkue? Aiwamo ka tolako meronga-ronga! Isemake taroku mekara-kara? Po'ineeomo ka i'umpeda ndi ongkue!

Yeremia 2:15

Ndi onae luwuno singa mongura mpengaoli, mpokomerokuo unino, witano pinokolonda, luwuno kotano tinunu, nahina mbo'u palilino.

Yeremia 51:38

Ondae mperonga-ronga mpengaoli kana singa mongura, bamburu kana anano singa.

Yehesikieli 19:7

Onae sumolangi ira bentedo ka kumale-kaleo luwuno kotado. Tolino saru luwuno ihino mpo'ia medoito rumongeo unino pengaolino.

Yehesikieli 22:25

Luwuno petewawa i tonga-tongano kana singa anu mengaoli, anu momperangkami kaangano. Mia iteleo, arataa ka luwuno parewa anu masuli olino irontuo, tuwu beine iwineweuo tetiangi hadio i tonga-tongano.

Danieli 6:24

Mokole tedoa mawongko ka onae meparenta ka idinii i Danieli inso a laro aa. I Danieli diniiomo inso a laro aa, ka nahina mobela hapamo koa ndi onae, hangano ipe'ala-ala Ira Ue Alano.

Hosea 11:10

Ira mpetonda ndi Ondae i Ue; Ira mengaoli kana singa. Mentee ntu'u, Ira mengaoli. Nana'ote ira mehawe saru mpondidi-ndidi inso i sumooano oleo,

Hosea 13:8

Aku sumapoi ira kana berua anu tetadi anano, Aku berio radado. I ra'ai Aku kumaa ira, kana singa waino; kondehora mo'ila i tongampada ta meberi-beri ira.

Yoeli 3:16

Ondae i Ue mengaoli inso i Sioni, inso i Yerusale Dopoporongeo pepau-Do, langi ka tolino leelu. Sine Ondae i Ue onaemo pepekaduduiado bawaa-Do, bentedo to Isaraeli.

Amosi 1:2

Ipotae, ”Ondae i Ue mengaoli inso i Sioni ka inso i Yerusale Dopoporongeo pau-Do; mokariomo luwuno mpada pompakambia ka moleuomo punsuno torukuno Karameli.”

Amosi 3:4

Mengaolike asa singa a ntobu, ba nahi pohawe kaangano? Mohohoike singa mongura inso a nsenono, ba napi porako hapa-hapa?

Amosi 3:8

Singa mengaoliomo, isemake nahi doito? Ondae Ue Ala mepau Iramo, isemake anu nahi pompau anu ta gagi?”

Sakaria 11:3

Rongeo ponsabangido puu mpopakambi! Hangano pino'undeakodo sinolangiomo. Rongeo pengaolido singa mongura! Hangano sinolangiomo pino'undeakono Koro Yarade.

Sakaria 3:1

Ka i'amba pinopokitaomo ndi ongkue sando mpesomba langkai Yosua mentade i arono Mala'eka-Do i Ue ka i Mosa'o mentade i koanano ta tumuntuo.

I MATIU 13:39

Iwali anu morawo wua lee onaemo i Mosa'o. Tempo sumowi onaemo pokotampulaano wawontolino ka anu mensowi atuu mala'eka.

I MATIU 24:42

Onaemo pu'uno impetangkoromo, hangano nahi imento'orio a oleo isua Dohawe Uemiu.

I MATIU 25:41

Ka Ira motae mbo'u ndi ondae anu i manggali-Do: Impolaimo inso i aru-Ku, hei omiu mia anu tetotonaa, impolaimo a laro api anu nahina tampulaano anu tepatindaomo tiano i Mosa'o ka luwuno mala'ekano.

I MATIU 4:1

Ka Ondae i Yesu Dowawa ira Penaa i pada one ka i'ara-arahako Ira i Mosa'o.

I MATIU 4:11

Ka i'amba i Mosa'o binta Ira, ka kitaomo, hadio mala'eka mehawe mekakaako Ira i Yesu.

I MARAKUSU 4:15

Mia anu a wiwi nsala, porawoa pau-Do i Ue atuu, ondaemo anu merongeo pau-Do i Ue, ka i'amba haweomo i Mosa'o ka i'alao pau anu da iaopo irinawo ndi ondae.

I LUKASI 21:34

”Dagaiomo koroimiu, ka si aroamiu bukeako pogawea ka molangua saru luwuno po'eheno wawontolino ka si mansa mepobingko hawe oleo-Do i Ue a ngkoroimiu kana aasa oho.

I LUKASI 21:36

Impedaga-dagai mpiha saru mpekakai, ka impohawe roso mentola inso a luwuno anu ta gagi atuu, ka imemoroso mpentade i aro-Do i Ana Manusia.”

