1 PETURU 5:6 - Wunta Mempori

⁶ Onaemo pu'uno impe'urumakomo a toto ngkae-Do i Ue anu moroso, ka Dopokomantande komiu a tempono.

1 PETURU 5:6 ပူးပေါင်းရင်းမြစ်များ

1 Mokole 21:29

”Nde ukitaomo i Ahabi tedoa me'urumako i aroku? Hangano onae me'urumakoomo i aro-Ku, nahi Aku mopotii masolaa tempono da ituwu. Ambapo a temponopo anano, Aku mompotii masolaa a somborino.”

2 Mokole 22:19

hangano omue me'o'ole ka me'urumako i aro-Do i Ue, ka u'amba berio sangkamu ka mengese i aro-Ku mansamu rumongeo songka anu Kupauo mongkona po'ianga andio ka palilino nine ira megagi mongkokongiria ka totonaa, onaemo ka Kurongeo, kanandiomo pau-Do i Ue.

2 Tawarika 12:12

Hangano mokole me'urumako, tetadiomo tekuda-Do inso ndi onae, ranta nahi Doropuo luwu. Metiangi mbo'u da hinawe luwuakoano anu moiko i Yehuda.

2 Tawarika 30:11

Sine ba'opia mia inso i Asieri, Manase ka Sebulo, mpe'urumako, ka me'aiwa i Yerusale.

2 Tawarika 32:26

Sine lembuino ipokonto'orio pompelangka-langkaino atuu ka ipe'urumako meronga saru palilino Yerusale, ranta tekuda-Do i Ue nahi alu ira tempono i Hisikia.

2 Tawarika 33:12

A laro tepakadano, onae merokuhi mokomolusao aroa-Do i Ue, Ue Alano. Onae tedoa me'urumako i aro-Do Ue Alado uempu'uno,

2 Tawarika 33:19

Pekakaino ka sangkino pekakaino, luwuno hala ka nahi petenununo, luwuno po'ianga pesombaa anu umari winanguno saru luwuno karuno lahumoa ka luwuno tinaha anu pinontadeno i ra'ai, se'eluno ipe'urumako, menteeano luwuno atuu teburi a laro nteweweudo puu mpongkita.

2 Tawarika 33:23

Sine onae nahi pe'urumako i aro-Do i Ue kana i Manase, amano me'urumako. Tendeano i Amoni laluaopo mbo'u hadio salano.

2 Tawarika 36:12

Onae moweweu anu mosa'o a pongkita-Do i Ue, Ue Alano, ka nahi pe'urumako i arono nabi Yeremia anu hawe mowawa pe'oliwi-Do i Ue.

Ayubi 36:22

Menteeano, Ondae Ue Ala atuu maramba a laro mpabawa-Do; isemake guru kana Ondae?

Po'unde-unde 75:10

Sine aku kokora-kora anu nahina tampulaano, aku umunde-unde Ira Ue Alano i Yako,

Po'unde-unde 89:13

Utara ka selata, Omiu koa anu mokogagio. Tabori ka Heremoni kokora-kora mo'unde hangano Omiu.

Peluarakoa 10:3

Lumako iramo i Musa ka i Haruni me'aro ndi Pirao ka dopotae ndi onae, ”Kanandiomo pau-Do i Ue, Ue Alado to Ibarani: Da tehine ke, ka u'amba me'urumako i aro-Ku? Potola iramo bawaa-Ku ka domelako mpesomba ndi Ongkue.

Peluarakoa 3:19

Sine lano Kuto'orio, nine mokoledo to Masiri nahi ta umeheakomiu melako, sangkadio dinadaiako kae anu moroso.

Peluarakoa 32:11

Sine i Musa mo'arahako mokomolusao aroa-Do i Ue, Ue Alano, ipotae, ”Tembio Ue tekuda-Miu kai tensila a bawaa-Miu, anu Iwawa iramo mpeluarako inso i wita Masiri a langkaino pabawa-Miu ka kae-Miu anu moroso?

Powadi 29:23

Pompelangka-langkai mompe'uru-uru mia, sine mia anu me'urumako, montarima po'unde-unde.

Yesaya 2:11

Mia anu mengkita saru mompelangka-langkai ta pine'uru-uru, mia anu mompelangka-langkai ta pinokompetuundu; butu koa Ondae i Ue anu tedoa mantande a oleo atuu.

