1 PETURU 4:16 - Wunta Mempori

¹⁶ Sine, tewala onae marasai gagi to Kerisituu, ka siimo imokoko'ii, tendeano moikoomo ipelangkai Ira Ue Ala a nee-Do i Kerisituu atuu.

1 PETURU 4:16 ပူးပေါင်းရင်းမြစ်များ

Yesaya 24:15

”Onaemo pu'uno, pelangkai Iramo i Ue a luwuno wita i sabaano oleo, nee-Do i Ue, Ue Alado to Isaraeli, a luwuno wita i wiwi ntahi!”

Yesaya 50:7

Sine Ondae Ue Ala tumulungi aku; onaemo pu'uno nahi kupohawe mokoko'iia. Onaemo ka kupokorosoo aroaku kana rosono torukuno watu hangano kuto'orio nine nahi aku mohawe mokoko'ii.

Yesaya 54:4

Siimo doito, hangano nahi komohawe mokoko'ii, ka siimo mokoko'ii, hangano nahi kotinata. Hangano, omue kokumolupeo pontata tempono kontelaamu, ka nahi komewowoloo mbo'u mokoko'iia tuwu beinemu.

WINEWEUDO TINENA 11:26

Ondae mo'ia me'asaako ira bawaa atuu asa nta'u tehineno, saru mompaguru hadio mia. I Antiokiamo amba-ambano ana guru atuudo domenineeako to Kerisituu.

WINEWEUDO TINENA 26:28

Sumangki i Ageripa, ”Tedeimo koa ka upokompompe'ala-ala aku gagi to Kerisituu!”

WINEWEUDO TINENA 28:22

Sine mingki kami merongeo inso ndi omue, ba kana'umpe pompewowolomu, hangano mongkona pompaguru andio kimento'orio, nine isua-suamo koa onae inewai.”

WINEWEUDO TINENA 5:41

Domebintao tinena atuu terisoado Puu Mpobitara Agama saru mawongko aroado, hangano pinetekona iramo mpembasaio mokoko'iia hangano Nee-Do i Yesu.

PILIPI 1:20

Hangano anu tedoa kinekewoiku ka pinerorohiku onaemo nine a luwuakoano nahi aku mokoko'ii, tendeano kanakoa mpiha, kanatuu koa mbo'u kanandio-andio, Ondae i Kerisituu mengkaa Dopinokomaramba a ngkoroiku, moiko tuwuku maupo mateku.

PILIPI 1:29

Hangano ndi omiu mewineeako komba butu ka impe'ala-ala Ira i Kerisituu, tendeano ka imemarasaiako Ira koa mbo'u,

2 TIMOTIU 1:12

Onaemo pu'uno ka kupemarasaio luwuno andio, sine nahi mokoko'iiku; hangano kuto'orio ndi sema kupompe'ala-ala ka kupe'ala-alao nine Ondae pabawa mekariao hapa anu Dope'ala-alaakunemo ranta a oleo-Do i Ue.

YAKOBU 2:7

Komba ondaeke anu mpepaukiakono nee anu maramba, anu hangano Ondae ka imegagi mia-Do Ue Ala?

1 PETURU 2:12

Temoikomo gaumiu imentuwu i tonga-tongado tongku komba Yahudi, tewala domposebe komiu kana mia melambaha, ka dompokokitao inso a luwuno wineweumiu anu moiko ka melangkai Ira Ue Ala a oleo Dotepohaweako ira.

1 PETURU 4:11

Tewala hinao mia anu mepau, ka ipepaumo kana mia anu mohaweo pau-Do Ue Ala; tewala hinao mia anu mompekakaako, ka iweweuakonomo roso anu Doweeakono Ue Ala, ka Dopinokomaramba Ue Ala a luwuakoano hangano Ondae i Yesu Kerisituu. Ondaemo anu me'ueo marambaa ka pabawa ranta nahina tampulaano! Ami.

1 PETURU 4:14

Meme'ura komiumo, tewala mentinata komiu hangano nee-Do i Kerisituu, hangano Penaa marambaa, onaemo Penaa-Do Ue Ala kongko ndi omiu.

1 PETURU 4:19

Onaemo pu'uno moiko mbo'u ondae anu asalakono ntebobarasai hangano po'ehe-Do Ue Ala, mpeweengakono sumangado, saru wela mpoweweu moiko, ndi Ondae anu Mompokogagi nahi Dobali.