1 PETURU 4:14 - Wunta Mempori

¹⁴ Meme'ura komiumo, tewala mentinata komiu hangano nee-Do i Kerisituu, hangano Penaa marambaa, onaemo Penaa-Do Ue Ala kongko ndi omiu.

1 PETURU 4:14 ပူးပေါင်းရင်းမြစ်များ

1 Mokole 10:8

Meme'ura iramo kombiamiu! Meme'ura iramo pegawaimiu anu wela mekakaakomiu ka sumakosiio pandemiu!

2 Mokole 2:15

Tempono bawaado nabi inso i Yeriko atuu mengkitao inso olai, mpotae ira, ”Pabawano i Elia melimba ndi Elisa.” Me'aiwa ira ntepohaweakono ka dompenggolontu ndi onae ra'ido hawe a wita.

Po'unde-unde 146:5

Me'uraomo mia anu montarima pontulungi inso ndi Ondae Ue Alano i Yako, anu pomperorohiano ndi Ondae i Ue, Ue Alano:

Po'unde-unde 49:9

hangano tedoa masuli olino potolano penaano, ka nahi pototono ranta nahina tampulaano –

Po'unde-unde 89:51

Irambeomo, oo Ue, pontata a luwuno tetenaa-Miu, anu tinembiku a laro radaku inso a luwuno tongku.

Yesaya 11:2

Penaa-Do i Ue ta mo'ia ndi onae, penaa ponto'ori anu mentee ka ponto'ori, penaa pande mosongka ka roso, penaa tumo'orio ka doitoako Ira i Ue;

Yesaya 25:8

Matea nahi Ira mokohinao mbo'u; ka Ondae Ue Ala Ira pahihio uwoi mata inso a luwuno rupa; ka mokoko'iiado bawaa-Do Ira moko'olaio inso i asa wawontolino, hangano Dopauomo i Ue.

Yesaya 51:7

Ronge Akumo, hei omiu anu mento'orio hapa anu mentee, hei tongku anu menaao pompaguru-Ku a laro aroamiu! Siimo doito a pontatano mia ka siimo makura aroa hangano pepaukido.

I MATIU 5:11

Meme'ura komiumo, ba hangano Ongkue ka imentinata ka binobarasai ka imempinosebeako luwuno anu mosa'o.

I MATIU 5:16

Ka ikanandiomo mewinemiu mewanta i arodo mia, ka domengkitao wineweumiu anu moiko ka dompelangkai Ira Amamiu anu i suruga.”

I LUKASI 6:22

Meme'ura komiumo, tewala hangano i Ana Manusia ka dome'o'aliaakomiu mia, ka tewala domentadi komiu, ka mentata komiu saru mpokomosa'oo neemiu.

I YOHANE 15:21

Sine luwuno atuu ira meweweuo ndi omiu hangano nee-Ku, hangano nahi domento'ori Ira, anu tumena Aku.

I YOHANE 8:48

To Yahudi mesangki Ira i Yesu, ”Nahi menteeke ba kimpotae nine Omiu to Samaria ka anu pinewinsokino onitu nsa'o?”

I YOHANE 9:28

Saru mpoponggari-nggario dompotaeakono, ”Omue ana guruno mia atuu sine omami ana guruno i Musa.

I YOHANE 9:34

Mesangki ira, ”Omue andio lano pine'anaako a laro hala ka komingki paguru kami?” Ka do'amba mensaario ka ipeluarako.

WINEWEUDO TINENA 13:45

Sine, tempono domengkitao to Yahudi mia hadio atuu, mebukeako iramo kohili ka saru mpepauki, dome'ewaio hapa anu pinauno i Paulu.

WINEWEUDO TINENA 18:6

Sine mansado mpe'iwaliakono mia ka mpepaukiakono, itantamio pampawu inso a sangkano ka ipotaeako ira, ”Po'ineeomo ka ite'uwu reamiu a wawo ulumiu omiu-miu; ongkue morina, nahina salaku. Mompu'u kanandio-andio aku lumako a tongku susua.”

WINEWEUDO TINENA 28:22

Sine mingki kami merongeo inso ndi omue, ba kana'umpe pompewowolomu, hangano mongkona pompaguru andio kimento'orio, nine isua-suamo koa onae inewai.”

WINEWEUDO TINENA 5:41

Domebintao tinena atuu terisoado Puu Mpobitara Agama saru mawongko aroado, hangano pinetekona iramo mpembasaio mokoko'iia hangano Nee-Do i Yesu.

2 KORINTI 12:10

Onaemo pu'uno sanaa aku ka memoikoo a laro molemaa, a laro pobobarasaia, a laro masukaraa, a laro poweweu nsa'o ka ma'isoa hangano Ondae i Kerisituu. Hangano tewala molema aku, onaemo ka kumoroso.

2 KORINTI 4:10

Kimewawao mpiha mate-Do i Yesu a laro ngkoroimami, ka igagi mengkaa mbo'u tuwu-Do i Yesu a ngkoroimami.

2 KORINTI 4:16

Onaemo pu'uno ka nahi motewe aroamami, sine maupo koroi ntolinomami komara-marasaino, sine aroamami pinokowo'ohu sompo oleo.

GALATIA 1:24

Ka dome'unde-unde Ira Ue Ala hangano ongkue.

IBARANI 11:26

Pompokongkodeia hangano Ondae i Kerisituu ituduo gagi kaeaa anu lalu langkai sekonopo luwuno arataa i Masiri, hangano pinewowolono ipo'aroo a ntambo.

YAKOBU 1:12

Me'uraomo mia anu mompetea a laro po'ara-arahako, hangano tewala ipokolaloomo po'arahako, ta tumarimao ramba-ramba ulu tuwua anu dinandi-Do Ue Ala ndi ba isema anu mehohawa Ira.

YAKOBU 5:11

Menteeano kimempau ira meme'ura, onaemo andio anu mpompedato iramo; imerongeomo mongkona pompedatono i Ayubi ka imento'oriomo hapa anu poko'ariano Dopatiandaakono i Ue, hangano Ondae i Ue tedoa mompehahowa ka buke pe'aroa.

1 PETURU 2:12

Temoikomo gaumiu imentuwu i tonga-tongado tongku komba Yahudi, tewala domposebe komiu kana mia melambaha, ka dompokokitao inso a luwuno wineweumiu anu moiko ka melangkai Ira Ue Ala a oleo Dotepohaweako ira.

1 PETURU 3:14

Sine maupo asalakono imemarasai mbo'u hangano menteea, komiu koa meme'ura. Onaemo pu'uno si medoitoakono hapa anu dinoitoakodo ka si pondidi-ndidi.

1 PETURU 3:16

ka saru ponto'orino aroa anu moiko, ka domegagi mokoko'iiakono pomposebedo atuu anu mposebe komiu hangano tuwumiu anu moleo ndi Ondae i Kerisituu.

1 PETURU 4:16

Sine, tewala onae marasai gagi to Kerisituu, ka siimo imokoko'ii, tendeano moikoomo ipelangkai Ira Ue Ala a nee-Do i Kerisituu atuu.

2 PETURU 2:2

Hadio mia ira mentondao sala ntumuwudo anu pinabawaino po'eheno aroa, ka hangano ondae Sala Menteea ta pinepauikiako.