Yesaya 40:4

Sompo lembono asalakono hinowui, sompo torukuno ka pongku pinokomerete; wita anu mepongku asalakono pinokogagi wita anu merete, wita anu mebanga gagi melembo,

Yesaya 57:15

Hangano, kanandiomo pau-Do Anu Tedoa Mantande ka Maramba, anu mo'ia ranta nahina tampulaano ka mempori nee-Do, ”Ongkue mo'ia a mpo'ianga mantande ka mempori sine saru mbo'u mia anu terago-rago aroano ka me'urumako, mokorosoo rosono mia anu me'urumako ka motuwuo aroado mia anu terago-rago.

Yeremia 13:18

Pauako iramo mokole ka inedo mokole, ”Ipentoromo a po'ianga anu tetotoako, hangano songko mokole metiiomo inso a ulumiu!”

Yeremia 44:10

Nahi dompe'urumako hawe oleo andio. Nahi domedoito ka nahi domentondao songka-Ku saru pompakosi-Ku anu Kuweeakomiumo ka ndi uempu'umiu.

Yehesikieli 17:21

Luwuno sorodadu bininiki ira memateako ponai ka anu tola ta siniarawo a luwuno mata angi. Ka komiu mento'orio nine Ongkuemo Ue, anu pauo.

Yehesikieli 21:6

Omue, anano mia, peraalikimo! Peraalikimo i arodo kana asa mia anu wuku ntongano tepudu ka kongko a laro tedoa marasaia.

Danieli 5:22

Sine ueku i Belesiasari, anano, nahi pe'urumako maupo ito'orio luwuno andio.

Imama 26:41

ka Ongkue mbo'u umewai ira ka wawa ira a witano iwalido ke tewala lembuino aroado anu motea atuu metuunduomo ka dome'owahio salado,

Mika 6:8

”Oo mia, umariomo upinauako hapa anu moiko, ka hapa anu tinuntu-Do i Ue inso ndi omue umarino melelu moleo, kumekewoio petenunu, ka tuwu me'urumako i aro-Do Ue Alamu?”

I MATIU 23:12

Ka ba isema mompelangka-langkai, onae ta pine'uru-uru ka ba isema anu me'urumako, onae ta pinelangkai.

I LUKASI 1:52

Dopotii ira mia anu mempabawa inso a ngkadera poparentaado ka tumande ira mia anu tetotoako;

I LUKASI 14:11

Hangano ba isema melangkaio koroino, onae ta pinokongkodei a ba isema me'urumako, onae ta pinelangkai.”

I LUKASI 18:14

Kupauakomiu: Mia andio mekule i rahano gagi mia anu Dopementeeo Ue Ala ka mia mehano atuu naahi. Hangano ba isema melangkaio koroino, onae ta pine'uru-uru ka ba isema me'urumako onae ta pinelangkai.”

ROMA 5:6

Hangano tempono da memolema kita, mate Iramo i Kerisituu tiato mia anu buunto a tempo anu Dopakosiomo Ue Ala.

1 KORINTI 10:22

Ke kita mpokotesingkaoke mosa'ono aroa-Do i Ue? Nde memoroso kitapoke sekono Ondae?

Winali 32:35

Pontooa ka pombaloa onaemo tia-Ku, i tempono karudo namimoroso, hangano oleo masolaado rangkuomo, hapa anu domempinatindaako tamo ronga hawe.”

1 TIMOTIU 2:6

anu meweengakonomo koroi-Do gagi tolosido luwuno mia: onae atuu ponsakosii a tempo anu pinakosi.

TITU 1:3

ka a tempo anu po'ehe-Do Dopokomengkaaomo pau-Do a pompalelea Lele Mawongkoa anu kupine'ala-alaako menunu saru petena-Do Ue Ala, Puu pongkaduduito.

YAKOBU 4:10

Impe'urumakomo i aro-Do i Ue, ka Ira mokomantande komiu.

YAKOBU 4:7

Onaemo pu'uno impetuundumo ndi Ondae Ue Ala, ka ime'ewaiomo i Mosa'o, ka onae ta molai inso ndi omiu!

YAKOBU 5:10

Pepaekompo luwu-luwu, imentondaomo pandiri tebobarasaia ka sabarado luwuno nabi anu mpepau iramo a nee-Do i Ue.