1 PETURU 4:18 - Wunta Mempori

¹⁸ Ka tewala mia mentee ilawu nahi domengkinadudui, hapake anu ta gagi a mia mosa'o guano ka mia tehala?

1 PETURU 4:18 ပူးပေါင်းရင်းမြစ်များ

Tegagia 13:13

To Sodomo tedoa melambaha ka ntehala ndi Ondae i Ue.

Powadi 11:31

Tewala mia mentee montarima ponsulo i wawo ntolino, tamoako mia mosa'o gauno ka mia tehala!

Yeremia 25:29

Hangano menteeano a ngkota anu nineeako montonda nee-Ku, Aku mompu'u motiio masolaa. Nde komiu mentolake inso a mpohuku? Nahi komiu mentola inso a mpohuku, hangano Aku mompotii ponai a luwuno palilino tolino, kanandiomo pau-Do Ueno luwuakoano.

Yehesikieli 18:24

Tewala mia mentee mepokule inso a menteeno ka moweweu molengkua kana luwuno mokoburua anu wineweuno mia mosa'o gauno, nde ta tuwuke onae? Luwuno menteea anu wineweuno nahi ta pinewowolo mbo'u. Onae asalakono mate hangano nahi petenunu ka hangano hala anu wineweuno.

Sakaria 13:9

Aku numaao anu asa ntia otolu atuu a laro api ka mokomempori ira kana mompokomempori salaka. Aku umara-arahako ira, kana mo'ara-arahako wulaa. Ira mpoboio nee-Ku, ka Aku sumangki ira. Aku mepau: Ondaemo bawaa-Ku, ka ira mesangki: Ondae i Ue Ondaemo Ue Alaku!”

I LUKASI 15:1

Luwuno puu popumpu sima'ulu ka mia ntehala eheano mehawe ndi Ondae i Yesu ira mperorongeako Ira.

I LUKASI 23:31

Hangano tewala mia moweweu kanandio a ngkeu tuwu, hapake anu ta gagi a ngkeu mokari?”

WINEWEUDO TINENA 14:22

A mpo'ianga atuu dopokorosoako ira aroado ana guru atuu ka patudu ira ka domekongko koa mpiha a pompe'ala-alado, ka dopauo, nine ba topewinso a Poparentaa-Do Ue Ala asalakono kita mompembasai hadio marasaia.

WINEWEUDO TINENA 27:24

ka ipotae: Si doito, Paulu! Omue asalakono kohawe i arono Datu. Ka menteeano hangano pompehohawa-Do Ue Ala, luwuno mia anu mekongko saru omue a ngkapala andio ira ntekadudui hangano omue.

WINEWEUDO TINENA 27:31

Onaemo pu'uno i Paulu ka ipotaeako ira sorodadu anu langkai pangkano ka sorodaduno, ”Tewala nahi dompo'ia a ngkapala, nahi komiu ntekadudui.”

ROMA 1:18

Hangano tekuda-Do Ue Ala mengkaa inso i suruga a luwuno gau mosa'o ka lambahano mia, anu mokonsiio menteea saru lambaha.

ROMA 5:6

Hangano tempono da memolema kita, mate Iramo i Kerisituu tiato mia anu buunto a tempo anu Dopakosiomo Ue Ala.

ROMA 5:8

Sine Ondae Ue Ala mopokitao pompehohawa-Do ndi ontae, hangano Ondae i Kerisituu mate Iramo tiato, tempono da mentehala kita.

1 KORINTI 10:12

Onaemo pu'uno isema anu potaeno, nine onae moroso mentade, ipompesu'uimo ka si tebangku!

1 TIMOTIU 1:9

onaemo ka itino'ori nine songka Taura atuu komba tiano mia mentee, tendeano tiano mia anu umewai Ira Ue Ala ka mia lambaha, tiano mia mosa'o gauno ka mia tehala, tiano mia tuwu ntolino ka anu nahi pe'agama, tiano mia mompepate amano ka mompepate ineno, tiano anu mompepate,

IBARANI 4:1

Onaemo pu'uno, moikoopo tompetangkoro, ka si hina te'asa mia I olomiu anu tinudu tebinta, maupo pedandia ira mpewinso a mpenaa-naaa-Do napi inihii.

YAKOBU 5:6

Mpohuku komiumo, tendeano mpompepate komiumo mia anu mentee ka nahi poko'ewai komiu.

1 PETURU 5:8

Intelikemo ka impedaga-dagaimo! Anu umewai komiu, i Mosa'o, melempa metanggolili mengkena kana singa anu mengaoli ka mo'ungke mia anu pinokoteleno.

2 PETURU 3:7

Sine hangano pau koa mbo'u atuu langi ka tolino anu kanandio-andio tepekaria inso a api ka ninaa tiano oleo pobitaraa ka mateado mia mosa'o gaudo.

YUDASI 1:15

Ira bitarao luwuno mia ka modontaiako ira pohuku a mia memosa'o gaudo hangano luwuno wineweu gau mosa'o, anu mewineweudo ka hangano luwuno pau pontata, anu pinaudo mia ntehala anu mosa'o gaudo atuu ndi Ondae i Ue.”

1 Samueli 15:18

Omue Dotenako i Ue, saru pe'oliwi: Lakomo peteaako ira ranta ka domeropu to Amale, mia mentehala atuu, ka peteaako ira ranta kau pokoropu ira.