1 PETURU 5:4 - Wunta Mempori

⁴ Ka omiu, tewala hawe Ira Puu Pompakambi Langkai, komiu mpontarima ramba-ramba ulu marambaa anu nahi pokomoleu.

1 PETURU 5:4 ပူးပေါင်းရင်းမြစ်များ

Po'unde-unde 23:1

Penani po'unde-undeno i Daudi. Ondaemo i Ue puu mpopakambiku, nahi ta hina makuraku.

Yesaya 40:11

Kana asa mia puu pompakambi Dopakambi ira bawaano pinotuwu-Do ka Dopumpuako ira kae-Do; ana bimba Do'awi ira, ineno bimba Dotaate ira.

Yehesikieli 34:23

Aku mompotoro ndi ondae asa mia puu pompakambi, i Daudi, tetenaa-Ku, anu ta pakambi ira. Onae ta pakambi ira ka gagi puu pompakambido.

Yehesikieli 37:24

Tetenaa-Ku i Daudi ta gagi mokoledo, ka luwudo ta hinao asa puu mpopakambi. Ira mentuwu montonda luwuno atora-Ku ka mpetenunu meweweuo luwuno pompakosi-Ku.

Danieli 12:3

Luwuno mia anu pande mposongka ira memewanta kana wantano longkuno langi, ka anu montaateomo hadio mia a menteea kana anano wula, kongko mpiha ranta nahina tampulaano.

Sakaria 13:7

”Hei ponai, pelelumo ewaio puu pompakambi-Ku, ewaio mia anu umpeda ndi Ongkue!”, kanandiomo pau-Do Ueno luwuakoano. ”Pepateomo puu mpopakambi, ka dontesiarawo asa bawaa bembe bimba! Aku woliteo kae-Ku maupo ndi ondae anu molema.

I YOHANE 10:11

Ongkuemo Puu Pompakambi anu moiko. Puu Pompakambi anu moiko meweengakono penaano tiado luwuno bimbano;

1 KORINTI 9:25

Sompo-sompo mia anu metonda a mpetandia, ka ipokompeteao koroino a luwuakoano. Domeweweuo kanandio ka dompohawe ramba-ramba ulu anu ta tampula, sine ontae ka tompohawe ramba-ramba ulu anu nahina tampulaano.

2 TIMOTIU 4:8

Kanandio-andio pinatindaako akumo ramba-ramba ulu menteea anu Ira weeakune i Ue, Puu mpobitara anu moleo, a oleo-Do; sine komba butu ndi ongkue, tendeano a luwuno mbo'u mia anu kumekewoio hawea-Do.

IBARANI 13:20

Ka Ondae Ue Alano rodoa, anu hangano rea pedandia anu nahina tampulaano Dopokule Iramo inso i olodo mia mate Puu pompakambi Langkai anu pakambi ira luwuno bimba, onaemo Ondae i Yesu, Ueto,

YAKOBU 1:12

Me'uraomo mia anu mompetea a laro po'ara-arahako, hangano tewala ipokolaloomo po'arahako, ta tumarimao ramba-ramba ulu tuwua anu dinandi-Do Ue Ala ndi ba isema anu mehohawa Ira.

1 PETURU 1:4

ka imentarimao aasa tia anu nahi pokotampula, anu nahi pokotesosa'ai ka nahi pokomoleu, anu imeninaaako i suruga.

1 PETURU 2:25

Hangano i ndi'upua ntesaa komiu kana bimba, sine kanandio-andio mpepokule komiumo a puu pompakambi ka mpekariao sumangamiu.

1 PETURU 5:2

Impakambi iramo bawaano bimba-Do Ue Ala anu kongko ndi omiu, si komba hangano dinada, sine inso ntu'u i aroamiu menunu saru po'ehe-Do Ue Ala, ka si hangano inehemiu mpo'ungke me'uraa, sine a mawongkono aroamiu.

1 YOHANE 3:2

Pepaekompo anu kinekewoiku, kanandio-andio ontae ana-Domo Ue Ala, sine napi mengkaa kana'umpe teweweuto te'upua; sine tomento'orio, nine tewala Ondae i Kerisituu mepokomengkaa, kita gagi mpengkena kana Ondae, hangano kita kumita Ira a nteweweu-Do anu menteeano.

MENGKAAA 1:7

Kitaomo, hawe Ira melaro nseru ka sompo mata ta kumita Ira, ondae mbo'u anu tumobo Ira. Ka luwuno tongku i tolino ira mensabangi Ira. Humbee, ami.

MENGKAAA 2:10

Si doitoakono hapa anu asalakono kotebobarasaiako! Menteeano i Mosa'o ta metadiako ira ba opia mia inso i olomiu a laro torungku ka ime'inara-arahako ka komiu mpohawe masusaa hopulu oleo tehineno. Petenunumo ranta mate, ka Aku moweeakomu ramba-ramba ulu tuwua.

MENGKAAA 3:11

Aku ronga hawe. Iniomo hapa anu kongko ndi omue, ka si hina maupo te'asa mia umalao ramba-ramba ulumu.