I LUKASI 22:31

Simo, Simo, kitao, i Mosa'o mo'emaomo ta dumuku komiu kana gandu,

I YOHANE 8:44

I Mosa'o anu gagiomo amamiu ka inehemiu meweweuo luwuno anu ineheno amamiu. Onae tampu'uno puu pompepate mia ka nahi tuwu a menteea, hangano ndi onae nahina menteea. Tewala mompau pegaupi, ipauo a mpo'eheno onaeno, hangano onae lano puu mpegaupi ka amado luwuno pegaupi.

2 KORINTI 2:11

ka si me'ura i Mosa'o ndi ontae, hangano tomento'orio tinoono.

EPESU 4:27

ka si mpoweeakono tempo i Mosa'o.

EPESU 6:11

Impokonaomo luwuno parewa mpetea-Do Ue Ala, ka impokompekorahako umewaio pompopo'oono i Mosa'o;

1 TIMOTIU 2:15

Sine beine ta kinadudui hangano onae me'ana, poolo ka ipompedato koa mpiha pompe'ala-alano ka mompehohawa memporia saru nahi maramba.

1 TIMOTIU 2:9

Kanandio koa mbo'u beine. Ka ipesangka koa anu tekona, montonda gau ka nahi maramba, wuuno ka sipiniu, ka si pompake wulaa ke mutiara ke maupo sangka anu masuli olino,

1 TIMOTIU 3:11

Kanandio koa mbo'u luwuno beinedo ka domia koa mentinudu, ka si marapomposebe, asalakono mokompompedato ka pine'ala-ala a luwuakoano.

1 TIMOTIU 3:2

Onaemo pu'uno petewawa bawaa asalakono asa mia anu nahina tataano, tama anu asa koa beineno, mompedato, pande mosongka, moiko gauno, ineheno metotoka, pande mompaguru mia,

2 TIMOTIU 4:17

sine mentade Iramo i Ue i horiku ka mokoroso aku, ka ipinalele koa ntu'u Lele Mawongkoa telalo ndi ongkue ka domerongeo luwuno mia anu komba to Yahudi. Hangano kanandio ka kutola inso a ngangano singa.

TITU 1:8

tendeano ineheno metotoka, ineheno anu moiko, pande mosongka, moleo, mempori, mokompabawaio koroino

TITU 2:12

Onae paguru kita ka tomebintao gau mosa'o ka luwuno mosisiri ntolino ka tomentuwu pande mponsongka, moleo ka mpesomba i wawontolino kanandio-andio

TITU 2:2

Tama anu memota'u asalakono ka domentuwu poolo ka isoompo, mempinelangkai, mempande mposongka, mentee a pompe'ala-ala, a pompehohawa ka mpompedato.

TITU 2:4

ka hangano kanandio paguru ira beine mongura mpehohawa ira tamado ka anado,

TITU 2:6

Kanatuu koa mbo'u mia memongura; imempatudu iramo ka domempabawaio koroido a luwuakoano

YAKOBU 4:7

Onaemo pu'uno impetuundumo ndi Ondae Ue Ala, ka ime'ewaiomo i Mosa'o, ka onae ta molai inso ndi omiu!

1 PETURU 1:13

Onaemo pu'uno imempatindaomo pompewowolo moilino, impetangkoromo ka imenaaomo luwuno pomperorohimiu a mpe'aroa anu imewineeako i tempono Dopepokomengkaa i Yesu Kerisituu.

1 PETURU 4:7

Pokotompaano luwuakoano umpedaomo. Onaemo pu'uno imempabawaiomo koroimiu ka impomperodomo, ka impokompekakai koa.

MENGKAAA 12:10

Ka kurongeo suara anu meroku i suruga motae, ”Kanandio-andio haweomo tekaduduia ka pabawa ka poparentaa-Do Ue Alato, ka pabawa-Do anu inurapi-Do, hangano pinetadiakoomo i totono anu mosebe ira pepaekompoto, anu mosebe ira meene ka wongi i aro-Do Ue Alato.

MENGKAAA 12:12

Onaemo pu'uno po'undemo, hei suruga ka hei luwumiu anu mpo'ia i larono, memasola komiumo, hei tolino ka tahi! Hangano i Mosa'o metiiomo ndi omiu, a laro bamburuno anu mongkokongiri, hangano ito'orio, nine tempono rangkuomo.”

MENGKAAA 12:9

Ka naga langkai atuu, i ule mota'u, anu nineeako i Mosa'o ke i Satani, anu mopo'oo asa wawontolino, pinetadiako i totono; onae pinetadiako i tolino, meronga saru luwuno mala'ekano.

MENGKAAA 20:10

ka i Mosa'o, anu mopo'oo ira, pinetadiako a laro ntahi api ka walira, onaemo po'iangano kondehora ka nabi megaupi atuu, ka binobarasai ira meene wongi ranta nahina tampulaano.

MENGKAAA 20:2

irakoo naga, i ule mota'u atuu, onaemo i Mosa'o ka i Satani. Ka iponguo asa nsowu ta'u tehineno,

Puu Mpobitara 14:5

Metiiomo i Simeso lumako i Timena saru amano ka ineno. Mansado hawe i lere anggoro Timena, asa singa mongura menggere te'aro ndi Simeso.